جەدەل شارالار قولدانىلۋدا

ءسىز نە دەيسىز؟ اقمولا وبلىسى بىل­تىرعى جىلعى سۋ تاس­قىنىنىڭ زاردابىن كوپ كورگەن ايماقتىڭ ءبىرى. «قاز­گيدرومەت» بولجامىنا ءساي­كەس, بيىل دا كۇردەلى جاع­داي قالىپتاسۋىن جوق­قا شىعارۋعا بولمايدى. وبلىس اۋماعىنداعى وزەن­دەر­دەگى توپىراقتىڭ كۇزگى ىل­­عالدانۋى ادەتتەگى قالىپ­تان 1,5-2 ەسەگە جوعارى بو­لىپ تۇر. بۇل جاعداي وبلىس­تىڭ 10 اۋ­دانىندا جانە ششۋچينسك, ستەپ­نوگور قالا­لارىندا تىركەل­گەن.

«ەگەمەن قازاقستاننىڭ» اقمولا وبلىسىنداعى ءتىلشىسى باقبەرگەن امالبەك وبلىستىق

توتەنشە جاعدايلار دەپارتامەنتىنىڭ باسشىسى ارمان ابدىحالىقوۆقا:

– ءسىز بۇعان نە دەيسىز؟ – تاسقىن سۋدىڭ زاردابىن بولدىرماۋ جونىندەگى وبلىستىق شۇعىل شتاب قۇرىلدى. ونى وبلىس اكىمى باسقارادى. وتكەن جىلدارداعى ورىن العان سۋ تاسقىندارى دەرەك­تەرىن سارالاي كەلە, وبلىس اۋما­عىنداعى سۋ تاسقىنى ورىن الا­دى دەگەن 16 قاۋىپتى وزەن اۋ­ماقتارى انىقتالىپ (كوكو, جا­باي, سارىقامىس, تالقارا, جى­­لاندى, ەسىل, قىلشاقتى, كولۋ­تون, شاعالالى, نۇرا, قاي­راق­تى, قىزىل-سۋ, جولبولدى جانە باقسۇق) باقىلاۋعا الىندى. دەپارتامەنت بۇگىننىڭ ءوزىن­دە سۋ تاسقىنىنىڭ الدىن الۋ جۇمىستارىن باستاپ كەتتى, اتاپ ايتقاندا, وبلىستىڭ ەلدى مە­كەن­دەرىنەن 240 مىڭ م³ قار شىعا­رىلىپ, 22 مىڭ توننا ينەرت­تىك ماتەريالدار, 9,65 مىڭ قاپ, 340 توننا جانار-جاعارماي دايىندالدى. جەرگىلىكتى اتقا­رۋشى ورگاندارمەن, شارۋا قو­جالىقتارىمەن ەلدى مەكەن­دەردەن قاردى شىعارۋ جۇمىس­تارىنا كومەك كورسەتۋ بويىنشا مەموراندۋمدار جاسالدى. وبلىس اۋماعىنداعى جاع­دايدى تۇراقتى تۇردە باقىلاپ, ساراپتاما جۇرگىزىپ وتىرۋ ءۇشىن گيدرومەتەورولوگيا بويىنشا وبلىستىق ورتالىقتىڭ 29 مە­تەوبەكەتى, 19 گيدروبەكەتى, 10 اگرومەتەوبەكەتى تۇراقتى تۇردە جۇمىس ىستەيدى. اۋداندىق اكىمدىكتەردىڭ كۇشىمەن وزەن سۋلارىنىڭ جاعدايى مەن دەڭ­گەيىن باقىلايتىن 80 قوسىمشا بەكەت ۇيىمداستىرۋ دا قولعا الىنۋدا. جالپى, وبلىس اۋداندا­رى مەن قالالارىنداعى تاس­قىن سۋ الۋ قاۋپى بار كەزەڭ ارالى­عىندا كومەك كورسەتۋ ءۇشىن وبلىستىڭ ازاماتتىق قورعانىس قۇرىلىمدارىندا 2174 ادام, 504 بىرلىك تەحنيكا, 188 بىرلىك سۋ تارتقىش تەحنيكا مەن 42 بىرلىك ءجۇزۋ قۇرالى دايىن تۇر. ال اۋدان اكىمدىكتەرى بولسا, قاۋىپتى ايماقتاردان ادامداردى كوشىرۋ قاجەت بولعان جاعدايدا ارنايى 145 قابىلداۋ ورىندارىن, 250 پالاتكا, 1,2 مىڭ كەرەۋەت جانە 4,4 مىڭ توسەك قۇرالدارىن الدىن الا دايىنداپ قويعان. اقمولا وبلىسى.