*لەبىزدەر لەگى

تامارا لاۆرينەنكو, «استانا-بايتەرەك» ايەلدەر كلۋبى» قوعامدىق بىرلەستىگى: – كەزەكتەن تىس XVII سەزدىڭ كۇن ءتارتى­بىندەگى نەگىزگى ماسەلە «نۇر وتان» پارتيا­سىنىڭ «قازاقستان-2021: بىرلىك. تۇراقتىلىق. جاسام­پازدىق» اتتى سايلاۋالدى باعدارلاماسىنا ارنالدى. مەملەكەت باسشىسى قازاقستاندى دامىتۋ جانە ونىڭ الەم مەن ءوڭىردىڭ وزىق ەل­دەرى قاتارىنان سەنىمدى تۇردە ورىن الۋى ورايىن­داعى دايەكتى دە جۇيەلى ءىس-قيمىلدارىنىڭ باعدارلاماسى بولىپ تابىلاتىن بەس ينستيتۋتتىق رەفورمانى ىسكە اسىرۋدى جالعاستىرۋعا باعىتتالعان بىرقاتار شارالاردى ۇسىندى. سەزد دەلەگاتتارى قازاقستان رەسپۋبليكاسى پارلامەنت ءماجىلىسىنىڭ الداعى سايلاۋى قوعامدىق بىرلىكتى, تۇراقتىلىقتى جانە رەفورمالار باعىتىن ودان ءارى جەتىلدىرۋدەگى ماقساتكەرلىكتى نىعايتۋعا كومەكتەسەدى دەپ كامىل سەنىم ءبىلدىردى. مەرۋەرت قازبەكوۆا, «قازاقستاننىڭ كاسىپكەر ايەلدەر وداعى» قوعامدىق بىرلەستىگىنىڭ ءتورايىمى: – «نۇر وتان» پارتياسىنىڭ كەزەكتەن تىس XVII سەزى پارلامەنت ءماجىلىسى دەپۋتاتتارىنىڭ كەزەكتەن تىس سايلاۋىنا ازىرلىكتىڭ نەعۇرلىم ەلەۋلى ماسەلەلەرىن تالقىلاۋدىڭ ۇنقاتىسۋ الاڭىنا اينالدى. «نۇر وتان» پارتياسى ەكونوميكانىڭ وزەك­­تى سالالارىن جانە قازاقستاندىقتاردىڭ قوعامدىق-ساياسي ءومىرىن دامىتۋعا باعدارلانعان كەشەندى سايلاۋالدى باعدارلاماسىن ازىرلەدى. سايلاۋالدى باعدارلامانىڭ نەگىزى – رەفورمالاردىڭ جانە «100 ناقتى قادام» ۇلت جوسپارىنىڭ باعىتىن ودان ءارى دامىتۋ. جاۋاپكەرشىلىك, جۇمىستاعى ىقتياتتىلىق جانە دامۋدىڭ جاڭا كوك­جيەكتەرىنە جەتۋگە دەگەن ۇمتىلىس ارقاشان باستى باسىمدىقتار جانە ازاماتتار سەنىمىنىڭ نەگىزى بولىپ كەلدى جانە سولاي بولىپ قالا بەرمەك. بۇل ۇلتتىق بىرلىكتى نىعايتۋدىڭ جانە وسى زامانعى سىن-قاتەرلەر مەن الەمدىك ەكونوميكالىق داعدارىس ىقپالىن ەڭسەرۋ جونىندەگى تابىستى جۇمىستىڭ ماڭىزدى العىشارتى. ابىلعازى قۇسايىنوۆ, قازاقستان كاسىپوداقتارى فەدەراتسياسىنىڭ توراعاسى: – نۇرسۇلتان ءابىش ۇلى نازارباەۆتىڭ ءسوزى پارتيانىڭ كەزەكتەن تىس سەزىنە قاتىسقان بارلىق دەلەگاتتارعا وشپەس اسەر سىيلادى. مەملەكەت باسشىسى پارتيانىڭ سايلاۋالدى جۇمىسىنىڭ جانە داعدارىس قاۋپىن ەڭسەرۋدىڭ نەگىزگى باعىتتارىن ايقىنداپ, قىسقامەرزىمدى كەزەڭگە ناقتى تاپسىرمالار