كاسىپتىك ءبىلىمنىڭ قادىرى ارتادى

ەلدىك ءىستى ەسەلەۋ جولىندا ەلباسىنىڭ وتكەن جىلدىڭ جەل­توقسان ايىنداعى جولداۋى حالقىمىزدى جۇدىرىقتاي جۇ­مىلدىرىپ, جاڭا جۇمىسقا باس­تاعان ەدى. وندا پرەزيدەنت «100 ناقتى قادام» ۇلت جوسپارىندا ايقىندالعان مىندەت-ماقساتتاردى تاراتىپ ايتىپ, ۇلكەن رۋحاني كۇش بەرگەن ەدى. سونىڭ جالعاسىنداي تاياۋدا «ەگەمەن قازاقستان» گازەتىندە مەم­لەكەت باسشىسىنىڭ «ۇلت جوس­پارى – قازاقستاندىق ارمانعا باستايتىن جول» اتتى ماقالاسى جاريالانعان ەدى. ءبىلىم سالاسىندا جۇرگەن ۇستازدار قاۋىمى مەن ستۋدەنتتەر بۇل قۇندى دۇنيەنى تالداي وقىپ, وزدەرىنىڭ ۇلەس قوسۋعا ءازىر ەكەندەرىن بىلدىرۋدە. سول ماقالاداعى «ءار ۇرپاقتىڭ ءوز ارمانى بار, ولاردا تەك جەكە جانە وتباسىلىق يگىلىكتەرگە عانا ۇمتىلىس كورىنىس تاپپايدى. ولاردا قاشاندا تۋعان جەرگە دەگەن سۇيىسپەنشىلىك سەزىمى, ءوز حالقى مەن وتانىنىڭ باقىتى تۋرالى اڭسار ايقىن كورىنەدى», دەپ اتاپ ءوتتى. شىندىعىندا, بۇگىنگى الدىعا قويعان باستى ماقسات – تاۋەلسىز ەلدىڭ ىرگەسىن بەكىتۋ «ماڭگىلىك ەل» يدەياسىن ورنىقتىرىپ, ۇرپاقتار ساباقتاستىعىنا جالعاۋ. ماقالادا ەلباسى جاس­تارعا پات­ريوتتىق ءتار­بيە بەرۋ ءما­سەلەسىن ەرەكشە اتاپ وتكەن. ءيا, ەلدى, جەردى ءسۇيۋ ءۇشىن ءار جاس ءوز وتا­نىنىڭ شىنايى پاتريوتى بولۋ كەرەك. ءبىزدىڭ كوللەدج وسى با­عىت بويىنشا جۇمىس جاساپ كەلەدى. ول ءسوز جۇزىندە ەمەس, ءىس ءجۇ­­زىندە اتقارىلۋدا, ياعني ەل مەن جەردىڭ يەسى سانالاتىن جاس­تاردى ءتۇرلى ماماندىققا دايىنداۋ ءىسىن قولعا الدىق. بىردەن ايتايىق بۇرىنعى سۇرلەۋمەن ازىرلەگەن كادر وسكەلەڭ زاماننىڭ تالابىنا جاۋاپ بەرمەيتىنى انىق. ءبىز كوللەدجدە دايىندالاتىن ما­ماندىقتار نەگىزىنەن اۋىلدى جەردى وركەندەتۋگە باعىتتالعان. اسىرەسە, ەلدى مەكەندەردى گازبەن قامتاماسىز ەتۋ, عيماراتتار مەن قۇرىلىمداردى سالۋ, تىگىن ءوندىرىسى جانە كيىمدەردى ۇلگىلەۋ, تاماقتاندىرۋدى ۇيىمداستىرۋ, جيھاز ءوندىرىسى, ءبىر زاماندارى كەڭ قانات جايعان, كەيىن سيرەكسىپ كەتكەن كەراميكالىق دۇنيەلەر جاساۋ جاقسى جولعا قويىلدى. تەوريالىق ءبىلىم مەن پراكتيكا ۇشتاسپاعان جەردە جۇمىس جارىم-جارتى