ەلجاندىلىقتىڭ ەمەن-جارقىن ۇلگىسى

بۇگىنگى كۇنگە دەيىن ناقتى دا ىزگى ىستەردىڭ ۇيىتقىسى, باستاماشىسى بولىپ كەلگەن «نۇر وتان» پارتياسى مەن ونىڭ مۇشەلەرى ەل دامۋىنا ءوز ۇلەسىن قوسىپ كەلەدى. مەملەكەت باسشىسى ن.نازارباەۆتىڭ داعدارىس­تىڭ قىسپاعى مەن سانك­تسيالاردىڭ سالقىنى شار­پىعان الەمدە ءتا­ۋەل­سىز ەلىمىزدىڭ قاۋىپسىزدىگىن, ەكونوميكالىق بەرىك­­تىگىن, الەۋمەتتىك الەۋەتىنىڭ السىرەمەۋىن قاداعالاپ جانە وسى قاۋىپ-قاتەرلەردىڭ الدىن الۋ ماقساتىندا جان-جاقتى قامتىلعان مەملەكەتتىك باعدارلامالارى مەن جوبالارىنىڭ, تاپسىرما-مىندەتتەرىنىڭ تياناقتى جۇزەگە اسۋىنا قولعابىس بولىپ كەلەمىز. سونىمەن قاتار, «نۇر وتان» پارتيا­سى جەتەكشى پارتيا رەتىندە ءوڭىر­لەردەگى ءتۇرلى ماسەلەلەرگە نازار اۋدارىپ, مۇمكىندىگىنشە كومەك بەرىپ كەلەدى. مىسالى, پارتيا ماڭعىستاۋ وبلىسىندا الەۋمەتتىك جاعىنان ءالسىز قورعالعان وتباسىلارعا جاردەم بەرۋ, جۇمىسسىزدىق ماسەلەسىن شەشۋ, جاستار ماسەلەسى سەكىلدى ءبىراز شارۋالاردىڭ باستاماشىسى دا بولدى, بەل ورتاسىنان دا تابىلدى, بولاشاقتا دا وسى باعىتتا جۇمىستاردى جالعاستىرا بەرەمىز. ويتكەنى, ەلىمىزدىڭ سىرتقى اسەرلەر سەبەبىنەن تۋىنداعان, سونداي-اق تۋىنداۋى مۇمكىن سىن-قاتەرلەرگە لايىقتى قارسى تۇرۋى ءۇشىن جۇدىرىقتاي جۇمىلعان ءوزارا اۋىزبىرلىك, ءبىر-ءبىرىن قامقورلاي بىلگەن تاتۋلىق, مەيىرىمدىلىك قاجەت ەكەنى بارشامىزعا تۇسىنىكتى. «نۇر وتان» پارتياسىنىڭ ومىرشەڭ ۇستانىمى, يگى ماقسات-مۇراتى پارتيانىڭ كەزەكتەن تىس XVII سەزىندە انىق كورىنە ءبىلدى. پارتيا توراعاسى – مەملەكەت باسشى­سى ن.نازارباەۆتىڭ بايانداماسىندا جا­ھان­دىق ەكونوميكانىڭ قۇرىلىمدىق وزگەرىسىنە بايلانىستى ارەكەت ەتۋ, مۇناي باعاسىنىڭ تومەندەۋىنە قاتىستى شىنايىلىققا بەيىمدەلۋ, شاعىن جانە ورتا كاسىپكەرلىكتى قولداۋ ماقساتىندا نەسيەلەندىرۋگە مەملەكەت تاراپىنان قولداۋ كورسەتۋ ارقىلى قازاقستاندا جۇمىسسىز جاندار بولماۋىن قامتاماسىز ەتۋ, وزگە دە ەل تاعدىرىنا قاتىستى كوپتەگەن ماسەلەلەردى ايتتى. داعدارىس جاعدايىندا ءبىز ەلباسى ۇسىنعان باعىتپەن ءجۇرىپ, ەلباسى جۇكتەگەن تاپسىرما-مىندەتتەردى ورىنداۋمەن عانا ءوزىمىز ماقسات ەتكەن بيىككە قول جەتكىزىپ, قاۋىپسىزدىكتى قامتاماسىز ەتە الامىز. جيىندا پارتيانىڭ بەس ينستيتۋتتىق رەفورما شەڭبەرىندەگى «100 ناقتى قادام» ۇلت جوسپارىنا نەگىزدەلگەن «قازاقستان-2021. بىرلىك. تۇراقتىلىق. جاسامپازدىق» جاڭا سايلاۋالدى باعدارلاماسى قابىلداندى. سونداي-اق, بيىلعى جىلدىڭ 20 ناۋرىزىندا وتەتىن ءماجىلىس سايلاۋىنا ۇمىتكەرلەردىڭ پارتيالىق ءتىزىمى بەكىتىلدى. ءبىز, ماڭعىستاۋ وبلىسىنان اتالمىش سەزگە دەلەگات بولىپ قاتىسقان 24 جانە قوناق رەتىندە شاقىرىلعان 12 ازامات وسى تاماشا ءساتتىڭ كۋاگەرى بولدىق. سونداي-اق, ءوزىمىز پارتيالىق تىزىمدە ۇسىنعان ءۇش ۇمىتكەرىمىزگە ساتتىلىك تىلەپ, بارلىق وتانداستارىمىزدان ەلباسى الدىمىزعا قويعان تاپسىرما تەك پارتيانىڭ مىندەتى عانا ەمەس, بارشامىزعا ورتاق ماڭىزدىلىققا يە ەكەندىگىن, سوندىقتان ءاربىر وتانشىل ىسكە قولداۋ ءبىلدىرۋ قاجەت ەكەنىن ايتقىم كەلەدى.  حاليلا نۇرعاليەۆا, «نۇر وتان» پارتياسى ماڭعىستاۋ وبلىستىق فيليالى توراعاسىنىڭ ءبىرىنشى ورىنباسارى.