پاۆلوداردا اۋىل مەكتەپتەرىنىڭ وقۋشىلارى گرانتتارعا يە بولدى

پاۆلودار. 26 قاڭتار. وبلىس ورتالىعىندا 15 ءپان بويىنشا وتكەن 9-11 سىنىپ وقۋشىلارى اراسىندا وبلىستىق وليمپياداعا 25 كومانداعا بولىنگەن  707 وقۋشى قاتىستى. بۇل جايىندا «ەرتىس دارىنى» ورتالىعىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. «ەڭ ۇزدىك وليمپيادالىق كوماندا-2016» نوميناتسياسى جاراتىلىستانۋ-ماتەماتيكالىق باعىتى بويىنشا: ءى ورىن - دارىندى بالالارعا ارنالعان №8 ليتسەي-مەكتەبى; ءىى ورىن - دارىندى ەر بالالارعا ارنالعان وبلىستىق قازاق-تۇرىك ليتسەي-ينتەرناتى; ءىىى ورىن - «جاس دارىن» مامانداندىرىلعان مەكتەبى; گۋمانيتارلىق باعىتىندا: ءى ورىن - وبلىستىق دارىندى بالالارعا ارنالعان كوپ سالالى ليتسەي-ينتەرناتى;  ىى ورىن – دارىندى بالالارعا ارنالعان №3 گيمنازياسى; ءىىى ورىن – «جاس دارىن» مامانداندىرىلعان مەكتەبى. «وليمپيادانىڭ جاڭا جۇلدىزى» نوميناتسياسى قازاق-تۇرىك ليتسەيدىڭ وقۋشىسى تەمىرجان كارينا اتاندى. س.تورايعىروۆ اتىنداعى مەملەكەتتىك ۋنيۆەرسيتەتتىڭ گرانتتارىن ۇشتەرەك اۋىل مەكتەبىنىڭ وقۋشىسى ايبولات قوجاحمەتوۆ, قاراوبا اۋىلىنان مادينە تەمىروۆا, بىرلىك اۋىلىنىڭ وقۋشىسى قارلىعاش جۇماعالي الدى. يننوۆاتسيالىق ەۋرازيا ۋنيۆەرسيتەتىنىڭ گرانتىن وبلىس ورتالىعىنداعى №22 مەكتەپ وقۋشىسى اسلانا ساليموۆا يەلەندى. فاريدا بىقاي. دەرەك, سۋرەت: egemen.kz.