ورىندالاتىنى انىق. بۇل تۇرعىدان كەلگەندە كوللەدجدە ءار ماماندىقتى تاجىريبە جۇزىندە كورىپ-ءبىلىپ وتىراتىن ارنايى قۇرىلىمدار جاسادىق. مەن مىنا ءبىر فاكتىنى دە ايتا كەتسەم دەيمىن. حالقىمىزدىڭ 43,1 پايىزى اۋىلدى جەردە تۇرادى. سولاردىڭ 40 پايىزىنىڭ عانا ارنايى ما­ماندىقتارى بار. نارىق زامانىندا ءار ازامات ءوزىنىڭ ۇلكەندى-كىشىلى بيزنەسىن جۇرگىزۋ ءۇشىن مامان بولۋى ءتيىس. ءتىپتى, مالشىنىڭ ءوزى الدىنداعى ءار باس قوي, سيىرىن كەسەلدەن ساقتاۋ جولىن ءبىلىپ وتىرسا, بۇل ونىڭ ءىسىن ىلگەرى باستىرادى. وزگەگە بەرەتىن اقشاسى ۇنەمدەلىپ, قاجەتىنە جاراپ, ءىسىنىڭ اۋقىمىن ارت­تىرۋعا ول مولىنان سەپتىگىن تيگىزەدى. مەملەكەت باسشىسىنىڭ ءوت­­­­­كەن جىلعى جەلتوقسانداعى جول­داۋىندا دا, گازەتتەگى ماقا­لا­سىندا دا «2017 جىلى «بارشا ءۇشىن تەگىن كاسىپتىك-تەحنيكالىق ءبىلىم» جاڭا جوباسىن جۇزەگە اسىرۋ باستالادى», دەپ وعان جاس قازاقستاندىقتاردىڭ قا­تىسىپ, ارقاۋلى ەڭبەك داعدىسىنا ۇيرەنۋ قاجەتتىگىن العا تارتادى. وسى ارادا وتكەن جىلى پرەزيدەنت قى­زىلوردا وبلىسىنا جاساعان ساپارىندا داعدارىستان الىپ شىعاتىن لوكوموتيۆ – اۋىل شا­رۋاشىلىعى دەگەن بولاتىن. بۇل اقيقات ءسوزدىڭ ارعى جاعىنا ۇڭىلسەڭىز ءار ادامنىڭ ىشەر اسى, كيەر كيىمى سول التىن بەسىك اۋىلدا. وسىنى تەرەڭ بىلگەن مەملەكەت باسشىسى ۇلكەن لوكوموتيۆكە تەڭەپ وتىر. ەلباسىنىڭ ماقالاسىندا ال­داعى كۇنگە دەگەن سەنىمدىلىك سونىڭ باعىت-باعدارى ايقىن كو­رىنىس تاپقان. مىسالى, «بىزگە ۇلكەن جولدان وتۋگە تۋرا كەلەدى, ول بويىنشا ءبىز قازىر العاشقى 100 قادامدى جاساۋدامىز», دەپ اتاپ وتكەن. وسى ۇلكەن جولدى جاستارعا ۇعىندىرۋ, ءبارى دە ەڭبەكپەنەن كەلەتىنىن جەتكىزۋ باستى مىندەتىمىز دەپ بىلەمىن. دايىنداعان كادر­دى سەن باسشى بولاسىڭ دەمەي, ءوز بيزنەسىڭدى دامىتا وتىرىپ, تاۋەلسىز ەلدىڭ وركەندەۋىنە ۇلەسىڭدى قوساسىڭ دەپ ۇعىندىرۋ ءبىزدىڭ وقۋ ورنىنىڭ باستى باعىتى. ارينە, ورتا ءبىلىم­مەن قالىپ قويۋعا دا بولمايدى. «ەكى-ءۇش جىلدىڭ ىشىندە ءۇي­رەنگەن ءۇردىسىڭدى ورىستەتە وتىرىپ, ءال-اۋقاتىڭ ارتىپ, قارجىلاي جە­تىستىككە جەتكەن سوڭ, جوعارى ءبىلىم الۋعا ەشكىم