بەردى. پارتيانىڭ جەر-جەردەگى جۇمىستى كۇشەي­تۋگە, سونىڭ ىشىندە سايلاۋالدى باعدارلامانىڭ نەگىزگى ەرەجەلەرىن ءتۇسىندىرۋ جونىندەگى وڭىرلىك فيليالداردىڭ ءتيىمدى جۇمىسىن قۇرۋعا نازار اۋدارعانىن اتاپ كورسەتۋ ماڭىزدى. پارتيا مۇشەلەرى مەملەكەت باسشىسىنىڭ داعدارىستى ەڭسەرۋ باعدارلاماسىن ىسكە اسىرۋ بارىسىنا لايىقتى ۇلەس قوساتىندىعىنا, ءسويتىپ, قازاقستاننىڭ ستراتەگيالىق ماقساتتارعا جەتۋ جولىندا تاعى دا توپتاسقاندىق پەن بىرلىك تانىتاتىنىنا كامىل سەنىمدىمىن. بيبىگۇل جەكسەنباي, «باس رەداكتورلار كلۋبى» قوعامدىق بىرلەستىگىنىڭ پرەزيدەنتى: – پارتيانىڭ سايلاۋالدى باعدارلاماسى وسى زامانعى قازاقستاندىق قوعامنىڭ ءتۇيىندى ماسەلەلەرىن شەشۋگە باعىتتالعان. قازاقستاننىڭ الەمنىڭ وزىق دامىعان 30 ەلىنىڭ قاتارىنا كىرۋ ورايىنداعى ءبىزدىڭ سترا­تەگيالىق باعىتىمىز الەمدىك ەكونوميكالىق داعدارىستىڭ كەلەڭسىز كورىنىستەرىنە جاۋاپ رەتىندەگى پارمەندى شارا بولىپ تابىلادى. «100 ناقتى قادام» ۇلت جوسپارى دەگەنىمىز – ءوزىمىزدىڭ يننوۆاتسيالىق ءوندىرىستى, اۋىل شارۋاشىلىعىن, تەپە-تەڭدەستىرىلگەن ەكونوميكانى دامىتۋ جونىندەگى ناقتى شارالار. مەملەكەت باسشىسى پارتيانىڭ كەزەكتەن تىس سەزىندەگى ءوزىنىڭ سوزىندە ناق وسى جايىندا ايتتى. رۇستەم قايداروۆ, «گەنەرالدار كەڭەسى» رەسپۋبليكالىق قوعامدىق بىرلەستىگىنىڭ وكىلى: – «نۇر وتاننىڭ» كەزەكتەن تىس سەزى پارتيانىڭ 2015 جىلعى جۇمىس قورىتىندىلارى مەن پارتيانىڭ 2021 جىلعا دەيىنگى جاڭا باعدارلاماسىنداعى پەرسپەكتيۆالى مىندەتتەردى كونسترۋكتيۆتى تالقىلاۋ جاعدايىندا ءوتتى. مەملەكەت باسشىسى, پارتيا توراعاسى نۇرسۇلتان ءابىش ۇلى نازارباەۆ ءوزىنىڭ سوزىندە نازاردى «100 ناقتى قادام» ۇلت جوسپارىن پراكتيكالىق جۇزەگە اسىرۋ بارىسىنا اۋداردى. جاھاندىق ەكونوميكالىق داعدارىستىڭ جاڭا سىن-قاتەرلەرى جاعدايىندا ءبىزدىڭ پارتيامىز ءوزىنىڭ بارلىق الەۋەتىن رەفورمالاردىڭ جوعارى تيىمدىلىگىن قامتاماسىز ەتۋ ءۇشىن جۇمىلدىرۋى ءتيىس. رەفورمالار ۋاقىت رۋحىنا جاۋاپ بەرەدى جانە ەلىمىزدىڭ بارلىق رەسۋرستارىن تارتا وتىرىپ, دايەكتى, جۇيەلى جۇمىس جۇرگىزۋدى تالاپ ەتەدى. سوندىقتان, الداعى پارلامەنتتىك سايلاۋعا قاتىسۋ تۋرالى قابىل­دانعان شەشىم ءبىراۋىزدان قولداۋ تاپتى جانە سەزد جۇمىسىنىڭ باستى ناتيجەلەرىنىڭ ءبىرى بولدى.  