يتاليانىڭ ايگىلى رەجيسسەرى قايتىس بولدى

استانا. 20 قاڭتار. يتاليانىڭ بەلگىلى رەجيسسەرى, ستسەناريست ەتتورە سكولا 85 جاسىندا قايتىس بولدى. بۇل تۋرالى vesti.ru سايتىنا سىلتەمە جاساعان egemen.kz ءتىلشىسى حابارلادى. ەتتورە سكولا 1931 جىلى 10 مامىر كۇنى يتاليانىڭ ترەۆيكو قالاشىعىندا دۇنيەگە كەلگەن. ريم ۋنيۆەرسيتەتتەرىنىڭ بىرىندە زاڭگەر ماماندىعىن وقىپ ءجۇرىپ, «مارك اۆرەلي» ءازىل-وسپاق جۋرنالىندا سۋرەتشى بولىپ قىزمەت ەتتى. وسىدان كەيىن ول «وسكار» سىيلىعىنىڭ بەس دۇركىن يەگەرى فەدەريكو فەللينيمەن تانىستى. 1953 جىلى ستسەناريست رەتىندە ەڭبەك جولىن باستادى. ال 1964 جىلى العاشقى رەت رەجيسسەرلىگىمەن Se permettete parliamo di donne اتتى كومەديالى فيلم ءتۇسىرىلدى. ەتتورە سكولا بۇكىل مانسابىندا 90-عا جۋىق ستسەناري جازعان. ولاردىڭ باسىم بولىگى ەۋروپانىڭ كلاسسيك فيلمدەرىنە ارنالدى. پروديۋسەرلىك, اكتەرلىك قىرىنان دا كورىنە ءبىلدى. 1975 جىلى ايگىلى رەجيسسەر ماسكەۋ كينوفەستيۆالىنىڭ باستى سىيلىعىن C'eravamo tanto amati ءفيلمى ءۇشىن الدى. ال 1976 جىلى كانن كينوفەستيۆالىندە Brutti, sporchi e cattivi ۇشىن «التىن پالما بۇتاعى» جۇلدەسىن جەڭىپ الدى. سونداي-اق, «سەزار» سىيلىعىنىڭ بىرنەشە دۇركىن جەڭىمپازى اتانعان. ايان ءابدۋالي. دەرەك, سۋرەت: vesti.ru.