پاۆلوداردا ەرتىس وزەنىندە الىپ كوپىر قۇرىلىسى جۇرگىزىلۋدە

پاۆلودار. 28 قاڭتار. پاۆلودارداعى ەرتىس وزەنىنىڭ ۇستىنەن ۇلكەن كوپىر سالىناتىن بولدى. بۇل تۋرالى egemen.kz ءتىلشىسى حابارلادى. وبلىس ورتالىعىن اقسۋ قالاسىمەن قوساتىن «ورتالىق-شىعىس» اۆتوجول دالىزىنە قارايتىن جوبا قۇنى 53 ملرد 808 ميلليون تەڭگەنى قۇرايدى. كوپىردىڭ ۇزىندىعى 12,3 شاقىرىم. جاڭا كوپىر, اۆتوبان جوباسى- ەۋرازيالىق ەكونوميكالىق وداق شەڭبەرىندەگى ءبىزدىڭ ەلىمىز بەن رەسەيدىڭ بىرلەسكەن العاشقى ءىرى ينفراقۇرىلىمدىق جوباسى. «قازاۆتوجول» ۇلتتىق كومپانياسى اكتسيونەرلىك قوعامىنىڭ وبلىسى فيليالىنىڭ مالىمەتىنشە, قۇرىلىس جۇمىستارىنا 10 مىڭ توننا مەتالل جانە 30 مىڭ تەكشە مەتر بەتون قولدانىلادى. نىسان 2016 جىلدىڭ جەلتوقسانىندا قولدانىسقا بەرىلەدى. جاڭا اۆتوماگيسترال ەلمىزدىڭ قالالارىن نوۆوسىبىرمەن, ومبى جانە توممەن جالعايدى. ءتورت جولاقتى اۆتوبان تسەمەنتبەتوندى جانە اسفالتبەتوندى جابىندىلارمەن جاسالۋدا. جاڭا اۆتوبانداعى قۇرىلىس جۇمىستارىن «دەنا راحساز كونستراكشن», «ابك اۆتودور نس», «قازجولقۇرىلىس», «اقجول» سىندى كومپانيالار جۇرگىزۋدە. قۇرىلىستا 115 كومپانيا جۇمىس جاساۋدا. جەرگىلىكتى 3 مىڭ ادام ەڭبەك ەتۋدە. وسى ۋاقىتقا دەيىن 254 ارقالىق دايىندالعان. ءالى 207-ءسى قۇيىلادى. اۆتوباننىڭ 12 شاقىرىمى سۋ ۇستىندەگى كوپىرمەن وتەدى. جوبانىڭ جۇزەگە اسىرىلۋى-«بىرىڭعاي «پاۆلودار-اقسۋ اگلومەراتسياسىن» قۇرۋعا مۇمكىندىك بەرەدى. 2016-2017 جىلدارى «استانا-پاۆلودار» باعىتىندا 1-ساناتتى, ءتورت جولاقتى اۆتوموبيل جولىمەن قاۋىپسىز جانە جايلى جەتۋىنە جاعداي جاساۋ ءۇشىن, «قازاۆتوجول» ۇلتتىق كومپانياسى اكتسيونەرلىك قوعامىنىڭ وبلىستىق فيليالى بارلىق كۇش قۋاتىن سالۋدا. فاريدا بىقاي. دەرەك: egemen.kz. سۋرەت: ۆالەري بۋگاەۆ.