ونەرلى ورەندەر

ۇستىمىزدەگى جىلى ون جەتىنشى رەت وتكىزىلەتىن «اينالايىن-2016» جاس تالانتتار كونكۋرس-فەستيۆالىنە وبلىس بالالارى اراسىنداعى ىرىك­تەۋ تۋرى مارەگە جەتتى. جىل سايىن رەسپۋبليكالىق بايقاۋدىڭ ءورى­سى كەڭەيىپ, قاتىسۋشىلاردىڭ قاتارى كوبەيىپ كەلە جاتقانى ونىڭ ناعىز ونەر دوداسىنا اينالعا­نىن اڭعارتادى. بيىلعى ىرىكتەۋگە وبلىس­تىڭ شالعايداعى شالقار, باي­عانين, ويىل, حرومتاۋ سياقتى الىس اۋداندارىنان جانە قالا مەكتەپتەرىنەن ءۇمىتىن ۇكىلەگەن 500-گە جۋىق بالا ءوتىنىش بەرگەن ەكەن. ۆوكال, حورەو­گرافيا, تەاتر, اسپاپتىق, بەينە­لەۋ ونەرى, ءسان­­دىك قولدانبالى ونەر اتالىمى بويىنشا سىننان سۇرىنبەي وتكەن 262 بالا بايقاۋعا جولدا­ما الدى. «اينالايىن -2016» فەستيۆالى ۇستىمىزدەگى جىلعى 26-28 ناۋرىز ارالىعىندا ەۋرازيالىق توپتىڭ قۇرامىنا كىرەتىن «قاز­حروم» تۇك» اق فيليالى – اق­توبە فەر­روقورىتپا زاۋىتىنىڭ مە­تال­لۋرگ­­تەر مادەنيەت ۇيىندە وتەدى. وعان «قازحرومنىڭ» فيليالدارى – پاۆلودار قالاسىنداعى اقسۋ فەر­­روقورىتپا, اقتوبەدەگى اق­توبە فەر­روقورىتپا زاۋىتتارىنان جانە قاراعاندىداعى «قاز­مارگانەتس» كەن باسقارماسىنان بالالار قاتىسىپ, باق سىنايدى. – «اينالايىن-2016» كون­كۋرس-فەستيۆالىنىڭ ىرىكتەۋ تۋرىنا قا­تىسقان جاس تالانتتاردىڭ ونەر­لە­رىن بىلىكتى ماماندار باعا­­لاپ, كەلەسى كەزەڭگە جولداما بەردى. ونەر دوداسىنىڭ اقتىق سىنىندا ناعىز مىقتىلار انىقتالاتىن بولادى, – دەيدى مەتاللۋرگتەر ءما­­­دەنيەت ءۇيىنىڭ ادىسكەرى اينۇر كىستاۋباەۆا. «جۇزدەن جۇيرىك, مىڭ­­­نان تۇلپاردى» انىقتايتىن ءسات تە الىس ەمەس. بۇل جولى دا ونەرىمەن ورگە جۇزگەن ورەندەردىڭ باعى جاناتىنىنا سەنىم مول. ساتىبالدى ءساۋىرباي, «ەگەمەن قازاقستان». اقتوبە وبلىسى.