يۋري مەلنيچەنكو, 1996 جىلعى اتلانتا قالاسىندا وتكەن وليمپيا ويىندارىنىڭ چەمپيونى: – «نۇر وتان» پارتياسىنىڭ سەزىندە ءبىزدىڭ قوعامنىڭ الدىنا الەمدە قالىپتاسقان احۋال قويىپ وتىرعان وسىزاماندىق تالاپتارعا جاۋاپ بەرەتىن جاڭا سايلاۋالدى باعدارلاماسى جاريا ەتىلدى. قازىر الەمدىك ءتارتىپتىڭ تۇراقسىزدىعى بەل الىپ, اۋرە-سارساڭعا سالعان ەكونوميكالىق ءسىل­كىنىستەر ۋاقىتى كەلدى. پارتيا ءبىزدىڭ حالقى­مىزدىڭ الدىندا جاھاندىق داعدارىستىڭ سىن-قاتەرلەرىن جەڭىپ شىعۋ مىندەتى تۇرعانىن جاقسى تۇسىنەدى. پارتيانىڭ بۇكىل سايلاۋالدى باعدارلاماسى ەلدىڭ جاڭا جاعدايلاردا تۇراقتى دامۋىن قامتاماسىز ەتۋگە باعىتتالعان. بۇكىل قازاقستاندىق قوعام وتاندىق ەكونوميكاداعى داعدارىستى قۇبىلىستاردى جەڭىپ شىعۋعا, بىرلىكتى ساقتاۋعا جانە تۇراقتى ءوسۋدى قامتاماسىز ەتۋگە جۇمىلۋى ءتيىس. مەن بۇكىلحالىقتىق قولداۋعا جانە ءبىزدىڭ كوشباسشىمىز – پارتيا توراعاسى ن.ءا.نازارباەۆتىڭ بيىك بەدەلىنە نەگىزدەلگەن «نۇر وتان» پارتياسىنىڭ ناق وسى توپتاستىرۋشى الەۋەتى باعا جەتكىزگىسىز ءرول اتقاراتىندىعىنا سەنىمدىمىن. مۇرات جۇرىنوۆ, ۇلتتىق عىلىم اكادەمياسىنىڭ پرەزيدەنتى: – پارتيا مۇشەسى رەتىندە «نۇر وتان» پارتياسىنىڭ كەزەكتەن تىس XVII سەزى وتەتىنىن زور قۋانىشپەن قابىل الدىم. سەبەبى, ەلىمىز ۇلكەن سىرتقى جانە ىشكى سىن-قاتەرلەرمەن بەتپە-بەت كەلىپ وتىرعان كۇردەلى كەزەڭدە پارتيانىڭ كۇشىن بىرىكتىرىپ, بولاشاق باعىتىن تاعى ءبىر مارتە ايقىنداپ الۋ ماڭىزدى. بىلتىر وتكەن پرەزيدەنت سايلاۋىندا پارتيامىزدىڭ توراعاسى نۇرسۇلتان نازارباەۆ 5 ينستيتۋتتىق رەفورماسىن ۇسىنىپ, ول, ءوز كەزەگىندە, حالىقتىڭ قىزۋ قولداۋىنا يە بولدى. بۇگىندە وسى رەفورمالاردى جۇزەگە اسىرۋدىڭ «100 ناقتى قادام» ۇلت جوسپارى قازاقستان مەملەكەتتىلىگىن نىعايتۋعا, جولدان اداسپاي, كۇردەلى كەزەڭنەن سەنىمدى وتۋگە جاعداي تۋعىزاتىن تۇراقتى دامۋ باعدارلاماسىنا اينالىپ وتىر. وسى ورايدا, پارتيانىڭ سايلاۋالدى باعدارلاماسىنىڭ تاقىرىبىن «بىرلىك. تۇراقتىلىق. جاسامپازدىق» دەپ بەكەر تاڭداپ وتىرعان جوقپىز. قازىر الەمدى شارپىعان سىن ساعاتتا پارتيامىزدىڭ الدىندا جەر-جەرلەردەگى بارلىق كۇش-قۋاتىن بىرىكتىرىپ, ساياسي تۇعىرناماسىنىڭ تۇراقتىلىعىن ءارى ەل دامۋىنا جاڭا سەرپىلىس بەرەتىن جاسامپاز يدەيالارىن ءساتتى جۇزەگە اسىرۋ مىندەتى تۇر. مۇنىڭ ءبارى ەلباسى ۇسىنعان 5 ينستيتۋتتىق رەفورمامەن تىعىز ساباقتاستىقتا. ەندەشە, قازاقستان رەسپۋبليكاسى پارلامەنتى ءماجىلىسىنىڭ كەزەكتەن تىس سايلاۋىندا پارتيامىزدىڭ سايلاۋالدى باعدارلاماسى دا جەرلەستەرىمنىڭ ءسوزسىز قولداۋىنا يە بولادى دەگەن سەنىمدەمىن. بالنۇر قىدىربەك, قازاقستان كومپوزيتورلار قاۋىمداستىعىنىڭ ءتورايىمى: – ەلباسى ن.ءا.نازارباەۆتىڭ توراعالىعىمەن «نۇر وتان» پارتياسىنىڭ كەزەكتەن تىس XVII سەزىندە كوتەرىلگەن وزەكتى ماسەلەلەر ۇلكەن ءرول اتقاراتىن بولادى. «نۇر وتان» پارتياسى ەلىمىزدىڭ جەتەكشى ساياسي پارتياسى رەتىندە وزىنە جۇكتەلگەن جاۋاپكەرشىلىكتەن قاشپاي, جۇيەلى تۇردە شەشىمدەرىن تاۋىپ كەلەدى. «نۇر وتان» پارتياسى 17 جىلدىڭ ىشىندە قوعامنىڭ بارلىق تۇيتكىلدى ماسەلەلەرىن كوتەرەتىن بىرىكتىرۋشى, جاۋاپتى جانە جالپىۇلتتىق پارتياعا اينالدى. وسىناۋ جاۋاپتى كەزەڭدە پارتيا ورتاق بولاشاعىمىزدى ايقىنداپ, تاۋەلسىزدىگىمىزدىڭ تۇعىرىن نىعايتىپ, بولاشاعى ءبىرتۇتاس ۇلتتىڭ داڭعىل جولىن سالۋدا. سوندىقتان پارتيا مۇشەلەرىن قابىلدانعان سايلاۋالدى تۇعىرنامانى قولداۋعا جانە جۇزەگە اسىرۋعا اتسالىسۋعا شاقىرامىن. تالعات ماماشەۆ, دۇنيەجۇزى قازاقتارى قاۋىمداستىعى توراعاسىنىڭ ءبىرىنشى ورىنباسارى: – قازىرگى الەم ۇنەمى جاڭعىرۋ ۇستىندە. جاھان ەلدەرىنىڭ ساياسي تاجىريبەسىندە بارلىق مەملەكەتتەر ءوزىنىڭ جاڭارۋ كەزەڭىنەن وتەدى. بۇدان ءبىزدىڭ تاۋەلسىز قازاقستان دا تىسقارى قالماق ەمەس. ءوزىنىڭ مەرەيلى بەلەس جىلىندا «نۇر وتان» پارتياسىنىڭ جەتەكشىلىگىمەن مەملەكەتىمىز جاڭا باستامالارعا تاۋەكەل ەتىپ وتىر. الەمنىڭ كوپتەگەن ەلدەرىندەگى كۇيزەلىستەر, «قارا التىن» باعاسىنىڭ كۇرت تومەندەۋى, حالىقارالىق ىقپال شارالاردىڭ ءورشۋى ەلىمىزدى تىعىرىققا تىرەمەي, داعدارىستىڭ الدىن الۋعا مۇمكىندىك بەرەتىن مەملەكەتتىك باعدارلامالاردىڭ ارقاسىندا ەلىمىزدە بىرلىك پەن تۇراقتىلىق ساقتالۋدا. سونىمەن قاتار, مەملەكەتىمىزدە جاڭا زاماناۋي تەحنولوگيالار ىسكە قوسىلىپ, ەكونوميكانىڭ كەيبىر سالالارىندا ىلگەرىلەۋلەر بايقالۋدا. «نۇر وتان» پارتياسىنىڭ كەزەكتەن تىس XVII سەزىندە قابىلدانعان تۇعىرناما ەلىمىزدە جاڭا باستامالارعا سەرپىن بولارى حاق. سەبەبى, بۇل باعدارلامادا مەملەكەتىمىزدىڭ دامۋىنىڭ بارلىق باعىتتارى مەن قوعامىمىزدىڭ ءار