قاراعاندىدا «اۆتوبۋس» الدىن الۋ ءىس-شاراسى باستالدى

قاراعاندى. 20 قاڭتار. قاراعاندى وبلىسىندا ىشكى ىستەر دەپارتامەنتى جەرگىلىكتى پوليتسيا قىزمەتىنىڭ كۇشىمەن 19-21 قاڭتار ارالىعىندا «اۆتوبۋس» جەدەل الدىن الۋ ءىس-شاراسى وتەدى. بۇل تۋرالى وبلىستىق ءىىد ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. بۇگىنگى تاڭدا قوعامدىق كولىك جۇرگىزۋشىلەرىنىڭ جول قاۋىپسىزدىك ەرەجەلەرىن بۇلجىتپاي ساقتاۋى وزەكتى ماسەلەنىڭ ءبىرى بولىپ وتىر. وتكەن جىلدىڭ وزىندە قاراعاندى وبلىسىندا قوعامدىق كولىك جۇرگىزۋشىلەرىنىڭ قاتىسۋىمەن 35 جول-كولىك وقيعاسى بولعان. سالدارىنان 10 ادام قايتىس بولىپ, 46 ادام ءتۇرلى دەڭگەيدەگى دەنە جاراقاتىن الدى. اتالعان ءىس-شارا بارىسىندا جەرگىلىكتى پوليتسيا قىزمەتكەرلەرى قوعامدىق كولىك قىزمەتىنىڭ جۇمىسىن تەكسەرىپ, جول ەرەجەلەرىنىڭ ساقتالۋىن قاتاڭ باقىلاۋعا الاتىن بولادى. قايرات ءابىلدينوۆ. دەرەك, سۋرەت: قاراعاندى وبلىستىق ىشكى ىستەر دەپارتامەنتى