جاڭا قۇرىلىستار قانات جايۋدا

اقمولا وبلىسىنىڭ اكىمى تسەلينوگراد اۋدانىنداعى رودينا اۋىلىنداعى قونىس تويلارىنا قاتىسىپ, قۋانىش يەلەرىن قۇتتىقتادى. ول جەرگىلىكتى تۇرعىندارمەن بىرگە, العاشقى 4 وتباسىنىڭ ءبىرى بولىپ جاڭا ءۇيدىڭ كىلتىن العان ەرلان تاسبو­­­لا­­توۆتىڭ شاڭىراق شاتتىعىنىڭ كۋاسى بولدى. – قازاقستان پرەزيدەنتى نۇرسۇلتان ءابىش ۇلى نازارباەۆتىڭ حالىق تۇرمىسىن جاقسارتۋ باعىتىنداعى ساياساتىنىڭ ارقا­سىندا شال­عاي ەلدى مەكەندەردە دە زاماناۋي جاڭا ۇيلەرگە قولجەتىمدىلىك ورنىقتى. شاڭى­راقتارىڭىز شاتتىققا تولىپ, وتبا­سى­لىق بەرەكەگە بولەنىڭىزدەر. بۇگىن ءوز اتىم­­نان تاسبولاتوۆتىڭ وتباسىنا تەلەدي­دار سىي­لايمىن, – دەدى وبلىس اكىمى س.كۋلا­گين. «رودينا» اگروفيرماسى» جشس باس ديرەكتورى, قازاقستاننىڭ ەڭبەك ەرى يۆان ساۋەردىڭ ايتۋىنشا, اۋىلدا «نۇرلى جول» باعدارلاماسىمەن 2016 جىلدىڭ ءبىرىنشى جارتىجىلدىعىندا 14 ءۇي پايدالانۋعا بەرىلەدى. قازىرگى كۇنى توعىز عيماراتتا ىشكى ارلەندىرۋ جۇمىستارى جۇرگىزىلىپ جاتسا, قالعان بەسەۋىنىڭ قابىرعاسى كوتەرىلىپ قالدى. سونىمەن بىرگە, اگروفيرما باسشىسى ي.ساۋەر وبلىس اكىمى مەن جۋرناليستەردى 1000 باس ساۋىن سيىرىنا ارنالعان مال شارۋاشىلىعى كەشەنى قۇرىلىسىنىڭ بارىسىمەن تانىستىردى. جوبالىق قۇنى 1 ميلليارد 10 ميلليون تەڭگە تۇراتىن بۇل نىسان ۇستىمىزدەگى جىلدىڭ ءبىرىنشى توقسانىندا ىسكە قوسىلادى دەپ كۇتىلۋدە. جاڭا قۇرىلىستار قارقىن العان شارۋاشىلىقتا وسكەلەڭ تالاپتارعا تولىق ساي كەلەتىن استىق تەرمينالى سالىنىپ جاتقانىن كوردىك. سىيىمدىلىعى 20 000 توننالىق تەرمينالدا استىقتى تازالاۋ, كەپتىرۋ, ساقتاۋ جانە نارىققا شىعارۋدىڭ كلاستەرلىك جۇيەسى قامتاماسىز ەتىلەدى. باقبەرگەن امالبەك, «ەگەمەن قازاقستان». اقمولا وبلىسى, تسەلينوگراد اۋدانى.