استاناداعى ينتەرنەت اكتسيا

«25 جىل: ءبىر ەل. ءبىر تاعدىر» دەپ اتالدى ەل تاۋەلسىزدىگىنىڭ 25 جىل­­دى­عىنا وراي ۇيىمداس­تىرىلعان اكتسيا وسىلاي اتالىپ, وعان ەلىمىزدەگى بارلىق جاستار بەلسەندىلىك تانىتتى. «قازمەديا» ورتالىعىندا وتكى­زىلگەن شارادا رەسپۋبلي­كامىزداعى بارلىق الەۋمەت­تىك جەلىنى پايدالانۋشىلار 25.el.kz ارنايى سەرۆيسىنىڭ كومەگىمەن ءبىر مەزەتتە وزدەرى­نىڭ سۋرەتتەرىن ۇلتتىق نا­قىش­تاعى ويۋ-ورنەكتەرمەن بەزەندىرۋگە قول جەتكىزدى. سونداي-اق, اكتسيادا ەلىمىز­دىڭ ءار وڭىرىندەگى جاستار مەن «بولاشاق» باعدارلاماسى ارقىلى شەتەلدەردە ءبىلىم الىپ جاتقان ستۋدەنتتەر بەينەكونفەرەنتسيا بايلانىس جۇيەسى ارقىلى ءوز ءتى­لەكتەرىن ءبىلدىردى. اتاپ ايتقان­دا, ماسكەۋ, شانحاي, لوندون, ۆا­شينگتون قالالارىندا ءبىلىم نارىمەن سۋسىنداپ جۇرگەن بەل­سەندى جاستار بايلانىسقا شىعىپ, قازاقستاننىڭ قارىشتاپ دامۋىن, ءبىلىم, ونەر, مادەنيەت, ەكونوميكا سالالارىندا جەتكەن جەتىستىكتەرىن ماق­تانىشپەن جەتكىزىپ, تاۋەل­سىزدىكتىڭ 25 جىل­دى­عىمەن بارشا قازاقستاندىقتاردى قۇتتىقتادى. مۇ­نان كەيىن جال­پىۇلتتىق اكتسيا­عا ارنايى كەلگەن تانىمال انشىلەر مەن كينو سالاسىندا قانات قاعىپ جۇرگەن تالانتتى ارتىستەر ءسوز الىپ, جاستاردى بەلسەندىلىككە, وتان­سۇيگىشتىككە شاقىردى. – جاستار – ەلىمىزدىڭ بو­لا­شاعى. بۇگىندە مەملەكەت تارا­پى­نان ءبىلىم الامىن دەگەن جاسقا بارلىق جاعداي جاسالعان. قا­زاق­­ستان كۇن ساناپ قارىشتاپ دامىپ, ەكونوميكالىق تۇرعىدا ىلگەرى­لەپ كەلەدى. ءبىز ەلىمىز بەن ەلبا­سىمىزعا تىرەك بولامىز. ءبىز ەلى­مىزدىڭ ەرتەڭگى يەسى بولامىز. ءتاۋ­ەلسىزدىكتىڭ 25 جىلدىعى قۇتتى بولسىن! بارشاڭىزدى قازاق­ستاندى قادىرلەۋگە, سۇيۋگە شاقى­رامىن, – دەدى كينواكتەر ءادىل احمەتوۆ. سونىمەن قاتار, ءانشى مار­جان اراپباەۆا دا اكتسياعا قاتى­سۋشىلاردى پاتريوت بولۋعا ۇندەپ, اق تىلەگىن ءبىلدىردى. جالپى, شاراعا 300-دەن استام ستۋدەنت پەن ونەر ادامدارى جانە شىعارماشىلىق ۇيىمدار وكىلدەرى قاتىستى. ءبىر ايتا كەتەرلىگى, جال­پىۇلتتىق اكتسيا باستالعان ءسات­تە 30 مىڭنان اسا الەۋمەتتىك جەلىلەردى پايدالانۋشىلار جە­كە پاراقشالارىن جاڭارتقان. بۇل ۇيىمداستىرۋشىلاردىڭ 20 مىڭ ادام جەكە پاراقشالارىن جاڭا­لايدى دەگەن جوسپارىنان اسىپ ءتۇستى. وسكەلەڭ ۇرپاقتىڭ ومىرىنە ءىز سالىپ, بويىنا ەلىن, جەرىن, حال­قىن ءسۇيۋدى سىڭىرەتىن ءھام ەگەمەن ەلىمىز تاۋەلسىزدىگىنىڭ 25 جىلدىعىن ناسيحاتتايتىن بۇل شارانىڭ نە­گىز­گى ءمانى ءبىر ەلدە ءومىر سۇرگەن حا­لىقتىڭ تاعدىرى ءبىر دەگەنگە سايادى. ال شارا سوڭىندا جاس­تاردىڭ رۋحىن كوتەرىپ, جىگەرىن جا­نيتىن «قازاق ەلى وسىنداي» ءانى شىرقالدى. تالعات رايىمبەك, «ەگەمەن قازاقستان». سۋرەتتى تۇسىرگەن