باقىتتىڭ ءبارى ءوز ەلىمىزدە

ءار ادام دا ەل كورگىسى, جەر كورگىسى كەلەتىن بولار. كوڭىلگە جايلى دەمالىس ورىندارىندا دەمالعىسى, تابيعاتى تاماشا جەرلەردى ارالاعىسى كەلەتىن شىعار. كىم ساياحاتتاعىسى كەلمەيدى دەيسىز؟ بىراق, كىم-كىم دە ءتۇپتىڭ تۇبىندە ءبارىبىر تۋعان جەرىن, تۋعان ەلىن اڭساپ تۇرادى. راس, الەمدە تابيعاتى اسەم, كورىكتى جەرلەر كوپ بولعانىمەن, ءبارىبىر تۋعان جەردىڭ اۋاسىنا, تۋعان ەلدىڭ قادىرىنە ەشتەڭە جەتپەيدى. ەلىن, حالقىن سۇيەتىن جۇرەك تۋعان جەرگە تارتىپ تۇراتىنى داۋسىز. جۇمىس بابىمەن وزگە ەلدەن تابىس تاۋىپ, باقۋاتتى بولۋى مۇمكىن, الايدا, جات جەردە, جات ەلدە باقىتتى ءومىر سۇرگەن جان كەزدەسە قويماس. كەشە ەلباسى نۇرسۇلتان نازارباەۆتىڭ «نۇر وتان» پارتياسىنىڭ ءحVىى سەزىندە   «بايلىق تا, باقىت تا, ءومىر دە ءوز ەلىڭدە. سىرتتان باقىت ىزدەگەننىڭ ءىسى باياندى بولعانىن كورگەنىم جوق, قانشا ميللياردەر بولساڭ دا, قىزىقتىڭ بارلىعى ءوز ەلىڭدە, ءوز بالا-شاعاڭنىڭ جانىندا», –دەگەنىن تىكەلەي ەفيردەن تىڭداي وتىرىپ, مۇنىڭ راس ەكەنىنە كوز جەتكىزدىم. شىنىندا دا, ءبىزدىڭ ەلىمىزدە ءبارى دە بار: كاسىپتىڭ سان ءتۇرىن اشۋشىلارعا مەملەكەتتىك قولداۋ دا, شىمبۇلاق, بۋراباي سەكىلدى تابيعاتى كوركەم دەمالىس ورىندارى دا جەتكىلىكتى. مەملەكەتىمىز تاۋەلسىزدىگىن العالى بەرى شاعىن جانە ورتا بيزنەستىڭ وركەندەۋىنە ءتۇرلى جەڭىلدىكتەردى كورسەتىپ كەلەدى. ەگىن ەگىپ, ءتورت ت ۇلىك مال وسىرەمىن دەۋشىلەرگە سان-الۋان سۋبسيديالار تۇرىندە كومەك بەرىلەدى. ءتىپتى, حان سارايىنداي كوتتەدج تۇرعىزامىن دەۋشىلەردىڭ دە قولىن ەشكىم قاعىپ وتىرعان جوق. سولاي دەسەك تە, مەملەكەتتىڭ قولداۋىمەن ەلدەن تاپقان تابىسىن وتاندىق ەكونوميكانى وركەندەتۋگە ينۆەستيتسيا رەتىندە سالۋدان گورى سىرتقا شىعارعىسى كەلەتىندەر دە ءالى بار سەكىلدى. ەندى شەتەلدەگى قارجىڭ مەن مۇلكىڭدى جاريا ەتىپ, بيزنەستى ءوز وتانىڭدى وركەندەتۋگە باعىتتا دەگەندى تۇسىنەتىن ۋاقىت جەتكەن سەكىلدى. ەلباسى نۇرسۇلتان نازارباەۆ «بار­لىعىن شەتەلگە اپارىپ, قارجىنى تىعىپ سونشا نە بولدى؟ سونىڭ بارلىعىن الىپ كەلىڭدەر دەپ زاڭداستىرۋدى جاساپ وتىرمىز. ايىپتامايمىز, كەشىرەمىز, ەشكىمدى قۋدالامايمىز. الىپ كەلىڭدەر دە, ەلدىڭ ىشىندە بولىپ جاتقان جەكەشەلەندىرۋگە قاتىسىپ, ءبىر ۇلكەن نىساندى ساتىپ الىڭدار دا, سودان تابىس تاۋىپ, حالىققا جۇمىس بەرەسىڭدەر جانە ەلدىڭ ەكونوميكاسىن كوتەرەسىڭدەر», – دەۋىنىڭ ءدال قازىرگى ساتتە ماڭىزى تىپتەن ەرەكشە ەكەنىنە ءشۇبا جوق. ويتكەنى, الەم ەلدەرىندەگى قارجىلىق داعدارىستىڭ دەندەپ تۇرعان شاعىندا ەل ازاماتتارى وزدەرىنىڭ وتانشىلدىعىن شەتتەگى داۋلەتىن ەل ەكونوميكاسىنا ينۆەستيتسيا تۇرىندە سالۋىمەن دە تانىتا الار ەدى. ءسويتىپ, ءبىر جاعىنان وتاندىق بيزنەستىڭ كەڭ قانات جايۋىنا دا, ەكىنشىدەن, ەلىمىزدىڭ ەكونوميكالىق وركەندەۋىنە دە ۇلەسىن قوسادى. تەگىندە, «وزگە ەلدە سۇلتان بولعانشا, ءوز ەلىڭدە ۇلتان بول» دەگەن حالىق دانالىعى اركىمنىڭ دە ويىندا جۇرگەنى ءجون. باقىتقا دا, بايلىققا دا, بارلىق قىزىققا دا ءوز ەلىمىزدە عانا كەنەلگەنىمىزگە نە جەتسىن!  سامات ساعىندىقوۆ, «ەمبىمۇنايگاز» اق قىزمەتكەرى, «نۇر وتان» پارتياسىنىڭ مۇشەسى. اتىراۋ وبلىسى.