دامۋ بانكىنىڭ تابىسى ارتقان

ورتالىق كوممۋنيكاتسيالار قىزمەتىندە «قا­زاق­ستاننىڭ دامۋ بانكى» اق-تىڭ باسقارما توراعاسى بولات جامىشەۆ ءباسپاسوز ءماسليحاتىن وتكىزدى. ول بانكتىڭ وتكەن جىلعى جۇمىسى جونىندە اڭگىمەلەپ, قول جەتكىزگەن تابىستارى تۋرالى ايتتى. بانك باسقارماسىنىڭ توراعاسى وتكەن جىلعى بىرقاتار قارجىلىق قيىندىقتارعا قاراماستان, قازاق­ستاننىڭ دامۋ بانكى ءوز مىندەتىن تولىق اتقارۋمەن قاتار, ءبىرشاما جەتىستىككە جەتكەندەرىنە توقتالدى. «ناقتى مىسال كەلتىرەتىن بولسام, بىلتىرعى جىلى كرەديتتىك پورتفەل مولشەرى جوسپارلانعان 943 ميلليارد تەڭگەدەن اسىپ, 1,5 تريلليون تەڭگەگە جەتتى. تەڭگە باعامىنىڭ اسەرىن ەسەپتەمەگەندە, ءوسىمنىڭ ناقتى كورسەتكىشى بۇرناعى جىلمەن سالىستىرعاندا 20 پايىزدى قۇرادى», دەدى ب.جامىشەۆ. توراعانىڭ سوزىنە زەر سالا قا­راساق, بانكتىڭ اكتيۆىندەگى كرە­ديتتىك پورتفەلى 62 پايىزدان 68 پايىز­عا ارتىپتى. «مۇنداي جاقسى ءناتي­جەگە نەگىزىنەن بىلتىرعى جىلى 42 جوبانى جالپى سوماسى 280 ملرد. تەڭگەگە قارجىلاندىرۋ تۋرا­لى شەشىمنىڭ ارقاسىندا قول جەت­­كىزدىك. بۇرناعى جىلى 226 ملرد. تەڭ­گەنى قۇرايتىن 14 جوبا عانا قار­جىلان­دى­رىلعان بولاتىن. بۇ­دان بولەك, بىلتىر بانك 50 ميل­ليون دوللاردى قۇرايتىن كەپىل­دەمەلەردى دە شىعاردى», دەدى ول. وتكەن جىلى قازاقستاننىڭ دامۋ بانكىنىڭ شوعىرلانعان تازا تابىسى دا ارتىپ, 7,9 ملرد. تەڭگەنى قۇراپتى. «جىل قورىتىندىسى اياسىنداعى قارجىلىق ءناتي­جەلەرگە كەلسەك, تۇتاستاي العاندا وڭ باعا­لاۋعا بولادى. مىسالى, تازا شوعىرلانعان تابىس 7,9 ملرد. تەڭ­گە­گە جەتتى. بۇل الدىن الا بەلگىلى ءما­لىمەتتەر, ناقتى قورىتىندى اۋديت ناتيجەسىندە بەلگىلى بولادى. تازا تابىس جالپى سوماسى 47,7 ملرد. تەڭگەنى قۇرايتىن بەس جوبانىڭ تالاپتارىن قۇرىلىمداۋ ناتيجەسىندە قامتاماسىز ەتىلدى», دەدى بانك جەتەكشىسى. سپيكەردىڭ بۇل سوزىنەن اڭعار­عانىمىز, اتالعان بەس جوبا ۆاليۋ­تالىق تۇسىمدەردەن تۇرادى. سون­دىقتان, ۆاليۋتالىق باعام وزگەرىس­تەرىنە وراي جوبالارعا قاتىستى تالاپتار شەتەلدىك ۆاليۋتادان ۇلتتىق ۆاليۋتاعا الماستىرىلعان. تۇتاستاي العاندا, مۇنداي قادام قار­جىلىق ناتيجەلەردە وڭ جەتىس­تىكتەردى قامتىعان سياقتى. ءباسپاسوز