سولتۇستىك قازاقستاندا كوللەدج اسحاناسىنان شۋ شىقتى

پەتروپاۆل. 26 قاڭتار. سولتۇستىك قازاقستان مەديتسينالىق كوللەدجى ستۋدەنتتەرى تاماقتاناتىن جالعىز اسحانانىڭ تويحاناعا اينالدىرىپ جىبەرىلگەنى جايلى اتا-انالار شۋ كوتەردى. بۇل تۋرالى egemen ءتىلشىسى حابارلادى. ءبىر قىزىعى, وقۋ ورنىنا باسشىلىق ەتكەندەردىڭ ءبىر دە ءبىرى بۇعان ەش تىيىم سالماعان. ونىڭ اقىرى اسحانانى جالعا الۋشىلارمەن كەلىسىم-شارتتىڭ جويىلىپ, ستۋدەنتتەر مەن ۇستازداردىڭ تۇسكى اسسىز قالۋىنا اكەپ سوقتىردى. كوللەدج باسشىلىعى داۋ-جانجالدى رەتتەۋدىڭ ورنىنا شاعىمدانۋشىلاردى جەردەن الىپ, جەرگە سالىپ جاتقان جايى بار. «اسحانانىڭ ءبىر جاعىندا ستۋدەنتتەر تۇستەنسە, ەكىنشى جاعىندا توي مەن اس بەرۋ سەكىلدى شارالار وتكىزىلىپ كەلدى. ەكى ارانى پەردە عانا ءبولىپ تۇردى. ءتىپتى پەردەنىڭ ارعى جاعىندا اراق ءىشىپ, مارقۇمدى ەسكە الۋشىلارمەن بىرگە تاماقتانعان جايتتار تالاي رەت كەزدەستى. سوڭعى كەزدەرى تىم جيىلەپ كەتكەن توي-تومالاقتان شارشاعان ستۋدەنتتەر مەن مۇعالىمدەر اكىمدىككە شاعىمدانعانىمەن, ەشقانداي تەكسەرۋ جۇرگىزىلمەدى. كەرىسىنشە,وقۋ ورنىنىڭ ديرەكتورى ارىزدانۋشىلاردى جۇمىستان شەتتەتە باستادى», – دەيدى مەديتسينا كوللەدجىنىڭ قىزمەتكەرى ءاليا داۋرەنبەكوۆا. ءتىپتى «اكىمدىككە ارىز جازدىڭ» دەگەن جەلەۋمەن كەيبىر كابينەتتەردىڭ اۋزىنا قارا ق ۇلىپ سالىنىپتى. قازىر مەديتسينا كوللەدجىنىڭ ديرەكتورى مارينا احمەتوۆا وبلىستىق دەنساۋلىق ساقتاۋ دەپارتامەنتىنە تۇسىنىكتەمە جازۋمەن ءجۇر. ول بىرنەشە رەت اس بەرۋگە رۇقسات بەرگەنىن مويىنداۋعا ءماجبۇر. ءىستىڭ اق-قاراسىن ءتيىستى ورىندار انىقتاعاننان كەيىن ناقتى شەشىم الىنارى انىق. ازىرگە اسحانانى جالعا العاندارمەن كەلىسىم-شارت جويىلىپتى. تەندەر جاريالانىپ, جاڭا قوجايىن تابىلعانشا ستۋدەنتتەر مەن ۇستازداردىڭ اشقۇرساق بولىپ جۇرگەننەن باسقا امالدارى جوق. ءومىر ەسقالي. دەرەك: egemen.kz. سۋرەت: mgei.kirov.ru.