جاڭا جاڭعاق توعايى

جازۋشى نۇرعالي ورازدىڭ ءبىر اڭگىمەسىندە ەسىك الدىنا قا­دا قاعىپ, وعان قول جۋعىش ور­­­­­ناتىلعاندىعى ايتىلادى. باس­­تاپقىدا بايقاماعان. كەلەر جىلى قوڭىر كۇزدە قول جۋ قيىنعا اينالعان سوڭ تاڭعالىپ قاراسا سازداۋىت جەرگە شانشىعان قادا تامىرلاپ ءوسىپ, بيىكتەپ كەتكەن ەكەن. نۇرعالي وراز سول شىبىقتى تەرىس شانشىساڭ دا وسپەي قوي­مايتىن قازىعۇرت اۋدانىنىڭ تۋماسى. قىسى-جازى ءتۇسىن بەر­مەيتىن, ار جاعى ماڭگى قار جا­مىل­عان الاتاۋعا ۇلاساتىن ساي­­­رام-وگەمدەي ەرتەگىدەي جەردە بۇگىندە امەريكانىڭ كا­ليفورنيا شتاتىندا وسەتىن «چاندلەر» جاڭعاعى وسىرىلەتىن بولادى. وسىنداي جاقسى باستاماعا مۇرىندىق بولعان «شىمكەنت» ااك ۇق» اكتسيونەرلىك قوعامى «قار­قىندى باق» اگروايماق جوباسى بويىنشا الما جانە جاڭعاق باعىن ءوسىرۋدى قولعا الدى. بۇل جوباعا «بازيس» حولدينگ كومپانياسى قىزىعۋشىلىق تانىتىپ, قارجى سالماق نيەتتە. اۋماعى ءبىر مىڭ گەكتارعا دەيىن سوزىلاتىن الما جانە جاڭ­عاق القابى قارجان تاۋىنىڭ ەتە­گىندە قانات جايماق. گرەك جاڭعاعىنا تاپشىلىق ەۋروپانىڭ وزىندە 180 مىڭ توننادان اسادى ەكەن. وسىنداي جاعداي­دا قازاقستاندىق جاڭ­عاقتىڭ ءوتىم­دىلىگى قانداي بو­لاتىندىعىن شوت­قا سالا بەرىڭىز. وبلىس اكىمدىگى امە­­­­ري­­كالىق جاڭ­عاقتان وسى­لاي­شا ءۇمىت كۇتىپ وتىر. باقتيار تايجان, «ەگەمەن قازاقستان». وڭتۇستىك قازاقستان وبلىسى.