ءماسليحاتى بارىسىندا بانكتىڭ باسقارما توراعاسى اعىمداعى جىلى اۆتونەسيە باع­دارلاماسىنا 26 ملرد. تەڭگە جۇمساۋ كوزدەلىپ وتىرعانىن دا ايتتى. ونىڭ سوزىنە قاراعاندا, بىلتىرعى جىلى اۆتونەسيە باعىتىندا 15 ملرد. تەڭگە بولىنگەن ەكەن. بۇعان قوسىمشا 4 ملرد. تەڭگە «برك ليزينگ» ارقىلى قاراستىرىلىپتى. «ليزينگ بويىنشا 4 ملرد. تەڭگە تولىعىمەن يگەرىلدى. ال 15 ملرد. تەڭگەنىڭ تەك 87 پايىزى عانا ورىندالدى. بۇعان سەبەپ, جىل سوڭىنا تامان دەۆالۆاتسيا قارقىنى ۇدەپ, سونىڭ سالدارىنان سۇرانىس تا كۇرت ءتۇسىپ كەتتى», دەدى ب.جامىشەۆ. ونىڭ كەلەسى كەلتىرگەن ءمالى­مەتىنە قاراعاندا, بيىلعى جىل­دىڭ باسىندا اۆتونەسيە بويىنشا قوسىمشا 11 ملرد. تەڭگە ءبولىنىپتى. مۇنىمەن بىرگە, قدب اۆتونەسيە سالاسىندا الداعى جۇمىستاردى اي­قىنداۋ بويىنشا ۇكىمەتپەن ءبىر­لەسە بەلسەندى جۇمىسقا كىرىسىپتى. «8 قاڭتاردان باستاپ وسى باعىتقا قوسىم­شا 11 ملرد. تەڭگەنى باعىت­تادىق. وسى­لايشا, تۇتاستاي العان­دا اۆتونەسيە باع­دارلاماسىنا 26 ملرد. تەڭگە قاراس­تىرىلىپ وتىر. قازىرگى ۋاقىتتا بانكتەر­مەن, اۆتو­وندى­رۋشىلەرمەن بىرلەسىپ, قاراجاتتى ءتيىم­دى ءارى ناتيجەلى پايدالانۋ ماسە­لەسىن قاراستىرىپ جاتىرمىز. تۇتاس­تاي العاندا, ەلى­مىزدە اۆتونەسيە باعدار­لاماسىنا قىزىعۋشىلىق ۇلكەن. ماسە­لەن, بيىل­عى قاراستىرىلعان قاراجات­تىڭ 12,7 پايىزىنا كليەنتتەردەن تاپ­سى­رىس ءتۇسىپ وتىر», دەدى باسقارما توراعاسى. جەڭىلدەتىلگەن اۆتونەسيە بە­رۋ باع­دارلاماسى اياسىندا قدب جەكە تۇل­عا­­لاردىڭ 5161 ءوتىنىشىن قا­ناعات­تاندى­رىپتى. وسى جىلدىڭ 11 اقپا­نىن­داعى مالىمەت بويىن­شا, قازاق­ستاندا ءوندى­رىلگەن اۆتو­كو­لىكتەردى ساتىپ الۋعا 16 ملرد. 904 ملن. تەڭگە جۇمسالىپتى. وسىنى ايتقان بانك باسشىسى, التى بانك-اگەنت 14,5 ملرد. تەڭگەگە ناقتى 4523 اۆتونەسيە بەرگەنىن تىلگە تيەك ەتتى. «وسى رەتتە 15 ملرد. تەڭ­گەنى قۇرايتىن ۇلتتىق قوردان ءبولىن­گەن قاراجاتتىڭ ءبىرىنشى تران­شى 87 پايىزعا يگەرىلىپ, حا­لىق 13 ملرد. تەڭگەگە اۆتونەسيە ال­عان. بيىل ءبو­لىنگەن 11 ملرد. تەڭ­گە كولەمىندەگى ەكىن­شى ترانش 12,7 پاي­ىزعا يگەرىلىپ,1,4 ملرد. تەڭگە اۆتونەسيە بەرىلدى», دەدى ب.جامىشەۆ. نۇرباي ەلمۇراتوۆ, «ەگەمەن قازاقستان».