گرەكيادا فۋتبول ماتچى كەزىندە الاڭعا كەيۋانا شىقتى (ۆيدەو)

استانا. 20 قاڭتار. گرەكيادا فۋتبول ويىنى كەزىندە قىزىقتى جاعداي بولدى. جاس جەتكىنشەكتەر اراسىنداعى ءتۋرنيردىڭ كەزەكتى ويىنىندا اسىقپاي, اپتىقپاي الاڭدى كەسىپ وتكەن اجەي ماتچقا كەدەرگى كەلتىردى. بۇل تۋرالى eurosport.ru-عا سىلتەمە جاساعان egemen.kz ءتىلشىسى حابارلادى. ويىندى توقتاتۋعا ءماجبۇر بولعان جاس فۋتبولشىلار اجەيدىڭ ءوتىپ كەتۋىن كۇتىپ تۇردى. سوندا دا ءوزىنىڭ كەلەڭسىز جاعدايدىڭ سەبەپشىسى ەكەنىنە ەش قىسىلماعان كەيۋانا اسىققان جوق. جالپى, فۋتبولدا مۇنداي كۇتپەگەن جاعدايلار ءجيى بولىپ تۇرادى. سولاردىڭ ءبىرى 2014 جىلى پەرۋدە ەل كۋبوگى ءۇشىن وتكەن رەسمي كەزدەسۋدە تىركەلگەن ەدى. اتاپ ايتقاندا, سايىستىڭ نەگىزگى كەزەڭىنە شىعۋ ءۇشىن وتكىزىلگەن ايماقتىق ىرىكتەۋ تۋرنيرىندە ينامباري-مازۋكو ءوڭىرىنىڭ ەكى كومانداسى سىنعا ءتۇستى. ويىننىڭ ورتاسىندا ورىستەن قايتقان سيىرلار الاڭنىڭ ۇستىمەن ءوتىپ, ناتيجەسىندە تورەشى ماتچتى بىرنەشە مينۋتقا توقتاتتى. ەلامان قوڭىر. دەرەك, سۋرەت: eurosport.ru.