ابىرويمەن اتقارادى

«نۇر وتاننىڭ» ەل اراسىنداعى بەدەلى, ابىرويى وتە زور. قازىر ادىلدىك ىزدەگەن حالىق ەڭ الدىمەن وسى پارتيانىڭ ەسىگىن قاعادى. بۇل پارتيانىڭ تالاي جىلعى تىنىمسىز ەڭبەگىنىڭ ناتيجەسى ەكەنى انىق. حالىق تا ەل يگىلىگىن كوزدەيتىن, ەل مۇددەسىن قورعايتىن پارتياعا قولداۋ كورسەتىپ, قاسىنان تابىلىپ كەلەدى. مىنە, حالىقپەن ەتەنە تىعىز ارالاسىپ كەتكەن باس پارتيانىڭ كەزەكتەن تىس سەزىن تەلەديداردان باستان-اياق كوردىم. ەلباسىنىڭ ءسوزىن تىڭدادىم. سەزدە پارتيانىڭ ۇسىنۋىمەن, ەلدىڭ قولداۋىمەن پارتيانىڭ پارلامەنت ءماجىلىسى دەپۋتاتتىعىنا ۇمىتكەر كانديداتتارىنىڭ ءتىزىمى جاريا ەتىلدى. «نۇر وتاننىڭ» كەزەكتەن تىس XVII سەزى ءبارىمىزدىڭ كوڭىلىمىزدەن شىقتى. پارتيامىزدىڭ سايلاۋالدى تۇعىرناماسى ەلدىك مۇددەنى, بىرلىكتى, بەرەكەلى تىرلىكتى قامتىدى. مەملەكەت ەكونوميكاسىنىڭ ارتۋى­نا دا باسا نازار اۋدارىلدى. ەلباسى, پارتيانىڭ توراعاسى نۇرسۇلتان نازارباەۆتىڭ سەزدە ايتقان ويلارى ءبارىمىزدىڭ جۇرەگىمىزدىڭ تورىنەن ورىن الدى. تولعاندىردى. باس پارتيانىڭ سايلاۋالدى تۇعىرناماسى بەس ينستيتۋتتىق رەفورما شەڭبەرىندەگى ۇلت جوسپارى – «100 ناقتى قادامنىڭ» نەگىزگى باعىتتارىن ەسكە سالا وتىرىپ ازىرلەگەنى دە كوكەيگە قوندى. «بۇل قيىندىقتان دا وتەمىز دەگەن ويدامىن. مۇمكىن, بىزگە بۇعان ۇيرەنۋ كەرەك شىعار. بۇل كۇردەلى كەزەڭ ۇزاققا سوزىلادى دەپ ويلايمىن. بۇل جاقسى دا شىعار, مۇمكىن. ءبىز سىزدەرمەن بىرگە قاجەتتى ءىس-شارالار قابىلداۋىمىز كەرەك», دەگەن ەلباسىنىڭ ەلىمىزدىڭ بولاشاعى ءۇشىن ناقتى قادامدار جاساۋعا شاقىرعان جالىندى ءسوزى دە ءبىزدى جىگەرلەندىردى, قاناتتاندىردى. «نۇر وتان» پارتياسى الداعى ۋاقىتتا دا وسى ويدىڭ ۇدەسىنەن شىعىپ جانە جاڭا يدەيالارمەن الداعى ساياسي ناۋقاندى ابىرويمەن اتقاراتىندىعىنا سەنەمىن. مۇراتحان شۇكەەۆ, بايزاق اۋدانىنىڭ اكىمى. جامبىل وبلىسى.