قار قۇرساۋى قىسقاندا

اقتوبەدە ءبىر تاۋلىكتە 250-دەن استام ادام قۇتقارىلدى اقتوبە وڭىرىنە بيىل قىس ەرتە ءتۇستى. قار­دىڭ ءتۇسۋى دە مول. اقپان ايى دا قۇبىلمالى بولىپ تۇر. قازىر كۇشىنە مىنگەن ايازدىڭ ارتى جى­لىمىققا ۇلاسىپ جۇرە بەرەدى. ءبىر ءسات شايداي اشىلىپ تۇرعان كۇن اياق استىنان ءب ۇلىنىپ شىعا كە­لەدى. ۇستىمىزدەگى جىلعى 17 اق­پاننان 18 اقپانعا قاراعان ءتۇنى اۋا رايىنىڭ بۇزىلۋى سالدارىنان اۆتوكولىكتىڭ بارلىق تۇرلەرى ءۇشىن كۇرە جولدار جابىلدى. ءبىز وڭىردە قالىپتاسقان جاع­­دايدى بىلمەك بولىپ وب­لىس­تىق توتەنشە جاعدايلار دە­پار­تا­مەنتىنە حابارلاسقان بولاتىنبىز. دە­پارتا­مەنتتىڭ مەم­­­لەكەتتىك ءتىل جانە اقپارات توبىنىڭ باس مامانى دينارا اتىراۋباەۆا­نىڭ ايتۋىنشا, اۋا رايىنىڭ كۇرت قۇبىلۋىنا بايلانىستى اقتوبە قالاسى مەن وب­لىس اۋدان­دا­رىندا تەلەارنالار ارقىلى جولداردىڭ جا­بىلۋى تۋرالى اقپاراتتىق حابارلار دەر كەزىندە ۇيىمداستىرىلعان. 17 اقپاندا 19.00 ساعاتتا ءجۇر­گىزۋشىلەر ءۇشىن Instagram الەۋ­مەتتىك جەلىسىندەگى Zello_aktobe توبىنا ەلدى مەكەندەردەن تىسقارى شىقپاۋلارى قاجەتتىگى جونىندە اقپارات جىبەرىلگەن. سوعان قاراماستان, تاۋەكەلگە بەل بۋىپ, جول­­عا شىققاندار بار بولىپ شىقتى. اپاتتىق-قۇتقارۋ جۇمىستارىن جۇرگىزۋ كەزىندە 3 ادام قۇتقارىلعان, ونىڭ بىرەۋى بالا. سونداي-اق, بو­ران­دا قالعان 12 اسىل تۇقىمدى ءىرى قا­را قۇت­قارىلعان. وسى ەكى كۇندە 253 ادام ەۆا­كۋ­اتسيالانعان, ونىڭ 16-سى بالا. جىلىتۋ پۋنكت­تەرىنە 73 ادام جەتكىزىلىپ, قار قۇرساۋىنان 45 تەح­­نيكا شىعارىلعان. – اپاتتىق-قۇتقارۋ جۇ­مىس­تارىنا 149 ادام جانە 90 بىرلىك تەحنيكا جۇمىلدىرىلدى. جىلىتۋ پۋنكتتەرىندە ورنا­لاس­تىرىلعان 73 ادام قازىرگى كەزدە قوزعالىستارىن جالعاستىردى, ونىڭ توعىزى رە­سەي فەدەراتسياسىنىڭ, ەكەۋى قىرعىز رەسپۋبليكاسىنىڭ ازاماتتارى. ولار تۇگەلدەي ىستىق تاماقپەن قامتاماسىز ەتىلدى. دەپارتامەنتتىڭ جەدەل شتابى جۇمىسىن جال­عاس­تىرۋدا, – دەيدى دينارا اتىراۋباەۆا. 18 اقپاندا وبلىس اۋماعى انتيتسيك­لوننىڭ ىقپالىندا بولدى, جەل, كوك­تايعاق, وڭتۇستىكتەن, وڭتۇستىك-باتىستان سوققان جەلدىڭ جىلدامدىعى سەكۋندىنا 9-14 م, ۇيىتقۋى 15-20 مەترگە جەتتى. قازىر اۋا رايى جاقساردى. بارلىق باعىت­تاعى جول­دار اشىلدى, كولىك قاتىناسى قالىپ­تى جاع­دايدا. ساتىبالدى ءساۋىرباي, «ەگەمەن قازاقستان». اقتوبە وبلىسى.