جاڭارۋ جاقسىلىقتارعا ۇمتىلدىرادى

پارلامەنت ءماجىلىسىنىڭ ەلباسىنا ءوز وكىلەتتىلىكتەرىن توقتاتۋ, ءماجىلىستىڭ جانە بارلىق دەڭگەيدەگى ءماسلي­حات­تاردىڭ سايلاۋىن كەزەكتەن تىس وتكىزۋ تۋرالى باستاماسى اۋىل­دىقتاردىڭ دا كوڭىلىنە قونادى. بۇل قازىرگىدەي داعدارىس جاعدايىن ەڭسەرۋدە الدىن الا ناقتى شارالار الۋعا العىشارت جاساسا, ۋاقىت پەن قارجىنى ءتيىمدى پايدالانۋعا دا مۇمكىندىك بەرەدى دەگەن دە ۇقىپتىلىق ۇستانىمى اڭعارىلادى. سونداي-اق, ءار سايلاۋدى بولەك-بولەك وتكىزىپ, ارقانى كەڭگە سالاتىن كەز ەمەس ەكەنى ايتپاسا دا تۇسىنىكتى. مەملەكەت باسشىسى ۇلت جوسپارىن جۇزەگە اسىرۋدىڭ پراكتيكالىق كەزەڭى باستالعانىن قاداپ ايتتى. ەندى الاڭسىز ەڭبەك ەتەتىن, سول ارقىلى داعدارىستا دا دامۋعا بەرىك نەگىز قالايتىن ىرگەلى ىستەرگە ۇيىمشىلدىقپەن جۇمىلاتىن شاق تۋدى. بۇرىنعىدان دا جيناقى, بۇرىنعىدان دا ۇقىپتى جانە ۇنەمشىل بولۋعا ۋاقىت تالابى يتەرمەلەپ وتىرعانىن جاسىرۋدىڭ رەتى جوق. كۇن سايىن قۇبىلىپ تۇرعان اقش دوللارىنىڭ تەڭگەگە باعامىنىڭ باسقا شاۋىپ, توسكە ورلەپ تۇرعانى بولسا اناۋ, ال, مۇناي باعاسىنىڭ ارزانداپ, ءبىر باررەلىنىڭ 28 اقش دوللارىنا دەيىن قۇلدىراپ كەتكەنى بولسا, مىناۋ. مۇنىمەن دە توقتاماي ما دەگەن قاۋىپ تە جوق ەمەس. مۇنىڭ ەل ەكونوميكاسىنىڭ دامۋ ديناميكاسىنا سالدارى بولاتىنى دا ايقىن اقيقات. سوندىقتان جاڭارۋ ارقىلى جاڭعىرۋعا باعىت ۇستاۋ ءجون-اق. ءماجىلىس دەپۋتاتتارى ءوز مىندەتتەرىن كىرشىكسىز اتقاردى, قوعامدىق دامۋىمىزعا قاجەتتى كوپتەگەن زاڭنامالار قابىلداندى. ەندى جاڭا جاعدايدا بەلسەنە ىسكە كىرىسەتىن دەپۋتاتتار كورپۋسىن جاساقتاۋدىڭ ۋاقىتى كەلدى. ونى ءماجىلىس دەپۋتاتتارىنىڭ وزدەرى ءتۇسىنىپ, ەلدىك مۇددەنى جوعارى قويا ءبىلۋى ءبىزدىڭ دەموكراتيالىق ۇستا­نىم­دارىمىزدىڭ دامىعانىن كورسەتسە كەرەك. ماجىلىسىمەندەردىڭ بۇل باستاماسى وتە ۋاقىتىلى جانە دۇرىس قابىلدانعان شەشىم دەر ەدىم. سونداي-اق, ەكونوميكانىڭ مۇنايعا تاۋەلدىلىگىن جوققا شىعارماعانمەن, ونى ارتاراپتاندىرۋعا باعىت بەرگەن پرەزي­دەنتتىڭ ءپاتۋالى ءۋاجىن جۇزەگە اسىرۋعا بەلسەنە كىرىسۋىمىز كەرەك. ەلباسىمىز جاريالاعان «100 ناقتى قادام» ۇلت جوسپارى قازاقستاننىڭ دا­مىعان مەملەكەتتەردىڭ وتىزدىعىنا كىرۋ جونىندەگى باعدارلاماسى رەتىندە ءبىزدىڭ ارقايسىسىمىزعا, ونىڭ ىشىندە الىستاعى اۋىلدا ەڭبەك ەتىپ جۇرگەن بىزدەرگە دە تىكەلەي قاتىستى ەكەنى ءسوزسىز. ويتكەنى, وسى