الماتىدا تاريحي-قۇجاتتىق كورمە ءوتتى

الماتىداعى قازاقستان رەسپۋبليكاسى پرەزيدەنتى ارحيۆىندە قازاقستان رەسپۋبليكاسى ۇلتتىق عىلىم اكادەمياسىنىڭ قۇرىلۋىنا 70 جىل تولۋىنا وراي «ەلدىڭ ينتەللەكتۋالدى كاپيتالى: تاۋەلسىز قازاقستاننىڭ زوولوگيا عىلىمى» اتتى تاريحي-قۇجاتتىق كورمە جانە دوڭگەلەك ۇستەل ءوتتى. زياتكەرلىك كورمەدە قازاق­ستاننىڭ زوولوگيا عىلىمىنىڭ تاريحىن, ونىڭ قالىپتاسۋى جانە دامۋىن بەينەلەيتىن مۇراعات قۇجاتتارى: زوولوگيا سەكتورىنىڭ قۇرىلۋى تۋرالى حاتتامالار مەن قاۋلىلار, باسشىلاردى تاعايىنداۋ تۋرالى حاتتامالاردان ۇزىندىلەر, عىلىمي-زەرتتەۋ جۇمىستارىنىڭ جوسپارلارى مەن ەسەپتەرى, بايانحاتتار, جاريالانعان ەڭبەكتەر تۋرالى مالىمەتتەر, ينستيتۋتتىڭ زەرتتەۋ قىزمەتى مەن حالىقارالىق قاتىناستارى بويىنشا حات الماسۋ ۇسىنىلدى. سونداي-اق, كورمەدە سيرەك كەزدەسەتىن, «قىزىل كىتاپقا» ەنگەن جاندىكتەردىڭ زوولوگيالىق كوللەكتسيالارى, زوولوگيا ينس­تي­تۋ­تىنىڭ ەڭبەكتەرى ورنالاستىرىلدى. ۇلى عالىمداردىڭ زەردەلى مۇرالارىن ساقتاۋدا «عىلىم وردا­سىنىڭ» ۆەدومستۆولىق مۇراعاتى ماڭىزدى ءرول اتقارۋدا. دەرەكتەرگە باي مۇراعات قورلارى وتاندىق عىلىمنىڭ قالىپتاسۋى مەن دامۋىن بەينەلەيتىن قۇجات­تاردىڭ ساقتالۋىن قامتاماسىز ەتەدى. مۇندا قازاقستان رەسپۋب­ليكاسى ۇلتتىق عىلىم اكادەميا­سىنىڭ عىلىمي-ۇيىمداستى­رۋ­شى­لىق قىزمەتىنىڭ جانە ونىڭ مەكەمەلەرىنىڭ 1932 جىلدان باستالاتىن قۇندى قۇجاتتارى جيناقتالعان. ۆەدومستۆولىق مۇراعات 1946 جىلى قازاق كسر عىلىم اكادەمياسىنىڭ قۇرامىندا «عىلىم اكادەمياسىنىڭ مۇرا­عاتى» بولىپ قۇرىلعان بولاتىن. كورمەنىڭ سالتاناتتى اشىلۋىندا قازاقستان رەسپۋبليكاسى پرەزيدەنتى ارحي­ۆى­نىڭ ديرەكتورى بوريس جاپاروۆ, ۇلتتىق عى­لىم اكادەمياسىنىڭ پرەزي­دەنتى مۇرات جۇرىنوۆ, قازاق­ستان رەسپۋبليكاسىنداعى روسسوترۋ­دنيچەستۆو وكىلدىگى باس­شىسىنىڭ ورىنباسارى يرينا پەرەۆەرزەۆا, عىلىمي-تەحني­كالىق قۇجاتتاما ورتالىق مەم­لەكەتتىك مۇراعاتىنىڭ ديرەكتورى گۇلايحان سارسەنوۆا ءسوز سويلەدى. دوڭگەلەك ۇستەل شەڭبەرىندە پا­ۆەل ماريكوۆسكيدىڭ پرەزيدەنت ءارحيۆىنىڭ قورىندا ساقتاۋداعى قولجازباسىنىڭ نەگىزىندە دايىن­دالعان «ۆوسپومينانيا ناتۋ­را­­ليستا, زوولوگا, پيساتەليا» كىتا­بى­نىڭ تۇساۋكەسەرى ءوتتى. تۇساۋ­كەسەر قر عتق ومم-دا ساقتاۋداعى پا­ۆەل ماريكوۆسكيدىڭ جەكە قورى­نىڭ ماتەريالدارى نەگىزىندە دايىن­دالعان كورمەمەن قوسا وتكىزىلدى. ايناش ەسالي, «ەگەمەن قازاقستان». الماتى.