ينۆەستيتسيالىق احۋالدى جەتىلدىرۋ ماسەلەلەرى تالقىلاندى

سەناتتىڭ قارجى جانە بيۋدجەت كوميتەتىنىڭ ۇيىمداستىرۋى بويىنشا ينۆەستيتسيالار جانە دامۋ مينيسترلىگىنىڭ باسشىلىعىمەن كەزدەسۋ وتكىزدى. ءىس-شاراعا پارلامەنتتىڭ جوعارعى پالاتاسىنىڭ دەپۋتاتتارى, ۇلتتىق ەكونوميكا مينيسترلىگىنىڭ, «كaznex Invest» جانە «اتامەكەن» ۇلتتىق كاسىپكەرلەر پالاتاسى وكىلدەرى قاتىستى. جيىندى اشقان سەنات توراعاسىنىڭ ورىنباسارى اس­قار بەيسەنباەۆ «100 ناقتى قا­دام» ۇلت جوسپارىندا وڭدەۋشى ونەر­كاسىپكە ستراتەگيالىق ينۆەس­تورلاردى تارتۋ, ەكونوميكانىڭ باسىم­دىققا يە سەكتورلارىندا بىرلەس­كەن كاسىپورىنداردى قۇرۋ, تاۋارلاردىڭ ەكسپورتىن قۇرۋ جانە قازاقستاننىڭ الەمدىك نارىققا شىعۋى ءۇشىن وڭدەۋشى سەكتورعا كەمىندە ونشاقتى ترانسۇلتتىق كومپانيانى تارتۋ جونىندەگى باعىتتاردى ايقىندادى. مەملەكەت باسشىسى ءوزىنىڭ «قازاقستان حالقىنا جولداۋىندا ەكونوميكاعا ينۆەستيتسيالار كولەمىن جىل سايىن ۇلعايتۋ, تۇتاستاي العاندا 10 جىل ىشىندە كەمىندە 100 ميلليارد اقش دوللارى كولەمىندە ۇلعايتۋ جونىندە مىندەت قويدى», دەپ اتاپ ءوتتى. توراعا ورىنباسارى پارلا­مەنت­تىڭ بۇل تاپسىرمالاردى ىسكە اسىرۋ بويىنشا ينۆەستيتسيالىق احۋال­دى جاقسارتۋعا باعىتتالعان ءتيىستى زاڭنامالىق اكتىلەر قابىلداعانىن, ينۆەستيتسيالاردى كوتەرمەلەۋ جانە ءوزارا قورعاۋ جونىندەگى بىرقاتار حالىقارالىق كەلىسىمدەر راتيفيكاتسيالانعانىن ايتتى. «ينۆەستورلار تاراپىنان قازاقستانعا قىزىعۋشىلىق ارتا تۇسۋدە. سوڭعى ون جىلدا جالپى تىكەلەي شەتەلدىك ينۆەستيتسيالار اعىنى 219 ميلليارد اقش دوللارىن قۇرادى. بۇل جەتىستىكتەرگە قول جەتكىزۋگە تەرەڭ ويلاستىرىلىپ قۇرىلعان مەملەكەتتىك ساياسات تا ىقپال ەتتى», دەدى ا.بەيسەنباەۆ. ينۆەستيتسيالار جانە دامۋ ءمينيسترى اسەت يسەكەشەۆ ءوز بايان­داماسىندا اعىمداعى جاعدايعا تالداۋ جاساي كەلە, پرەزيدەنتتىڭ جاڭا ينۆەستيتسيالىق ساياساتىنىڭ جاريالانۋى اياسىندا ينۆەستورلارمەن جۇمىس تاسىلدەرىنىڭ وزگەرگەنىن اتاپ ءوتتى. قويىلعان مىندەتتەرگە سايكەس, مەملەكەت بيۋدجەتتىك سالىمداردان الشاقتاپ, جەكە ينۆەستيتسيالاردى تارتۋ, سونداي-اق, مەملەكەت-جەكەمەنشىك سەرىكتەستىگى تەتىكتەرىن دامىتۋ جاعىنا كوبىرەك نازار اۋداراتىن بولادى. ا.يسەكەشەۆ اتاپ وتكەندەي, بۇدان ءارى ەكونوميكالىق ىنتى­ماق­تاستىق جانە دامۋ ۇيىمىنىڭ ستاندارتتارىمەن ينۆەستيتسيالىق كليماتتى جاقسارتۋ باستى باعىت بولىپ تابىلادى. ينۆەستيتسيالىق كليماتتى جاقسارتۋ ءۇشىن سالىق جانە سوت اكىمشىلىگىن جاقسارتۋعا, ينۆەستورلار ءۇشىن ميگراتسيالىق ماسەلەلەردى وڭايلاتۋعا, اكىمشىلىك كەدەرگىلەردى ودان ءارى ازايتۋعا باعىتتالعان ەگجەي-تەگجەيلى جوسپار جاسالعان. كەزدەسۋ بارىسىندا مينيستر­گە ەركىن جاڭا ونىمدەر نارىعى­نىڭ مونيتورينگى ماسەلەلەرى, ەركىن ەكونوميكالىق ايماق­تار­دىڭ تيىمدىلىگى جانە شەتەلدىك جۇمىس كۇشىن تارتۋ, «Doing Business» رەيتينگىندە, دۇنيە­جۇزىلىك ەكونوميكالىق فورۋم­نىڭ جاھاندىق يندەكسىندە قازاقستاننىڭ پوزيتسياسىن جاقسارتۋ پەرسپەكتيۆالارى تۋرالى ساۋالدار قويىلدى. سەناتورلار ەرتارعىن استاەۆ, سەرگەي ەرشوۆ, لاززات تۇرلاشوۆ جانە باسقا دا پىكىرتالاسقا قاتىسۋشىلار ينۆەستيتسيالىق كليماتتى جاقسارتۋعا قاتىستى بىرقاتار ۇسىنىستار ايتتى, دەپ حابارلادى سەناتتىڭ ءباسپاسوز قىزمەتى.