وتىرار اۋدانىندا 145 شاقىرىمدىق سۋ ارناسى جوندەلەدى

شىمكەنت. 28 قاڭتار. وتىرار اۋدانىنىڭ جاڭا اكىمى ەرلان ايتاحانوۆ بيىلعى جىلى 145 شاقىرىمدىق سۋ ارناسىنا تولىق جوندەۋدەن وتكىزبەك. بۇل تۋرالى اۋداندىق اكىمدىكتىڭ اقپارى بويىنشا egemen.kz ءتىلشىسى حابارلادى. سۋ – تىرشىلىك كوزى. سۋارمالى جەر-حالىقتىڭ اسىراۋشىسى. سوندىقتان, اۋدانداعى 32 شاقىرىمدىق 4 كانال كۇردەلى جوندەۋدەن ءوتىپ, 133 شاقىرىمعا سوزىلعان 11 كانال اعىمداعى جوندەۋ كورەدى. قانالداردى سۋ قاشپايتىنداي قاپتاۋ ارقىلى جاڭادان 1 مىڭ گەكتارداي جەر سۋارمالى القاپتا اينالادى. سونىمەن قاتار 4,2 مىڭ گەكتار سۋارمالى جەرگە سۋدىڭ كەلۋى جاقسارادى. وتىرار كيەلى ءوڭىر. «ەكىنشى اريستوتەل» اتانعان ءال-ءفارابيدىڭ تۋعان جەرى, بابتاردىڭ بابى ارىستانباب ماڭگى تىنىستاعان, قازاققا ءشامشى قالداياقوۆتاي تۇلعا سىيلاعن ايماقتا كوگىلدىر وتىن جوق ەدى. ەندى اۋدان ورتالىعى ءشاۋىلدىر مەن تەمىر ستانتسياسىنا كوگىلدىر وتىن تارتىلادى. باقتيار تايجان. دەرەك, سۋرەت: egemen.kz