نەۆا ۇستىندەگى سامعاۋ

«استانا وپەرا» مەملەكەتتىك وپەرا جانە بالەت تەاترىنىڭ سيمفونيالىق وركەسترى ماريا تەاترىنىڭ كونتسەرت زالىندا الەمگە ايگىلى ماەسترو, رەسەيدىڭ حالىق ءارتىسى ۆالەري گەرگيەۆتىڭ ديريجەرلىگىمەن ونەر كورسەتتى. بۇل – تەاتر ترۋپپاسىنىڭ سانكت-پەتەربۋرگكە العاشقى ساپارى ەمەس, 2014 جىلعى ناۋرىزدا ارتىستەر ماريا تەاترىنىڭ ەسكى جانە جاڭا ساحنالارىندا دج.ۆەرديدىڭ «اتتيلا» جانە م.تولەباەۆتىڭ «ءبىرجان-سارا» وپەرالارىن ۇسىنعان بولاتىن. سونىمەن بىرگە, بالەت ترۋپپاسى ەڭ ۇزدىك حورەوگرافيالىق نومىرلەر مەن بالەت ۇزىندىلەرىن تارتۋ ەتكەن ەدى. شىنىن ايتقاندا, رەسەيدىڭ رۋحاني استاناسىن كلاسسيكالىق مۋزىكانىڭ جاۋھار تۋىندىلارىمەن دە, ورىنداۋشىلىق قىرىمەن دە تاڭعالدىرۋ قيىن. الايدا, قازاقستاننىڭ استانالىق وركەسترى تالعامپاز پەتەربۋرگ جۇرتشىلىعىنا مازمۇنى ەرەكشە باعدارلاما دايىندادى. مۇندا قازاق, ورىس جانە باتىس ەۋروپالىق كومپوزيتورلاردان, اتاپ ايت­قان­دا, ەركەعالي راحماديەۆتىڭ «قۇ­داشا دۋمان» سيمفونيالىق كۇيى, ت.قاجىعاليەۆتىڭ «دالا اڭىزى» بالەتىنەن سيۋيتا, يان سيبە­لي­ۋستىڭ وركەستر مەن سكريپكاعا ار­نالعان كونتسەرتى جانە سەرگەي پرو­كوفەۆتىڭ «رومەو مەن دجۋل­ەتتا» بالەتىنەن ەكى سيۋيتا بار. ال سيبەليۋس كونتسەرتىنەن قازاق­ستاندىق بەلگىلى سكريپكاشى ەرجان ق ۇلىباەۆ جەكە پارتيا ورىندادى. بۇل رەتتە «استانا وپەرا» مەن ماريا تەاترىنىڭ باسشىلا­رى ەكى جاقتى مادەني قارىم-قاتى­ناس­تاردى ودان ارى دامىتۋعا مەي­لىنشە مۇددەلى ەكەندىكتەرىن ايتتى. ەسكە سالا كەتۋ كەرەك, قازاق­ستان­دىق مۋزىكانتتاردى رەسەيلىكتەر ءۇش كۇن بويى انشلاگپەن قارسى العان سونداعى شات-شادىمان ساتتەر تاريحي وقيعا دەسەك تە, جاس وركەستردىڭ از ۋاقىتتاعى مۇنشاما ءىرى جەتىستىگى ۇجىمنىڭ شىعارماشىلىق ءوسىپ-وركەندەۋىنىڭ ناقتى دالەلى ىسپەتتى. ەلوردالىق تەاتردىڭ تابىسى قالا قوناقتارى مەن تۇرعىندارىنىڭ عانا ەمەس, رەسەيلىك باق وكىلدەرىنىڭ ايرىقشا نازارىنا ىلىككەنى بولەك اڭگىمە. ولار تۋرالى «رەسەي گازەتىندە»: «سوليستەردى باسىپ تاستاۋدى ەمەس, قولداۋدى ماقسات تۇتاتىن ور­كەستر امورتيزاتسيالانعان ەرەك­شە­لىگىمەن, جۇمساقتىعىمەن, جي­ناقىلىعىمەن, ناقتىلىعىمەن جانە سازدىلىعىمەن قايران قالدىردى. الدىمىزدا – بيىكتەردى ماقسات ەتكەن ناعىز پاسسيونارلار تۇرعانى ايدان انىق», – دەپ باعا بەرىلدى. («رگ».09.03.2014). – قۇرامىندا 95 ادامى بار وركەسترىمىز, مىنە, تاعى دا ماريا تەاترى ساحناسىندا ونەر كورسەتىپ, وتە قۋانىشتى جايتقا كەنەلىپ قايتقان جايىمىز بار, – دەدى «استانا وپەرا» موبت ديرەكتورى تولەۋبەك الپيەۆ جۋرناليستەرگە بەرگەن سۇحباتىندا. –سەبەبى, الەمدىك دەڭگەيدەگى ساحنالاردا ونەر كورسەتۋ ارقىلى ۇجىم جاڭادان تاجىريبە جيناقتايدى, ءوز قارىمىڭدى وزگەلەرمەن سالىستىرىپ باعالاۋعا مۇمكىندىك تۋادى, ەڭ باستىسى, ءتول مۋزىكامىز بەن ورىنداۋشىلىق شەبەرلىگىمىزدى تانىستىرۋ مەن ناسيحاتتاۋعا جول اشادى. گاسترولدىك كونتسەرتتىڭ ۆالەري ءابىسال ۇلىنىڭ ديري­جەر­لىگىمەن وتكەنىن باسا ايتىپ وتكىم كەلەدى, نەگە دەسەڭىز ماەسترونىڭ وزگە وركەسترلەرمەن ونەر كورسەتۋى وتە سيرەك, ادەتتە, ونى جۇرت تەك ءوز ۇجىمىمەن بولە-جارمايدى. سوعان وراي ۆ.گەرگيەۆتىڭ باعدارلاما بويىنشا قازاق, ەۋروپا مۋزىكالارىن قاتار ورىنداۋعا كەلىسكەنى ءبىزدى قۋانتتى. رەسەيلىك ماەسترو «استانا وپەرا» تەاترىمەن 2014 جىلدان بەرى تىعىز شىعارماشىلىق بايلانىستا جۇمىس ىستەپ كەلەدى. سونداي-اق, 4-5 قازاندا ۆالەري گەرگيەۆتىڭ جەتەكشىلىگىمەن ماريا تەاترىنىڭ ترۋپپاسى وسىعان جاۋاپ رەتىندە استانادا ريحارد ۆاگنەردىڭ ايگىلى «نيبەلۋنگ ساقيناسى» تەترالوگيا­سىنان وپەرالار قويعانىن ءھام قازاقستاندىق كورەرمەن ولاردى زور ىقىلاسپەن قابىل العانىن اتاپ وتكەن ابزال. قارشىعا كۇلەن.