ىنتىماقتاستىق رايىنداعى كەزدەسۋلەر

وتكەن سارسەنبى كۇنى قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى باقىتجان ساعىنتاەۆ گرۋزيا پرەمەر-ءمينيسترى گەورگي كۆيريكاشۆيليمەن كەلىسسوزدەر جۇرگىزدى, دەپ حابارلادى پرەمەر-ءمينيستردىڭ ءباسپاسوز قىزمەتى. تاراپتار قازاقستان مەن گرۋزيا اراسىنداعى ساۋدا-ەكونوميكالىق قارىم-قاتىناستاردىڭ جاعدايىن, ونەركاسىپ پەن اوك سالاسىنداعى ىنتىماقتاستىقتى, ەكى ەلدىڭ ترانزيتتىك الەۋەتىن پايدالانۋ, اتاپ ايتقاندا, ترانسكاسپي حالىقارالىق كولىك باعىتىن پايدالانۋ, ينۆەستيتسيالاردى ءوزارا قورعاۋ ماسەلەلەرىن تالقىلادى. قازاقستاننىڭ ءبىرىنشى ۆيتسە-پرەمەرى گرۋزيادا دۇنيەجۇزىلىك بانكتىڭ Doing Business رەيتينگى شەڭبەرىندە جۇرگىزىلىپ جاتقان رەفورمالارمەن تانىستى. بۇعان دەيىن باقىتجان ساعىن­تاەۆ گرۋزيانىڭ ۆيتسە-پرەمەرى, ەكونوميكا جانە تۇراقتى دامۋ ءمينيسترى دميتيري كۋمسيش­ۆيليمەن كەلىسسوزدەر جۇرگىزىپ, ونىڭ بارىسىندا ساۋدا-ەكونو­مي­كالىق ىنتىماقتاستىقتىڭ بەل­سەندىلىگىن ارتتىرا ءتۇسۋ ماسە­لەلەرىن تالقىلادى. قازاقستان پرەمەر-مي­نيس­ترىنىڭ ءبىرىنشى ورىنباسارى, سون­داي-اق, باتۋمي تەڭىز پورتىنىڭ جانە «قازترانسويل» اق-قا قا­رايتىن مۇناي تەرمينالىنىڭ جۇمىستارىمەن دە تانىستى.