توقىما تسەحىن اشتى

مەملەكەتكە دەگەن سەنىم قا­شاندا حالىقتىڭ ادال ەڭبەك ەتۋىنە سەبەپشى بولارى حاق. ءويت­كەنى, سول ەڭبەكتىڭ وتەۋى بولاتىنىنا ەل سەنەدى. ال سەنىم ادام جىگەرىن جانىپ, كۇش-قۋاتىن ارتتىرىپ, تەك العا باستىرا بەرەتىنى تاعى انىق. مىنە, سول سەنىممەن مەملەكەتتەن قولداۋ تاۋىپ, بۇگىندە ءبىر ءوزى عانا ەمەس, ءۇش بىردەي ىسمەر جاننىڭ باسىن قوسا بارلىعىنا تەڭ جۇمىس ورنىن اشىپ وتىرعان ادام جامبىل اۋدانى, ۇزىناعاش اۋىلىنىڭ تۇرعىنى, كاسىپكەر ايگۇل تاجي­مانوۆا. ول وسىدان ەكى جىل بۇرىن ءوز بەتىنشە جۇمىسپەن قامتىلعان جان. «جۇمىسپەن قامتۋدىڭ جول كارتاسى-2020» باعدارلاماسىنىڭ ەكىنشى باعى­تى – جەكە كاسىپكەرلىك باستاما­نى ىنتالاندىرۋ جانە تىرەك اۋىلداردى كەشەندى دامىتۋ بويىنشا جامبىل اۋدانىنىڭ جۇمىسپەن قامتۋ ورتالىعىنا شاعىن نەسيە الۋ ءۇشىن ءوتىنىش ءبىلدىرىپ, اۋىل شارۋاشىلىعىن قارجىلاي قولداۋ قورى شاعىن نەسيە بەرۋشى مەكەمەدەن 2 ملن. تەڭگە نەسيە العان ەدى. سول نەسيەگە ءوزىنىڭ جەكەمەنشىك تو­قى­ما تسەحىن اشىپ, توقىما بۇيىمدارىن كوپتەپ شىعارۋدا. «جۇمىسپەن قامتۋدىڭ جول كارتاسى-2020» باعدارلاماسى ارقىلى كومەك الىپ, ءوز ءىسىمدى ءارى قاراي جالعاستىرىپ وتىرمىن. مەملەكەت تاراپىنان قولداۋ كورسەتكەنى ءۇشىن ەلباسىنا شەكسىز العىسىمدى بىلدىرەمىن», دەيدى كاسىپكەر. نەگىزى از سويلەپ, ناقتى ىسىمەن جاۋاپ بەرەتىن جاندى اۋىل­داستارى اركەز ماقتان تۇتا, قۇرمەتتەي بىلەدى. باستى سەبەپ شىعارعان ءونىمى ساپالى, ءتيىستى باعاسىنا ساتىپ الىپ يگىلىگىنە جاراتۋعا لايىق. قازاقتا «بەت كورسە ءجۇز ۇيالادى» دەگەن ءسوز بار. سوندىقتان, توقىما بۇيىم­دارىنا كەرەكتى زاتتاردى تاڭداپ الۋدا ساپاسىنا باسا نازار اۋدارۋ باس­تى تالابى بولىپ تابىلادى. البەتتە, وتاندىق ءونىم ءبىرىنشى كەزەكتە تاڭدالىناتىنى تاعى بار. ونداعى ۇستانىم, مەملەكەت قولداۋ كورسەتىپ, توقىما تسەحىن اشۋىنا جول اشقاندىقتان, ونىڭ قايتارىمى ءارى ارزان, ءارى ساپالى ءونىم شىعارۋ دەپ سانايدى كاسىپكەر. ءسويتىپ, الدىعا ۇمتىلۋ ارقىلى ادال ەڭبەگىنىڭ وتەۋىن كورىپ وتىرعان جان زامان تالابىنا ساي ءوندىرىس ورنىن ۇلكەيتە ءتۇسۋدى دە ويلاستىرۋدا. نۇربول الدىباەۆ, «ەگەمەن قازاقستان». الماتى وبلىسى, جامبىل اۋدانى.