ماڭىزدى قۇجاتتا كورسەتىلگەن باعىتتار بىزدەردىڭ قاتىسۋىمىزبەن جۇزەگە اسىرىلاتىنى انىق ءجايت. «100 ناقتى قادامنىڭ» 60-قادامىندا «ءسۇت جانە ءسۇت ونىمدەرى ءوندىرىسىن دامىتۋ ءۇشىن ستراتەگيالىق ينۆەستورلار تارتۋ. نەگىزگى مىندەت: ءۇش جىل مەرزىمدە تمد ەلدەرى نارىعىنا شىعارىلاتىن ونىمدەرىنىڭ جارتىسىنا دەيىنگى ەكسپورتىن قامتاماسىز ەتۋ», ال 61-قادامدا «ەت ءوندىرىسى مەن وڭدەۋدى دامىتۋ ءۇشىن ستراتەگيالىق ينۆەس­تورلاردى تارتۋ. نەگىزگى مىندەت – شيكىزات بازاسىن دامىتۋ جانە وڭدەلگەن ونىمدەردى ەكسپورتتاۋ» دەپ كورسەتىلگەن. وسىنىڭ قاي-قايسىسى دا اۋىل شارۋا­شىلىعىندا ەڭبەك ەتىپ جۇرگەن كاسىپ­كەرلەردىڭ ىلكىمدىلىگىنە تىكەلەي تاۋەلدى. ءبىزدىڭ وبلىسىمىزدا قازىرگى ۋاقىتتا وسى باعىتتا اۋقىمدى جۇمىستار جۇرگىزىلىپ جات­قانى قۋانتادى مەن ونشاقتى جىلدان بەرى ءتورت ت ۇلىك مال وسىرۋمەن اينالىسىپ كەلەمىن. بيە بايلاپ, قىمىز وندىرەتىن شارۋامىز ءبىرشاما قالىپتاستى, قازىر ونىمىمىزگە سۇرانىس مول. وسى ءوندىرىسىمىزدىڭ ناتيجەسىندە استا­ناعا دەيىن بارىپ, جۇرتشىلىققا ءوزىمىز دايىن­داعان ونىمدەرىمىزدى ۇسىنىپ ءجۇرمىز. ءبىزدىڭ قىمىزىمىزدى اقتوبە ايماعىنىڭ تۇرعىندارى عانا ەمەس, كورشىلەس وڭىرلەردەن كەلىپ الىپ كەتىپ جاتادى. ۋاقىت وتكەن سايىن مۇمكىندىگىمىزگە قاراپ, ءوز ءوندىرىسىمىزدى كەڭەيتىپ كەلەمىز. مەملەكەت تاراپىنان جاسالىپ جاتقان قولداۋ-كومەك تە ءوز دارەجەسىندە سەپتىگىن تيگىزۋدە. سوندىقتان دا ءبىز ەلباسىمىزدىڭ ۇستانعان باعىتىن ەڭبەگىمىزبەن قولدايمىز, ۇلەسىمىزدى قوسامىز. ەگەر مەملەكەت باسشىسى ماجىلىسمەندەردىڭ ۇندەۋىن قولداپ جاتسا, جاڭادان سايلاناتىن دەپۋتاتتىق كورپۋسقا قولىنان ءىس كەلەتىن, جاڭا جاعدايدا جۇمىس ىستەي الاتىن ازاماتتارعا تاڭداۋ جاسالاتىنىنا بەك سەنىمدىمىن. ءبىز ەگەمەندىك العاننان بەرى كوپ ىلگەرى كەتتىك. ول قاي ىسىمىزدەن دە ايقىن اڭعارىلۋدا. سونىڭ ىشىندە ەلدىكتىڭ تارازىعا تارتىلار تۇسى سايلاۋعا قاتىستى دا تاعىلىمدى تاجىريبە جيناعانىمىزدىڭ ءبىر دالەلى وسى – پارلامەنت ءماجىلىسىنىڭ ءوزىن-ءوزى تاراتۋ جانە كەزەكتەن تىس سايلاۋ وتكىزۋگە ءبىر كىسىدەي باستاما جاساۋى دەر ەدىم. بۇل باستاما ءبىزدى ءار ىسكە وسىلاي پاتريوتتىق كوزقاراستا كەلۋىمىزگە ونەگە بولماق. جاڭارۋ جاڭا بيىكتەرگە باسپالداق بولارى ءسوزسىز. سابىتاي جەكسەنباەۆ, «قوستەمىر» شارۋا قوجالىعىنىڭ جەتەكشىسى. اقتوبە وبلىسى, بايعانين اۋدانى.