اتىراۋ سوتى اقتاۋ ۇكىمىنىڭ كۇشىن جويدى

اتىراۋ. 26 قاڭتار. اتىراۋ وبلىستىق سوتىنىڭ قىلمىستىق ىستەر جونىندەگى سوت القاسى ج.قاناحمەتوۆكە قاتىستى اقتاۋ ۇكىمىنىڭ كۇشىن جويدى. بۇل تۋرالى وبلىستىق سوتتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. «اتىراۋ وبلىستىق سوتىنىڭ قىلمىستىق ىستەر جونىندەگى سوت القاسى اتىراۋ قالاسىنىڭ №2 سوتىنىڭ ۇكىمىمەن قىلمىستىق كودەكستىڭ 195-بابى 4-بولىگىنىڭ 2-تارماعىمەن (الداۋ نەمەسە سەنiمدى تەرىس پايدالانۋ جولىمەن مۇلiكتiك ءىرى زالال كەلتىرۋ) اقتالعان ج.قاناحمەتوۆتىڭ ءىسى بويىنشا 9 جابىرلەنۋشىدەن تۇسكەن اپەللياتسيالىق شاعىمدارىن جانە قالا پروكۋرورىنىڭ نارازىلىعىن قارادى. سوت القاسى جابىرلەنۋشىلەردىڭ اپەللياتسيالىق شاعىمدارى مەن پروكۋرور نارازىلىعى بويىنشا كەلتىرىلگەن ءمان-جايلاردى انىقتاپ, سوت باستى تالقىلاۋىن تاعايىنداۋعا كەدەرگى كەلتىرەتىن قىلمىستىق-پروتسەسسۋالدىق زاڭنامانىڭ ەلەۋلى تۇردەگى بۇزۋشىلىقتارى ءۇشىن ج.قاناحمەتوۆكە قاتىستى شىعارىلعان اقتاۋ ۇكىمىنىڭ كۇشىن جويۋ تۋرالى قاۋلى شىعاردى. قىلمىستىق-پروتسەسسۋالدىق كودەكستىڭ 323-بابىنا سايكەس قىلمىستىق ءىس زاڭ بۇزۋشىلىقتاردى جويۋ ءۇشىن اتىراۋ قالاسىنىڭ پروكۋرورىنا كەرى قايتارىلدى. ج.قاناحمەتوۆكە «ەشقايدا كەتپەۋ جانە ءتيىستى مىنەز-ق ۇلىق تۋرالى قولحات» تۇرىندەگى بۇلتارتپاۋ شاراسى قولدانىلدى», – دەپ حابارلادى اتىراۋ وبلىستىق سوتىنىڭ ءباسپاسوز حاتشىسى بورانباي عاليەۆ. ءباسپاسوز قىزمەتىنىڭ مالىمەتىنشە, ج.قاناحمەتوۆ 2014 جىلى Playtcoin جشس اشىپ, ازاماتتاردان اقشالاي سالىمدار العان. سالىنعان سومادان 30% مولشەرىندە اي سايىن سىيلىقاقى تولەۋگە ۋادە ەتكەن. سەرىكتەستىگىنە 134 سالىمشىدان 83 ميلليوننان استام اقشا تۇسكەن. ناتيجەسىندە ولار قۇقىق قورعاۋ ورگاندارىنا جۇگىنىپ, قاراجاتتارىنان ايىرىلىپ قالعاندارىن ايتقان. جولداسبەك شوپەعۇل. دەرەك: اتىراۋ وبلىستىق سوتىنىڭ ءباسپاسوز قىزمەتى. سۋرەت: news.ivest.kz.