نەيمار 50 ملن. دوللار ايىپپۇل تولەۋگە ءتيىس

الەمدەگى ەڭ تانىمال فۋت­بولشىلاردىڭ ءبىرى نەي­ماردىڭ باسىنا قارا بۇلت ءۇيىرىلدى. اتاپ ايتقاندا, سپورتشى تاپ­قان تابىسىنىڭ سالىعىن ۋا­قىتىندا تولەمەسە كەرەك. سو­عان وراي, برازيليانىڭ سان-پاۋلۋ فەدەرالدى سوتى ونىڭ يەلىگىندەگى اكتيۆتەردىڭ اينالىمىنا تىيىم سالۋ تۋرالى شەشىم شىعاردى. قاتارىندا ۇشاق, ياحتا, جىلجىمايتىن م ۇلىك سىندى قۇندى دۇنيەلەر بار بۇل اكتيۆتەردىڭ جالپى سوماسى 50 ملن. اقش دوللارىنا جەتىپ جىعىلادى. وتكەن جىلى برازيليا سو­تى فۋتبولشىنىڭ ءوزىن, وتبا­سىن جانە ولارعا تيەسىلى كوم­پانيانى سالىق تولەۋدەن جال­تارعاندارى ءۇشىن ايىپتاعان بولاتىن. تاعىلعان ايىپ بويىنشا, نەيمار «سانتوس» كلۋبى ساپىندا ويناعان 2011-2013 جىلدار ارالىعىندا مەملەكەتكە 16 ملن. دوللار سالىق تولەمەگەن. الايدا, فۋتبولشىنىڭ ءوزى بۇل ايىپتى نەگىزسىز دەپ سانايدى. ءتىپتى, ول ايىپتاۋشىلارعا قارسى شاعىمدانىپ, فەدەرالدى سوتقا اپەللياتسيا دا بەرگەن. دەگەنمەن, سوت ونىڭ شاعىمىن قاناعاتتاندىرمادى. ءدال وسى شەشىم نەيماردىڭ اكتيۆتەرىنە تىيىم سالۋعا نەگىز بولىپ وتىر. برازيليا ۇلتتىق قۇراماسى مەن يسپانيانىڭ «بارسەلونا» كومانداسىنىڭ ويىنشىسىنا قارسى قوزعالعان ءىس تەك بۇل ەمەس. بۇگىندە ءوزىنىڭ تۋعان ەلىنەن بولەك, يسپانيادا دا نەيمارعا قاتىستى ىسكە تەرگەۋ جۇمىستارى جۇرگىزىلۋدە. ناقتى ايتار بول­ساق, «بارسەلونا» ويىنشى ءۇشىن «سان­توسقا» 57,1 ملن. ەۋرو تولە­گەن. بۇل قاراجاتتىڭ باسىم ءبو­لىگىن فۋتبولشىنىڭ اكەسىنە تيەسىلى Neymar Santos كومپانيا­سى العان. ال تەرگەۋ بارىسىندا يسپانيا كلۋبىنىڭ نەيماردىڭ ترانسفەرى ءۇشىن 83,3 ملن. ەۋرو جۇمساعانى انىقتالىپ وتىر. ەرنار مۇحامبەت.