جامبىل وبلىسىندا 16 مەموراندۋمعا قول قويىلدى

تاراز. 26 قاڭتار. جامبىل وبلىسىنىڭ اكىمى كارىم كوكىرەكباەۆتىڭ توراعالىعىمەن جۇمىسشىلاردىڭ ەڭبەك قۇقىعى مەن كەپىلدىگىن قامتاماسىز ەتۋ ماسەلەسىنە قاتىستى جيىن ءوتتى.  بۇل تۋرالى egemen.kz ءتىلشىسى حابارلادى. جيىنعا اۋىل شارۋاشىلىعى مينيسترلىگىنىڭ كوميتەت توراعاسى, ءىرى كاسىپورىنداردىڭ باسشىلارى مەن كاسىپوداق كوميتەتىنىڭ ءتورايىمى قاتىستى. باسقوسۋدا جۇمىسشىلاردىڭ الەۋمەتتىك جانە ەڭبەك قۇقىقتارىن قامتاماسىز ەتۋ, جۇمىس ورىندارىن قىسقارتپاۋ جولدارى تالقىلاندى. جيىن سوڭىندا وبلىس اكىمدىگى, كاسىپورىن باسشىلارى, كاسىپوداق كوميتەتى جانە ۇلتتىق كومپانيالار ءوزارا ىنتىماقتاستىق تۋرالى ەكى باعىتتاعى بىرنەشە مەموراندۋمدارعا قول قويدى. ءبىرىنشى, جۇمىسشىلاردىڭ ەڭبەك قۇقىقتارى مەن كەپىلدىگىن قامتاماسىز ەتۋ باعىتىنداعى ىنتىماقتاستىق جانە ەكىنشى ءوندىرىس بارىسىندا جەرگىلىكتى جانە قازاقستاندىق ۇلەستى قامتاماسىز ەتۋ. بارلىعى 16 مەموراندۋم بولسا, سونىڭ ىشىندە التاۋى ءىرى كاسىپورىنداعى جۇمىسشىلاردىڭ ەڭبەك قۇقىقتارىن قامتاماسىز ەتۋگە بايلانىستى. اتالعان كاسىپورىنداردا بارلىعى 20 000 مىڭنان استام جۇمىسشى ەڭبەك ەتەدى. ال, قالعان 10 مەموراندۋم ءوندىرىس بارىسىندا جەرگىلىكتى جانە قازاقستاندىق ۇلەستى قامتاماسىز ەتۋگە ارنالعان. اتالعان مەموراندۋمداردىڭ جالپى قۇنى شامامەن 28,1 ملرد تەڭگە. سونداي-اق, وڭىردە جۇمىسشىلار مەن كاسىپوداق اراسىنداعى بايلانىستى نىعايتۋ, جۇمىسشىلاردىڭ ەڭبەك قۇقىقتارىن قامتاماسىز ەتۋگە بايلانىستى كاسىپورىنمەن مەموراندۋمعا قول قويۋ ءوز جالعاسىن تاباتىن بولادى. بۇگىنگى تاڭدا جامبىل وبلىسىندا 3952 كاسىپورىن بولسا, ونىڭ 1721-سىمەن نەمەسە 43,5 پايىزىمەن ۇجىمدىق كەلىسىم شارت جاسالعان. ورالحان ءداۋىت. دەرەك, سۋرەت: egemen.kz