قوستانايدا بالالار اۋرۋى ءورشىپ تۇر

قوستاناي. 28 قاڭتار. وبلىستا كوپ جىلداردان كەيىن بالالاردىڭ كوك جوتەل, كەنەدەن ۋلانۋى, ءتىپتى قۇتىرۋ اۋرۋىمەن اۋىرعاندىعى تىركەلگەن. وبلىستىق تۇتىنۋشىلار قۇقىن قورعاۋ دەپارتامەنتىنىڭ ديرەكتورى ۆلاديمير نيچەتايلو وبلىستىق دەنساۋلىق ساقتاۋ باسقارماسىندا 2015 جىلدى قورىتىندىلاعان القا ماجىلىسىندە بىرنەشە مىسال كەلتىرگەن. بۇل تۋرالى egemen.kz ءتىلشىسى حابارلادى. جىتىقارا اۋدانىندا بالا كوكجوتەلمەن اۋىرعان, ول بۇرىن بۇل اۋرۋعا قارسى ەگىلمەگەن ەكەن. ماماندار تەكسەرە كەلگەندە جۇقپالى دەرتتىڭ وشاعى سول ۇيدەگى 2005 جىلى تۋعان بالا بولعان. ول دا ۋاقىتىسىندا ەم الماعان. سونىمەن قاتار وبلىستا مەنينگوكوكتىق جۇقپالى اۋرۋعا ءۇش ءبۇلدىرشىن شالدىققان. ونىڭ بىرىنشىسىندە ءبىر جاسار بالا قايتىس بولدى. ءۇش جاعدايدا دا وسى جۇقپالى قاۋىپتى دەرتتىڭ دياگنوزى كلينيكالىق تاسىلدە قويىلعان, لابوراتوريالىق تەكسەرىلمەگەن. ال ارقالىق قالاسىندا 4 جاسار بالا قۇتىرۋدان قايتىس بولدى. تەكسەرە كەلگەندە ارقالىق اۋرۋحاناسىنىڭ پروفيلاكتيكالىق جۇمىستاردى ۇيىمداستىرۋداعى كەمشىلىكتەرى انىقتالدى. قۇتىرعان يت تىستەگەن بالاعا اۋرۋعا قارسى ەم جاسالماعان. ءنازيرا جارىمبەتوۆا. دەرەك, سۋرەت: egemen.kz.