«سىرعالىم» تەلەۆيزيالىق حيكاياسى تاتارستاندا كورسەتىلەدى

استانا. 26 قاڭتار. «سىرعالىم» تەلەحيكاياسى «تاتارستان – نوۆىي ۆەك» (رەسەي) تەلەارناسىنا ساتىلدى. بۇل تۋرالى «قازاقستان» رترك» اق ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. «سىرعالىم» ەندى تاتار تىلىندە دە سويلەيدى. «قازاقستان» رترك» اق ءباسپاسوز قىزمەتىنىڭ حابارلاۋىنشا, شەتەلدىك تەلەۆيزيا ماماندارى 48 سەريالى حيكاياعا قىزىعۋشىلىق تانىتىپ, ەندى ول رەسەيدىڭ رەيتينگى جوعارى تەلەحيكايالارىمەن باسەكەگە تۇسەدى. «قازاقستان» رترك» اق سايتىندا تەلەكورەرمەندەردىڭ داۋىس بەرۋى ناتيجەسىندە «سىرعالىم» تەلەحيكاياسى «2014 جىلعى ۇزدىك حيكايا» جۇلدەسىن يەلەنسە, باس كەيىپكەردى سومداعان جۇلدىز ماحانوۆا «2014 جىلى ايەل ءرولىن سومداعان ۇزدىك اكتريسا» نوميناتسياسىنا يە بولدى. فيلمدە اۋىلدان كەلگەن قاراپايىم قازاقتىڭ قىزى – سىرعالىم ەلوردانىڭ جاڭا ومىرىنە بەيىمدەلە باستايدى. بويىنا زاماننىڭ ۇزدىك قاسيەتتەرىن سىڭىرە بىلگەن ارۋ, قازاق قىزىنا ءتان قاراپايىمدىلىعى مەن جان تازالىعىن ساقتاپ قالادى. «سىرعالىم» حيكاياسىن «قازاقستان» رترك» اق تاپسىرىسى بويىنشا «كوركەم فيلم» پروداكشن-كومپانياسى ءتۇسىردى. داستان كەنجالين. دەرەك: «قازاقستان» رترك» اق ءباسپاسوز قىزمەتى. سۋرەت: egemen.kz