«شاحتەر» فۋتبول كلۋبىنىڭ اتقارۋشى ديرەكتورى اۋىستى

قاراعاندى. 1 اقپان. قاراعاندىنىڭ «شاحتەر» فۋتبول كلۋبىنىڭ اتقارۋشى ديرەكتورى ۆلاديمير نيدەرگاۋس قىزمەتىنەن كەتتى. بۇل تۋرالى كلۋبتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. ال بۇگىن كەنشىلەر كومانداسىنىڭ اتقارۋشى ديرەكتورى قىزمەتىنە اسقار ابىلداەۆ تاعايىندالدى. وسىعان دەيىن ول قازاقستان فۋتبول فەدەراتسياسىنىڭ بۇقارالىق فۋتبول دەپارتامەنتىن باسقارعان. سونداي-اق, تارتىپتىك-باقىلاۋ كوميتەتىنىڭ توراعاسى دا بولدى. اسقار ابىلداەۆ بەلگىلى فۋتبولشى. «شاحتەردىڭ» قۇرامىندا ويناپ, ەلىمىزدىڭ تاڭداۋلى شابۋىلشىلارىنىڭ ءبىرى بولدى. قازاقستاننىڭ چەمپيونى (1992) جانە ەل كۋبوگىنىڭ يەگەرى اتانعان. 2008-2010 جىلدارى وسى «شاحتەردىڭ» اتقارۋشى ديرەكتورى قىزمەتىن اتقارعان. ابىلداەۆ باسقارعان كەزدە «شاحتەر» ەل چەمپيوناتىنىڭ قولا جۇلدەگەرى اتاندى (2009). ەكى رەت قازاقستان كۋبوگىنىڭ فينالىنا شىقتى (2009, 2010). قايرات ءابىلدينوۆ. دەرەك: «شاحتەر» فۋتبول كلۋبىنىڭ ءباسپاسوز قىزمەتى. سۋرەت: prosport.business.kz.