بالاباقشاعا بارۋ باعاسى ەكى ەسە تومەندەمەك

«نۇر وتان» پارتياسى الماتى قالالىق فيليالىنىڭ فراكتسياسى وسىلاي شەشتى الماتى قالاسىندا 1 اق­پاننان باستاپ مەملەكەتتىك بالاباقشالاردا ءبىر بالا ءۇشىن تولەنەتىن اقى قۇنى 15 مىڭ تەڭگەدەن اسپايدى. بۇل جونىندە دەپۋتاتتار الماتى قالاسى ءماسليحاتىنىڭ 50-ءشى سەسسياسىندا ءبىراۋىزدان قاۋلى قابىلدادى. ەستەرىڭىزگە سالا كەتەيىك, «نۇر وتان» پارتياسى الماتى قالالىق فيليالىنىڭ فراك­تسياسى 2016 جىلدىڭ 22 قاڭ­تارىندا مەملەكەتتىك بالاباق­شالاردى شارۋاشىلىق ەسەپتەن مەملەكەتتىك تاپسىرىسقا كوشىرۋ جونىندە باستاما كوتەرگەن ەدى. بۇدان بىلاي, مەملەكەتتىك بالا­باقشالارعا باراتىن ەكى جاس­تان بەس جاسقا دەيىنگى 17 000 ءبۇلدىرشىن ءۇشىن تەك تاماقتانۋ قۇنى عانا تولەنەتىن بولادى. وسى ماقساتقا جەرگىلىكتى بيۋدجەتتەن وتكەن جىلدىڭ قورىتىندىسى بويىنشا ۇنەمدەلگەن قارجىدان 3 ملرد.تەڭگە ءبولىنىپ وتىر. – بىزدە تۇرمىسى تومەن وتبا­سى­لارىنىڭ پروبلەمالارىن شەشۋ مۇمكىندىكتەرى بار. سونىڭ ارقاسىندا بۇگىن بالاباقشا قۇنىن كوتەرۋدىڭ ورنىنا 17 مىڭ ءبۇلدىرشىن ءۇشىن تولەنەتىن اقىنى تومەندەتتىك. ناتيجەسىندە, ءار­بىر وتباسى 20 000 تەڭگەگە جۋ­ىق اقشانى ۇنەمدەيتىن بولادى, – دەدى سەسسيادا قالا اكىمى باۋىرجان بايبەك. ەستەرىڭىزگە سالا كەتەيىك, بۇ­رىندارى بالاباقشاعا بارۋ اقى­سىنىڭ ايلىق ەسەپتىك كورسەتكىشى 27 780 تەڭگە بولاتىن. 2016 جىل­دىڭ باسىندا بۇل كورسەتكىش 2 121 تەڭگەگە ءوسىپ, الماتىلىق ياسلي-بالا باقشالاردىڭ اقىسى 31 815 تەڭگە بولۋى ءتيىس ەدى. بۇدان وزگە, مەملەكەتتىك با­لاباقشالاردىڭ 3 600 تاربيە­شىسىنىڭ ورتاشا جالا­قىسى 48 مىڭ تەڭگە بولسا, ەندى ولارعا 30 پايىز ۇستەمە ءتو­لەنەدى. گۇلزەينەپ سادىرقىزى, «ەگەمەن قازاقستان». الماتى.