سالاسى ءجىتى ەسكەرىلگەن. «نۇر وتان» پارتياسى كوتەرىپ وتىرعان ىرگەلى ماسەلەلەردى ەڭسەرە وتىرىپ, ەلىمىزدىڭ دامىعان 30 ەلدىڭ قاتارىنا كىرۋىن جەدەلدەتە تۇسەتىندىگىمىزگە مەن سەنىمدىمىن. راحات حاميدۋللين, «جاسىل ەل» جاستار ەڭبەك جاساقتارى رەسپۋبليكالىق شتابىنىڭ جەتەكشىسى: – «نۇر وتان» پارتياسى جاھاندىق داع­دارىسقا قارسى ءوز جاۋابى بار ەكەندىگىن حالىققا كورسەتتى. پارتيانىڭ سايلاۋالدى باعدارلاماسى مەملەكەت پەن قوعامنىڭ بارلىق سالاسىن قامتىعاندىعىن سەنىممەن ايتا الامىن. الەمدەگى گەوساياسي جانە گەوەكونوميكالىق داعدارىس كەزەڭىندە جەتەكشى پارتيانىڭ ەلدى دامۋدىڭ كەلەسى ساتىسىنا شىعاراتىن باعدارلاماسىنىڭ بولۋى – مەملەكەتىمىزدىڭ تۇراقتىلىعى مەن جاسامپازدىعىنىڭ بەلگىسى. بۇل, ەڭ الدىمەن, ەلباسى, پارتيا توراعاسى ن.ءا.نازارباەۆتىڭ كورەگەندىك ساياساتى. وسىعان وراي, «نۇر وتان» پارتياسىنىڭ باستاۋىمەن قوعامنىڭ بىرلىگىن ودان ءارى نىعايتۋ مەن جاڭا قازاقستاندىق ءپاتريوتيزمدى قالىپتاستىرۋدى ۋاقىت كۇتتىرمەس ماڭىزدى ءىس دەپ ەسەپتەيمىن جانە قازاقستاندىقتاردى بىرەگەيلىك پەن كەلىسىم اياسىندا ۇيىسۋعا شاقىرامىن.  ايان ساكوشەۆ, «نۇر وتان» پارتياسى «جاس وتان» جق مۇشەسى: – ەلباسى جاس مەملەكەتىمىزدى جاڭعىرتۋ جولىندا جاستارعا كوپ ءۇمىت ارتادى. كۇنى بۇگىنگە دەيىن جاستاردىڭ دەنساۋلىعى, ءبىلىمى, تاربيەسى مەن الەۋمەتتىك جاعدايىنا قاتىستى ماسە­لەلەر كۇن تارتىبىنەن تۇسكەن ەمەس. بۇگىندە جەمىسىن بەرىپ جاتقان «سالاماتتى قازاقستان», «قولجە­تىم­دى باس­پانا», «جۇمىسپەن قامتۋدىڭ جول كارتاسى» جانە باسقا دا ستراتەگيالىق ماڭىزدى قۇجات­تاردا جاستار ماسەلەسى باستى نازارعا الىنعان. دۇنيە جۇزىندە 11 جىلدىق ورتا ءبىلىمدى تەگىن بەرەتىن مەملەكەتتەر كوپ ەمەس. الداعى جىلدا ەلىمىزدە ارنايى تەحنيكالىق ءبىلىمدى دە اقىسىز ەتۋ جوسپارلانىپ وتىر. ءوز باسىم, مۇنى جاستارعا جاسالىپ وتىرعان ەشبىر ەلدە جوق قامقورلىق دەپ بىلەمىن. قازاقستاندىق ءبىلىمدى حالىقارالىق ستاندارتتارعا ساي ەتۋ ءۇشىن «بولاشاق» باعدارلاماسى جەمىستى جۇمىس ىستەپ, مىڭداعان جاس ماماندى تاربيەلەپ شىعاردى. قازىر ولار قوعامنىڭ ءتۇرلى سالاسىندا ەڭبەك ەتىپ, قاستەرلى قازاقستانىمىزدىڭ دامۋىنا سۇبەلى ۇلەس قوسىپ ءجۇر. ساياسي سالادا دا جاستارعا زور مۇمكىندىك بەرىلگەن. ەلىمىزدىڭ ەڭ ءىرى