ورتاق مۇددە ورايىنداعى كەزدەسۋ

رەسەي جانە قازاقستان تەمىرجولدارىنىڭ باسشىلارى ورتاق قادامدارىن بەلگىلەدى ماسكەۋدە «رەسەي تەمىر جولدارى» ااق پرەزيدەنتى ولەگ بەلوزەروۆتىڭ «قازاقستان تەمىر جولى» اق باسشىسى اسقار مامينمەن كەزدەسۋى بولىپ ءوتتى. كەزدەسۋدە بىرلەسكەن كولىك-لوگيستيكالىق كومپانياسىن (بكلك) ءارى قاراي دامىتۋ ماسەلەلەرى تالقىلاندى. بكلك قۇرۋ ەاەو كەڭىستىگىندە كولىكتىك-لوگيستيكالىق قىزمەتتەر كورسەتۋدىڭ تەحنولوگيالارى مەن ستاندارتتارىن ەنگىزۋ ءۇشىن ءبىر­تۇتاس ينتەگراتسيالىق تۇعىرناما ورناتۋعا ىرگەتاس قالاسا, بۇل ءوز كەزەگىندە, ترانسقۇرلىقتىق مارشرۋتتاردا تاسىمال اعىنىن قايتا باعدارلاۋ ءۇشىن كۇش بىرىكتىرۋگە جانە جاھاندىق باسەكەگە قابىلەتتى ەۋرازيالىق ءدالىز قالىپتاستىرۋعا مۇمكىندىك بەردى. وسىعان وراي, تاراپتار بكلك جۇمىسىنىڭ العاشقى پراكتيكالىق ناتيجەلەرى كومپانيانىڭ – كون­تەي­نەرلىك سەرۆيستىك قىزمەتتەر كور­­سەتۋدىڭ ينتەگراتورىنىڭ بيز­نەس-يدەياسىنىڭ دۇرىستىعىن قۋات­تاپ بەرگەنىن اتاپ كورسەتتى. تاراپتار بكلك-نىڭ بيزنەس-مودەلىن تابىستى جۇزەگە اسىرۋ ءۇشىن ۇلتتىق جوبالاردىڭ كو­لىكتىك-لوگيستيكالىق ينفراقۇ­رىلىمدارىن دامىتۋ سالاسىندا ۇلتتىق جوبالاردى ۇيلەستىرۋدى جالعاستىرۋ قاجەت ەكەنىن اتاپ ءوتىپ, جۇكتەردى جەتكىزۋ مەن ۇزاق مەرزىمدى تاريفتىك ساياسات جۇرگىزۋ, كونتەينەرلىك پويىز­دار قوزعالىسىنىڭ كەستەسىن ءساي­كەستەندىرۋ وتپەلى لوگيستيكالىق قىزمەتتەرگە كەپىلدىك بەرەتىنىن كولدەنەڭ تارتتى. اتالعان شارالار بكلك-عا رىنوكتىڭ وزگەرىستەرىنە دەر كە­زىندە قايىرىلۋعا, وعان قاتى­سۋشىلارعا بارىنشا باسەكەگە قابىلەتتى لوگيستيكالىق ءونىم ۇسى­نۋعا مۇمكىندىك بەرەدى. «بىرلەسكەن كولىك-لوگيستيكالىق كومپانياسى» اق ەۋرازيالىق ەكو­نوميكالىق وداققا قاتىسۋ­شى ەلدەر – بەلارۋس, رەسەي جانە قازاقستان تەمىرجول اكىم­شى­لىك­تەرىمەن 2012 جىلدىڭ 31 مامىرىنداعى ءبىرتۇتاس ەكو­نو­ميكالىق كەڭىستىكتىڭ (بەك) كولىكتىك-لوگيستيكالىق جۇيەسىن دامىتۋ تۋرالى مەموراندۋممەن جانە جوعارى ەۋرازيالىق ەكونوميكالىق كەڭەستىڭ 2013 جىلدىڭ 29 مامىرىنداعى كو­لىكتىك-لوگيستيكالىق جۇيەنى دامىتۋ جانە قاتىسۋشى ەلدەردىڭ تران­زيتتىك الەۋەتىن جۇزەگە اسىرۋ جونىندەگى شەشىمىمەن بەكىتىلگەن ۋاعدالاستىقتارعا سايكەس 2014 جىلدىڭ 13 قاراشاسىندا قۇرىلعان بولاتىن.  «ەگەمەن-اقپارات».