مىندەت – ايقىن, جەڭىسكە قول جەتكىزۋ

«نۇر وتان» پارتياسى الماتى قالالىق فيليالىنىڭ بەلسەندىلەرى قالادا پارتيانىڭ سايلاۋالدى شتابى اشىلعانىن حابارلادى پارتيانىڭ الماتى قالالىق فيليالىندا وتكەن بريفينگتە قالالىق سايلاۋالدى شتابتىڭ جەتەكشىسى راحمان الشانوۆ ۇستىمىزدەگى جىلدىڭ 30 قاڭتارىندا پارتيا توراعاسىنىڭ ءبىرىنشى ورىنباسارى اسقار مىرزاحمەتوۆتىڭ جەتەكشىلىگىمەن رەسپۋبليكالىق سايلاۋالدى شتابتىڭ اشىلعانىن اتاپ ءوتىپ, رەسپۋبليكا بويىنشا قالالىق جانە اۋداندىق سايلاۋالدى شتابتار ءوز جۇمىستارىن باستاعانىن جەتكىزدى. وسى ءىس-شارا اياسىندا «الماتى قالالىق سايلاۋالدى شتابىنىڭ قۇرامىنا تانىمال تۇلعالار, قوعام قايراتكەرلەرى, پارتيا بەلسەندىلەرى, قالالىق فيليال ساياسي كەڭەسىنىڭ مۇشەلەرى, قازاقستان حالقى اسسامبلەياسى ەتنومادەني بىرلەستىكتەرىنىڭ جەتەكشىلەرى مەن جاس­تار ۇيىمدارىنىڭ بەلسەندى وكىلدەرى ەنىپ وتىر. جۋرناليستەرمەن وتكەن باسقوسۋ بارىسىندا سايلاۋالدى شتاب جۇمىسىنىڭ مىندەتى – «نۇر وتان» پارتياسىنىڭ پارلامەنتتىك جانە ءماسليحاتتار سايلاۋلارىندا ايقىن جەڭىسىنە قول جەتكىزۋ ەكەندىگى, پارتيانىڭ كەزەكتەن تىس ءXVىI سەزىندە پارلامەنت ءماجىلىسىنىڭ دەپۋتاتتارى سايلاۋىنا ارنالعان پارتيالىق ءتىزىم بەكىتىلگەنى جانە جاڭا قابىلدانعان «قازاقستان-2021. بىرلىك. تۇراقتىلىق. جاسامپازدىق» اتتى سايلاۋالدى باعدارلاما اياسىندا كوپتەگەن ءىس-شارالار اتقارىلۋى ءتيىس ەكەندىگى اتاپ كورسەتىلدى. ايتا كەتسەك, الماتى قالاسى بويىنشا سەنىمدى وكىلدەر مەن پارتيا بەلسەندىلەرىنىڭ جۇمىسىن ۇيلەستىرەتىن 1 قالالىق جانە 8 اۋداندىق سايلاۋالدى شتابى ءوز جۇمىستارىن باستادى. ولاردىڭ قۇرامىندا 170 ادام بار. سونىمەن قاتار, قالا بويىنشا سايلاۋالدى شتابتارىنىڭ جۇمىسىنا 1500-گە جۋىق سەنىمدى وكىل قاتىسادى. قالالىق شتاب جۇمىسىنىڭ اشىلۋىنا «نۇر وتان» پارتياسى الماتى قالالىق فيليالى توراعاسىنىڭ ءبىرىنشى ورىنباسارى زاۋرەش امانجولوۆا, «نۇر وتان» پارتياسى فراكتسياسىنىڭ الماتى قالاسى ماسليحاتىنداعى جەتەكشىسى مۇرات ءادىلحانوۆ, قازاقستاننىڭ ەڭبەك ەرى, بەلگىلى ۇستاز اياگۇل ميرازوۆا, تانىمال قارجىگەر سەرىك احانوۆ, وليمپيادا جەڭىمپازى, بوكسشى ەرماحان ىبىرايىموۆ «لوكوموتيۆ» اق فيليالىنىڭ ديرەكتورى بولات وسپانوۆ, قازاقستان حالقى اسسامبلەياسىنىڭ مۇشەلەرى مەن قالالىق جاستار ۇيىمدارىنىڭ بەلسەندىلەرى قاتىستى. قانات ەسكەندىر, «ەگەمەن قازاقستان». الماتى. سۋرەتتى تۇسىرگەن يۋري بەككەر.