قاراعاندىدا بەيسبول تاياعىمەن قورقىتىپ, ءۇي توناعاندار ۇستالدى

قاراعاندى. 26 قاڭتار. قاراعاندىدا بەيسبول تاياعىمەن قورقىتىپ, ءۇي توناپ جۇرگەن كۇدىكتىلەر قولعا ءتۇستى. بۇل تۋرالى وبلىستىق ىشكى ىستەر دەپارتامەنتى ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. ءۇش ادامنان قۇرالعان قىلمىستىق توپ اۋقاتتى تۇرعىنداردىڭ پاتەرلەرىنە باسا-كوكتەپ ەنىپ, ءۇي يەلەرىن تاپانشاعا ۇقساس زاتپەن جانە بەيسبول تاياعىمەن قورقىتىپ, اقشا مەن قىمبات زاتتارىن الىپ كەتىپ جۇرگەن. ماسەلەن, ولار قالانىڭ وكتيابر اۋدانىنداعى ءبىر پاتەرگە شابۋىل جاساپ, 200 مىڭ تەڭگەنى تارتىپ اكەتكەن. كۇدىكتىلەردى قولعا ءتۇسىرۋ ءتارتىپ ساقشىلارىنا وڭايعا تۇسپەدى. ويتكەنى ولار بەتپەردە كيىپ, سوڭدارىنان ءىز قالدىرماي, اسا ساقتىقپەن ارەكەت ەتىپ جۇرگەن. تاياۋدا وسى ءىس بويىنشا ارنايى قۇرىلعان جەدەل توپ – قىلمىستىق پوليتسيانىڭ جەدەل ۋاكىلدەرى مەن «ارلان» ارنايى توبىنىڭ جاۋىنگەرلەرى كۇدىكتىلەردى قولعا ءتۇسىردى. وسى ءىس بويىنشا قىلمىستىق ءىس قوزعالىپ, سوتقا دەيىنگى تەرگەۋ امالدارى جۇرگىزىلۋدە. قايرات ءابىلدينوۆ. دەرەك: قاراعاندى وبلىستىق ىشكى ىستەر دەپارتامەنتىنىڭ ءباسپاسوز قىزمەتى. سۋرەت: egemen.kz.