ساياسي كۇشى سانالاتىن «نۇر وتان» پارتياسىنىڭ جانىنان «جاس وتان» جاستار قاناتىنىڭ قۇرىلۋى – سونىڭ بىردەن-ءبىر دالەلى. «نۇر وتان» – پرەزيدەنتتىڭ پارتياسى. ءبىز – ەلباسى تاربيەلەگەن جاس ۇرپاقپىز. تەك ءوز وتانىنىڭ ناعىز پاتريوتى عانا ەلىنىڭ ەرتەڭىن ويلاپ, كەلەر ۇرپاقتىڭ قامىن بۇگىننەن قامدايدى. ەلباسىنىڭ وتانسۇيگىشتىگى ءاربىر جاسقا ۇلگى بولۋى كەرەك. پاتريوتتىق قۇر سوزبەن ەمەس, ىسپەن سىنالادى. ەلىمىز كۇردەلى كەزەڭمەن بەتپە-بەت كەلگەن تۇستا جاسوتاندىقتار دا وزىنە ارتىلعان سايا­سي سالماقتى جاۋاپكەرشىلىكپەن سەزىنىپ, اقتاۋ ءۇشىن بار كۇشىن سالۋعا دايىن. كامال بۇرحانوۆ, ساياسي عىلىمدار دوكتورى, پروفەسسور: – «نۇر وتان» پارتياسىنىڭ كەزەكتەن تىس سەزىن وتكىزۋ پارلامەنت ءماجىلىسىنىڭ سايلاۋىنا قاتىسۋدا جانە پارتيانىڭ باعىت-باعدارىن ايقىنداۋدا شەشۋشى ءرول اتقاردى. پارتيانىڭ قىزمەتى قاشاندا مەملەكەت باسشىسى جۇرگىزىپ وتىرعان ينستيتۋتتىق رەفورمالار مەن ەكونوميكالىق جاڭعىرتۋلار ساياساتىنا بەلسەندى قاتىسۋعا باعىتتالىپ كەلەدى. ەلباسى ن.ءا.نازارباەۆ ۇسىنعان «100 ناقتى قادام» ۇلت جوسپارىن قازاقستاننىڭ بارلىق حالقى ءبىراۋىزدان قولداسا, بۇعان جۇرتشىلىقتىڭ اتالعان باعدارلامانى ۇلكەن رۋحاني ورلەۋ ۇستىندە قابىلداعانىمەن تۇسىندىرۋگە بولادى. ال بۇل ءوز كەزەگىندە بولاشاق ۇرپاقتىڭ لايىقتى ءومىرىن قامتاماسىز ەتىپ, ەلىمىزدىڭ الەمدەگى اسا دامىعان 30 مەملەكەتتىڭ قاتارىنا قوسىلۋىنا جاعداي تۋعىزادى. ەرمەك ماقاش, قازاقستان رەسپۋبليكاسى پرەزيدەنتىنىڭ حالىقارالىق «بولاشاق» ستيپەندياسى ستيپەندياتتارى اسسوتسياتسياسىنىڭ اتقارۋشى ديرەكتورى: – بۇگىندە ەلىمىز, قازاقستاننىڭ بارلىق ازاماتتارى مەملەكەتتىك ساياسي ينستيتۋتتاردى نىعايتۋعا باعىتتالعان ماڭىزدى قوعامدىق ۇدەرىستەردىڭ كۋاگەرلەرى بولىپ وتىر. «نۇر وتان» پارتياسىنىڭ كەزەكتەن تىس سەزىن وتكىزۋ تۋرالى شەشىم قابىلدانىپ, وندا مەملەكەت باسشىسى وسى ساياسي ۇيىمنىڭ پارلامەنت ءماجىلىسىنىڭ سايلاۋىنا قاتىسۋى تۋرالى مالىمدەمە جاساپ, قازاقستاننىڭ اعىمداعى جانە بولاشاقتاعى دامۋى بارىسىنداعى تاعدىرشەشتى ماسەلەلەرگە پارتيانىڭ بەلسەندى اتسالىسۋعا دايىن ەكەنى جارقىن كورىنىس تاپتى. مەن ازاماتتارىمىزدىڭ «نۇر وتان» پارتياسىنا سەنىم مانداتى وتانىمىزدىڭ يگىلىگى مەن ءوسىپ-وركەندەۋىنە باعىتتالعان