20 قاڭتار, 2016

قاتتى ايازدان استانادا سۋ قۇبىرلارى جارىلۋدا

254 رەت
كورسەتىلدى
1 مين
وقۋ ءۇشىن
20-01-2016-astana 01استانا. 20 قاڭتار. وتكەن تۇندە قاتتى ايازدان استانا قالاسىنىڭ جەلتوقسان كوشەسىندە سۋ قۇبىرى جارىلىپ, اپاتتى جاعداي تىركەلدى. سالدارىنان كوشەنى ىستىق سۋ باسىپ قالدى. بۇل تۋرالى «استانا-تەپلوترانزيت» اق وكىلىنىڭ مالىمدەمەسىنە سىلتەمە جاساعان egemen.kz ءتىلشىسى حابارلادى. قۇبىردان اتقىلاعان سۋ كورشى جاتقان سەيفۋللين كوشەسىنە دەيىن جەتىپ, جولدا جۇرۋگە كەدەرگى كەلتىردى. بۇل توتەنشە جاعدايدان زارداپ شەككەندەر جوق. ىستىق سۋدى كەشىپ وتۋگە ءماجبۇر بولعان كولىك جۇرگىزۋشىلەرى اسا ساقتىقپەن قيمىلداۋدا. سەبەبى, ىستىق بۋ كورۋ مۇمكىندىگىن تومەندەتسە, ايازدان قاتقان مۇز كوكتايعاقتىڭ بولۋىنا اكەلىپ سوقتى. جەدەل جەتكەن ماماندار وقيعا ورنىندا قالپىنا كەلتىرۋ جۇمىستارىن جۇرگىزۋدە. ەلامان قوڭىر. دەرەك: egemen.kz. سۋرەت: informburo.kz. .
سوڭعى جاڭالىقتار