بارناۋلدا وتكەن فەستيۆالدە ستۋدەنتتەر قازاق كۇيلەرىن ورىندادى

پاۆلودار. 20 قاڭتار. بارناۋلدا ۇيىمداستىرىلعان ءحىى حالىقارالىق مۋزىكالىق فەستيۆال-كونكۋرسىندا سۇلتانماحمۇت تورايعىروۆ اتىنداعى مەملەكەتتىك ۋنيۆەرسيتەتتىڭ «ورىنداۋشىلىق ونەر» كافەدراسىنىڭ ستۋدەنتتەرى جۇلدىز ءجۇمادىلوۆا, نۇرگۇل جارىلعاسوۆا, قۇرالاي تەمىربەكوۆا قۇرمانعازىنىڭ كۇيلەرىن ورىندادى. بۇل تۋرالى ۋنيۆەرسيتەتتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. كونكۋرستىڭ ماقساتى جاڭا جاس تالانتتاردى اشۋ, ۇزدىك ورىنداۋشىلىق ءداستۇردى دامىتۋ, ءان ونەرىن مادەني مۇرا رەتىندە ساقتاۋ جانە بايىتۋ. بايقاۋعا 500 ورىنداۋشى-مۋزىكانت قاتىستى. اتالعان فەستيۆالدە جۇلدىز ءجۇمادىلوۆا «سيرەك مۋزىكالىق اسپاپتار» نوميناتسياسى بويىنشا ءى دارەجەلى لاۋرەات ديپلومىمەن ماراپاتتالدى. ايتا كەتەيىك, ستۋدەنت كۇيشىلەردىڭ بارناۋلعا بارۋىنا ۋنيۆەرسيتەت رەكتورى ارىن ورساريەۆ,«ورىنداۋشىلىق ونەر» كافەدراسىنىڭ مەڭگەرۋشىسى دانيار مەرعاليەۆكە قولداۋ كورسەتتى. كۇيلەردى ۇيرەتكەن كافەدرانىڭ اعا وقىتۋشىسى ىرىسگۇل سابەكوۆا. فاريدا بىقاي. دەرەك, سۋرەت: egemen.kz.