الماتىنىڭ 1000 جىلدىعىنا 1000 قايىرىمدى ءىس جاسالادى

الماتى. 20 قاڭتار. «الماتىنىڭ 1000 جىلدىعى – 1000 قايىرىمدى ءىس» جوسپارى اياسىندا مەگاپوليستەگى G38 جاستار ۇيىمى بيزنەس-قاۋىمداستىقپەن, ۇكىمەتتىك ەمەس ۇيىمدارمەن جانە الماتىلىقتارمەن ۇدايى قارىم-قاتىناستا بولىپ, كومەككە مۇقتاج جاندارعا مىڭ ءتۇرلى مەيرىمدىلىك پەن قايىرىمدىلىق كورسەتپەك. بۇل تۋرالى egemen.kz ءتىلشىسى حابارلادى. وسىناۋ اكتسيا ۇلى وتان سوعىسىنىڭ ارداگەرلەرىن, قارتتاردى, تۇرمىسى ناشار وتباسىلار مەن كوپ بالالى ۇيلەردى قامتيدى دەپ كۇتىلۋدە. قايىرىمدى جاستار بالالار ۇيلەرىنە دە بارىپ, مۇمكىندىگى شەكتەۋلى جاندارعا قارايلاساتىن بولادى. مىڭ مەيىرىمگە تولى تىرلىكتىڭ ىشىنە ءۇي جيناپ بەرۋ, قولعابىس ەتۋ, ازىق-ت ۇلىك ساتىپ اپەرۋ, ساناتوريلەرگە جولداما ۇيىمداستىرۋ, ءدارى-دارمەكپەن قامتاماسىز ەتۋ, دەنساۋلىق ساقتاۋ مەكەمەلەرىندە ەمدەلۋگە سەپتەسۋدەن باستاپ, ءبارى-ءبارى كىرەدى. اكتسيانى ۇيىمداستىرۋشىلار وسىناۋ ساۋاپتى ىسكە قالا ستۋدەنتتەرىن دە تارتىپ, ولاردى جۇمىسپەن قامتاماسىز ەتۋدى كوزدەپ وتىر. اتالمىش اكتسيا بۇگىن 20 قاڭتاردا الماتىداعى وقۋشىلار سارايىنان باستاۋ الىپ, جىل اياعىنا دەيىن جالعاسادى.   ايناش ەسالي. دەرەك, سۋرەت: egemen.kz.