دە توسقاۋىل قويمايدى», دەپ باعىت سىلتەيمىز. وسى ءۇردىس قازىردىڭ وزىندە جاقسى جولعا قويىلدى دەسەم ارتىق ايتقاندىق ەمەس. ءبىزدىڭ ءبىلىم ۇياسىنىڭ تۇلەك­تەرىنە دەگەن سۇرانىس كۇن ساناپ ارتىپ وتىر. ءتىپتى, تاپسىرىسپەن وقىتۋ ءىسى جاقسى جولعا قويىلا باس­تادى. سول سەكىلدى ۋاقىت ولشە­مىنە قاراي جاڭا ماماندىققا دايىنداۋ ءىسى دە ىلگەرىلەپ وتىر. كوللەدج ستۋدەنتتەرىن پراكتيكا كەزىندە جۇمىس بەرۋشىلەر شا­قىرىپ, ەڭبەككە باۋلۋمەن قاتار, ولارعا اقشا تولەۋدى دە جاقسى جولعا قويدى. وتانىمىزدا 800-دەن اسا كوللەدج بولسا, سول ءبىلىم ورىندارى ەلباسىنىڭ تاپسىرماسىمەن كەلەسى جىلى جۇزەگە اساتىن تەگىن كاسىپتىك-تەحنيكالىق ءبىلىم بەرۋگە قازىردەن ساقاداي ساي دايىن بولۋىمىز ءتيىس. ول ءۇشىن ءبىلىم بەرەتىن وقۋ ورنىنىڭ ماتەريالدىق بازاسىن, وقىتۋشىلاردىڭ ءبىلىم دەڭگەيىن جەتىلدىرۋ كەرەك. اسىرەسە, تەگىن ءبىلىم الۋعا اۋىلدى جەردەگى جاستاردى تارتۋ ءىسىن ءبىرىنشى كەزەككە شىعارۋعا ءتيىستىمىز. ويتكەنى, اۋىلدىڭ وركەندەۋى سونداي جاس­تاردىڭ قولىنا ەرتەڭ وتكەندە ولار بىلىممەن دە, سول ءبىلىم نەگىزىندە ۇيرەنگەن تاجىريبەسىن جۇزەگە اسىرىپ, سان ءتۇرلى سالانى مەڭگەرىپ كەتۋى قاجەت. بايتاق دالامىزدا ەگىن ءوسىرىپ, مال باعۋ, وندىرگەن ءونىمدى شيكىزات كۇيىندە ساتپاي, بىردەن قولداناتىن تا­ۋارعا اينالدىرىپ جاتسا, ءار ازاماتتىڭ وتاندىق ءونىم وندىرۋگە قوسقان ۇلەسى بولىپ سانالادى. قازىر ءوزىڭ وندىرمەي, وندىرگەن ءونىمىڭدى ساتىپ قارجى قورىن جاساماي, تابىسقا جەتە المايسىڭ. ءبىر قۋا­نارلىعى وسى كۇندەرى وتان­دىق ءونىم ءوندىرۋ جاقسى جولعا قويى­لىپ, وعان دەگەن سۇرانىس ارتۋدا. ادام دەنساۋلىعىنا پايداسى زور تابيعي ءونىم وندىرۋگە ءبىزدىڭ ەلىمىزدە مول مۇمكىندىك بار. وسىنىڭ ءبارىن ىسكە اسىرۋ جولىندا ەلباسىنىڭ بارلىق اتقارىلار جۇمىستى تايعا تاڭبا باسقانداي ەتىپ, تاراۋ-تاراۋعا ءبولىپ كور­سەتكەن ماقالاسىنىڭ ءجونى بولەك. ءبىر سوزبەن ايتقاندا, بۇل ۇلت جوسپارىنىڭ مۇلتىكسىز ورىندالىپ, العا قويعان ارماننىڭ اقتالۋىنا كەڭ جول اشاتىنى ءسوزسىز. ورىنباي قۋانىشباەۆ, قىزىلوردا قۇرىلىس جانە بيزنەس كوللەدجىنىڭ ديرەكتورى.