اقتوبە. 28 قاڭتار. اقتوبە قالاسىندا ىشكى ىستەر مينيسترلىگى «اقپاراتتىق-وندىرىستىك ورتالىعى» رەسپۋبليكالىق مەملەكەتتىك كاسىپورنىنىڭ فيليالى اشىلدى. بۇل تۋرالى egemen.kz ءتىلشىسى حابارلادى.
بۇعان دەيىن اتالعان كاسىپورىننىڭ فيليالدارى الماتى مەن شىمكەنت قالالارىندا عانا اشىلعان ەدى. بۇل استاناداعى باس كاسىپورىننىڭ ءۇشىنشى فيليالى بولىپ تابىلادى. اشىلۋ سالتاناتىنا وبلىس اكىمى بەردىبەك ساپارباەۆ قاتىسىپ, قۇتتىقتاۋ ءسوز ارنادى. ءوڭىر باسشىسى ەلباسى نۇرسۇلتان نازارباەۆتىڭ حالىققا قىزمەت كورسەتۋدى جاقسارتۋعا جانە قولجەتىمدىلىگىن قامتاماسىز ەتۋگە باسا نازار اۋدارىپ كەلە جاتقانىن اتاپ ءوتتى.
مۇندا جەكە باستى كۋالاندىراتىن قۇجاتتار – ازاماتتاردىڭ تولقۇجاتى مەن كۋالىكتەرى شىعارىلادى جانە دايىندالادى. بۇرىندارى بۇل قۇجاتتاردى الۋعا ءبىر ايعا جۋىق ۋاقىت كەتەتىن بولسا, ەندى بۇل مەرزىم اناعۇرلىم قىسقارادى.
سونىمەن قاتار, ازىرگە اقتوبەدەن باسقا, اتىراۋ, ماڭعىستاۋ جانە باتىس قازاقستان وبلىستارىنا دا وسى باعىتتاعى قىزمەتتەردى كورسەتەدى. كەيىن قوستاناي وبلىسىنا دا وسىنداي قىزمەت قورسەتەتىن بولادى.
فيليال عيماراتىن وبلىستىق اكىمدىك بولگەن. وعان كۇردەلى جوندەۋ جۇرگىزىلىپ, تولقۇجات پەن جەكە كۋالىكتەردى باسىپ شىعاراتىن گەرمانيانىڭ وزىق زاماناۋي تەحنولوگيالىق قوندىرعىسى ورناتىلعان. مۇنىڭ بارلىعىنا ىشكى ىستەر مينيسترلىگىنىڭ «اقپاراتتىق-وندىرىستىك ورتالىعى» رەسپۋبليكالىق مەملەكەتتىك كاسىپورنى 800 ميلليون تەڭگە جۇمساعان. فيليالدا جاڭادان 40 جۇمىس ورنى اشىلدى.
ساتىبالدى ءساۋىرباي.
دەرەك, سۋرەت: egemen.kz.
