بەرەكەلى بەلدەۋ

مەملەكەت باسشىسىنىڭ استانانىڭ ازىق-ت ۇلىك بەل­دەۋىن جاساۋ جونىندەگى تاپسىر­ماسى اقمولا وبلىسىنا جۇك­تەلگەن ابىرويلى مىندەت سانالادى. جاۋاپتى ىسكە ءوڭىردىڭ بار­لىق اۋداندارى قاتىسىپ, نى­سانالى جۇمىستار اتقا­رىلۋدا. قازىرگى تاڭدا وبلىس استاناعا ازىق-ت ۇلىك تاۋارلارىن جەتكىزۋشى جەتەكشى بۋىنعا اينالدى. بۇعان وبلىستا «استانا قالاسىنىڭ اينالاسىنداعى ازىق-ت ۇلىك بەلدەۋىن قالىپتاستىرۋدىڭ 2015-2018 جىلدارعا ارنالعان كەشەندى باعدارلاماسىنىڭ» قابىلدانۋى شەشۋشى سەرپىن بەرىپ وتىر. اتالعان قۇجات تاۋار كولەمىن ارتتىرۋ مەن قايتا وڭدەۋ كاسىپورىندارىنىڭ جۇمىسىن دامىتۋعا باعىتتالعان ءتيىمدى شارالاردى قامتيدى. جۇيەلى ۇيىمداستىرىلعان جۇمىستىڭ قايتارىمى دا ەسەلەنە تۇسۋدە. ماسەلەن, 2015 جىلى استانا مەن ونىڭ قوناقتارىنىڭ داستارقان مازىرىنە 86,8 مىڭ توننا ەت ونىمدەرى, 20,9 مىڭ توننا قايتا وڭدەلگەن ەت تاعامدارى جەتكىزىلىپ, سۇرانىستىڭ 45-50 پايىزى قامتاماسىز ەتىلدى. ال جۇمىرتقا (217,5 ميلليون دانا), كارتوپ (82,7 مىڭ توننا), ۇن (11,3 مىڭ توننا) ونىمدەرى بويىنشا قالا سۇرانىسى 100 پايىزعا ورىندالعان. وبلىستىق اۋىل شارۋا­شى­لىعى باسقارماسىنان الىنعان ءمالى­مەتكە قاراعاندا, بيىلعى 2016 جىلى دا ازىق-ت ۇلىك بەلدەۋى­نىڭ بەرەكەسى ارتا تۇسەتىنى بايقا­لادى. الدىن الا جوسپارعا سايكەس, ەلور­دامىزعا 94 مىڭ توننا ءسۇت, 22,2 مىڭ توننا ەت, 222,5 ميلليون دانا جۇمىرتقا, 85 مىڭ توننا كار­توپ پەن 26 مىڭ توننا كوكونىس جەت­كىزىلەدى دەپ كۇتىلۋدە. وسىنىڭ ءوزى ءونىمنىڭ بارلىق تۇرىنەن جىل سايىنعى ءوسىم بولاتىندىعىن بىلدىرەدى. سونداي-اق, وسى باعىتتاعى جاڭا كاسىپورىندار قۇرىلىسى جالعاسىپ, پايدالانۋعا بەرىلگەن نىساندار سانى كوبەيە باستاعانى قۋانتادى. ناقتىلاي ايتساق, 2015 جىلى 22.2 ميلليارد تەڭگەنىڭ 14 جوباسى جۇزەگە اسىرىلىپ, 500 جۇمىس ورنى قۇرىلدى. مۇندا زاماناۋي ءسۇت جانە ەت باعىتىنداعى مال شارۋاشىلىعىنا, قۇس وسىرۋگە جانە استىق قويمالارىنا باسىمدىق بەرىلگەندىگى ماقسات اۋقىمىنىڭ كەڭدىگىن دالەلدەيدى. ماقسات اۋقىمى دەمەكشى, بيىلعى كۇردەلى جىلدىڭ وزىندە 8,9 ميلليارد تەڭگەنىڭ 9 ينۆەستيتسيالىق جوباسى قاراستىرىلىپ وتىرعاندىعى دا جاقسى ويلارعا باستايدى. مۇنىڭ ىشىندە, كادۋىلگى باعىتتارعا قوسا, قۇس ەتىن وڭدەۋ, جىلىجايلار سالۋ, تەرەڭدەتە وڭدەۋدى قامتاماسىز ەتەتىن استىق قويمالارىن سالۋ جوسپارلانىپ وتىرعانى ەل تۇرمىسىن جاقسارتاتىنى انىق. وسى ورايدا, ازىق-ت ۇلىك بەلدەۋىن تولىقتىرۋ كورسەتكىشىن ارتتىرۋعا بيىل جوبالىق قۋاتىنا ەنەتىن ءىرى كاسىپورىندار سالماقتى ۇلەس قوساتىنىن ايتقىمىز كەلەدى. مىسالى, اقكول اۋدانىنداعى «ەكو ميلك» جاۋاپكەرشىلىگى شەكتەۋلى سەرىكتەستىگى تاۋلىگىنە 100 توننا ءسۇتتى قايتا وڭدەپ, ءسۇت پەن ايراندى ۇزاق ساقتالاتىن پيۋر-پاك, فين-پاك جانە شىنى ىدىستار ارقىلى تۇتىنۋشىلارعا جەتكىزبەك. مۇنداعى قايماقتىڭ مايلىلىعى 10 پايىزدان تومەن تۇسپەيدى. ال, وسى اۋدانداعى «ءۇش بۇلاق» جشس جىلىنا 90 ميلليون دانا جۇمىرتقا, 270 توننا قۇس ەتىن ءوندىرۋ قۋاتىنا يە بولادى. سونداي-اق, ەڭبەكشىلدەر اۋدانىنداعى «قازگەرقۇس» جشس جىلىنا 140 ميلليون دانا جۇمىتقا وندىرۋمەن كوش باستاسا, «Capital رroject ltd» سەرىكتەستىگىندە جىلىنا 20 مىڭ توننا برويلەر ەتى دايىندالادى. بۇعان قوسا, ءۇش جىلدان بەرى ەت ەكسپورتىمەن اينالىسىپ كەلە جاتقان قورعالجىن اۋدانىنداعى «استانا اگرو ونىمدەرى» ەت وڭدەۋ كەشەنى جاڭا قۋاتتاردى ىسكە قوسادى دەپ جوسپارلانعان. مىنە, قولعا الىنعان يگى ىستەردىڭ بارلىعىن تىزبەلەپ شىعۋدى شارت ساناماعاننىڭ وزىندە, استانانىڭ ازىق-ت ۇلىككە قاتىستى بەرەكەلى بەلدەۋى مۇلتىكسىز قامتاماسىز ەتىلەتىندىگى ايقىن ەكەندىگىن كورەمىز. بۇل استانالىق وبلىستىڭ مەرەيىن تاسىتا تۇسەتىن جاۋاپكەرشىلىك. باقبەرگەن امالبەك, «ەگەمەن قازاقستان». اقمولا وبلىسى.