اۋقىمدى جوبالار مەن مەملەكەتتىك باعىتتى ءىس جۇزىنە اسىرۋعا قۋاتتى سەرپىن بەرەتىنىنە سەنىمدىمىن. مۇحتار التىنباەۆ, ارميا گەنەرالى, حالىق قاھارمانى: – «نۇر وتان» پارتياسى ءوزىنىڭ كەزەكتەن تىس سايلاۋعا قاتىساتىنىن مالىمدەدى. بۇل پارتيانىڭ ەلدىڭ مۇددەلەرىنە ادالدىق تانىتىپ, ەكونوميكانىڭ ءوسىمى مەن يندۋستريا­لاندىرۋ ءۇشىن زاڭنامالىق نەگىز قالاۋعا دايىن ەكەنىنىڭ تاعى ءبىر ايعاعى بولىپ تابىلادى. سونىمەن قاتار, «نۇر وتان» سايلاۋعا قاتىساتىنىن قۋاتتاي وتىرىپ, وسىنىسىمەن مەملەكەتتىك اپپاراتتىڭ دامۋىن, زاڭ ۇستەمدىگىن قامتاماسىز ەتۋدى, سونداي-اق, بىرتەكتىلىك پەن قازاقستاندىقتاردىڭ بىرلىگىن قالىپتاستىرۋ ءۇشىن جۇمىس جاسايتىنىن ءبىلدىرىپ وتىر. مەن پارتيا توراعاسىنىڭ سوزىندە اتاپ كورسەتىلگەن بۇكىلحالىقتىق قولداۋدىڭ ماڭىزى مەن قازاقستان ازاماتتارىنىڭ سەنىمى جاريا ەتىلگەن باس تەزيسكە ءوزىمنىڭ تولىق قولداۋىمدى بىلدىرەمىن. ۇلت جوسپارىن جۇزەگە اسىرۋدىڭ تابىس كەپىلى ءاربىر قازاقستاندىقتىڭ بەلسەندى ەڭبەك ۇلەسى بولىپ كەلدى جانە بولىپ قالا بەرەدى. ەڭلىك نۇرعاليەۆا, «ەۋرازيالىق قۇقىق قورعاۋ ورتالىعى» قوعامدىق قورىنىڭ وكىلى: – «نۇر وتان» پارتياسىنىڭ كەزەكتەن تىس سەزىندە مەملەكەت باسشىسىنىڭ پارلامەنت ءماجىلىسىنىڭ سايلاۋىنا قاتىسۋ تۋرالى ۇسىنىسى قولداۋ تاپتى. بۇل نۇروتاندىقتاردىڭ ەلىمىزدى ءارى قاراي دا تابىستى دامىتۋعا لايىقتى ۇلەس قوسۋعا دەگەن ۇمتىلىستىڭ جارقىن كورىنىسى بولىپ تابىلادى. بۇگىن ازاماتتاردىڭ الەۋمەتتىك يگىلىگى مەن ەكونوميكانى دامىتۋدىڭ اسا كوكەيكەستى پروب­لەمالارىنا نازار سالۋ ەرەكشە ماڭىزدى. وسى ماسەلەلەردى شەشۋ «نۇر وتان» پارتياسىنىڭ ءبىرىنشى كەزەكتەگى باسىمدىعى بولىپ تابىلادى. ونىڭ ۇستىنە, پارتيانىڭ سايلاۋالدى باعدارلاماسىنىڭ مەملەكەت باسشىسى ۇسىنعان داعدارىسقا قارسى باعدارلاماسىمەن ۇندەس شىعۋىنىڭ اسا تەرەڭ نىشاندىق ءمانى بار. بۇل اتالعان پروب­لەمالاردى شەشۋدىڭ ءتيىمدى جولدارىن تابۋعا مۇمكىندىك بەرەدى دەپ سانايمىن. وسى ورايدا, ءماجىلىس سايلاۋىمەن قاتار, بارلىق دەڭگەيدەگى ءماسليحاتتار سايلاۋىنىڭ وتەتىنى ۇلكەن تيىمدىلىك اكەلەتىنىن ايتا كەتكەن ءجون. جانە دە بۇل ەلدىڭ داعدارىسقا قارسى جاڭعىرتۋ ۇدەرىستەرىن وڭىرلىك دەڭگەيلەردە ساپالى جۇرگىزۋدى قامتاماسىز ەتۋگە جاعداي تۋعىزاتىن بولادى.