23 جىل بۇرىن قۇرىلعان ينستيتۋت

اسكەري قىزمەتشىلەرمەن جۇ­مىس جاساۋدا جاۋىنگەرلىك جانە مو­رالدىق رۋح نەگىزگى باسىمدىق بولىپ قارالمايتىن ارميا جوق شىعار, ءسىرا. ارميا ءۇشىن بارلىق نەگىزدەردىڭ نەگىزى جانە مۇنداعى ماڭىزدى ءرول تاربيەشى وفيتسەرلەرگە جۇكتەلگەن. ولاردىڭ مىندەتى – ناعىز اسكەري قىزمەتشى ەتىپ ءتار­بيەلەۋ. بۇگىندە قازاقستان قارۋلى كۇشتەرى تاربيەشىلەرىنىڭ ينستيتۋتى ءوزىنىڭ قۇرىلۋ كۇنىن اتاپ وتۋدە. 19 قاڭتاردا, وسىدان 23 جىل بۇرىن قازاقستان رەس­پۋبليكاسى­نىڭ پرەزيدەنتى نۇرسۇلتان نازارباەۆتىڭ جارلىعىمەن ەلى­مىزدە كومانديرلەردىڭ تاربيە ءجا­نە الەۋ­مەتتىك-قۇقىقتىق جۇمىس ءجو­نىن­دەگى ورىنباسارلارى ينستيتۋتى قۇرىلدى. بۇگىندە قر قك تاربيە قۇ­رى­لىمدارىنىڭ اسكەري قىز­مەتشىلەرى – كومانديرلىك قا­سيەت­كە, حاريزماعا, ەرىك-كۇشكە, جەكە قۇراممەن جۇمىس جاساۋ جانە ۇجىمدى جۇمىلدى­رۋ قا­بىلەتتىلىگىنە يە ماماندار. «2015 جىل ءساتتى بولدى, ءبىز ۇلى وتان سوعىسىنداعى جەڭىستىڭ 70 جىلدىعىنا وراي قۇرلىق اسكەر­لەرىندە, قازاق حاندىعىنىڭ 550 جىلدىعى شەڭبەرىندە كوپ­تە­گەن ءىرى اۋقىمداعى ءىس-شارا­لار جانە 60-تان اسا فلەش-موب وتكىزدىك. ماقساتىمىز – اسكەري قىزمەتشىلەرگە پاتريوتتىق تاربيە بەرۋ, وقۋ-جاۋىنگەرلىك تاپسىرما­لاردى ساپالى ورىنداۋ, وسكەلەڭ ۇرپاقتى تاربيەلەۋ, جوعارى مو­رالدىق رۋح, قازاقستاندىق پات­ريو­تيزمگە تاربيەلەۋ», – دەپ اتاپ ءوتتى قر قك قۇرلىق اسكەرلەرى باس قولباسشىسىنىڭ تاربيە جانە الەۋ­مەتتىك-قۇقىقتىق جۇمىستار جونىندەگى ورىنباسارى پولكوۆنيك جۇمابەك حاسەنوۆ. 23 جىل بۇرىن قولدانىستاعى تاربيەشىلەر ينستيتۋتى قازاق­ستاندىق ارميادا قۇرىلىپ جات­قان كەزدە قىرۋار جۇمىس بولدى. سول ساتتەن باستاپ تاربيە قۇرى­لىمدارىنىڭ وفيتسەرلەرى كومانديرلەرمەن بىرلەسىپ, بولىمشەلەردە مورالدىق-ادامگەرشىلىك جاع­دايدى قالپىنا كەلتىرۋ, اسكەري قىزمەتتىڭ بە­دەلى مەن ءيميدجىن ارتتىرۋ, جەكە قۇرامنىڭ ار-نا­مىسىنىڭ قورعالۋىن قام­تا­ماسىز ەتۋ, اسكەري ءتارتىپ پەن قۇ­قىقتىق ءتارتىپتى نىعايتۋ ءۇشىن ۇلكەن ءتار­بيە جۇمىسىن اتقاردى. «قازىرگى ۋاقىتتا ءتار­بيە­شى­لەردىڭ ءرولى ارتا تۇسۋدە. اسكەري-تەڭىز كۇشتەرىندە تاربيەشىلەردىڭ شتاتى وسىنداعى باسقارمالارداعى جوعارى بۋىننان باستاپ ءبولىم­شەلەردەگى تومەنگى بۋىندارمەن اياقتاي وتىرىپ, تولىق جاساق­تالعان. وسى جىلدان باستاپ جۇ­مىسىمىزعا جاۋىنگەرلىك كە­زەكشىلىكتى قامتاماسىز ەتۋ قو­­سىلدى. سەبەبى, اسكەري تەڭىزشىلەر جەردەن, وزدەرىنىڭ وتباسىلارىنان ۇزاق ۋاقىت جىراقتا جۇرەدى. وسى ارالىقتا ولاردا شەشۋدى قاجەت ەتەتىن الەۋمەتتىك-تۇرمىستىق جانە وزگە دە ماسەلەلەر تۋىندايدى», – دەدى قر قك اسكەري-تەڭىز كۇشتەرى باس قولباسشىسىنىڭ تاربيە جانە يدەولوگيالىق جۇمىستار جونىندەگى ورىنباسارى 1-دارەجەلى كاپيتان سەرىك بورامباەۆ. «بۇگىندە تاربيە قۇرىلىمدارى وفيتسەرلەرىنىڭ كاسىبي قاسيەتتەرىنە جوعارى تالاپ قويىلادى, تاربيە جانە يدەولوگيالىق جۇمىس جۇيە­سىن جەتىلدىرۋ بويىنشا جاڭا تاپ­سىرمالار بەرىلۋدە, سونداي-اق, جەكە قۇرامنىڭ جوعارى مو­رال­دىق-پسيحولوگيالىق قاسيەت­تەرى قالىپتاستىرىلۋدا», – دەدى اۋە قورعانىسى كۇشتەرى باس قول­­باس­شىسىنىڭ تاربيە جانە يدەولوگيالىق جۇمىستار جونىندەگى ورىنباسارى پولكوۆنيك تۇرالى قويشىقۇلوۆ. ولار وزدەرىنىڭ جۇمىسىن قر قك بارلىق اسكەري بولىمدەرى مەن تۇرلەرى, اسكەر تەكتەرى, وڭىرلىك قولباسشىلىقتىڭ بولىمشەلەرىندە جۇرگىزۋدە. جۇمىس اركەز ايقىن كورىنە بەرمەيدى. الايدا, ارميانىڭ جوعارى جاۋىنگەرلىك رۋحى, تاربيە الىپ جۇرگەن ۇجىمنىڭ جۇمىلۋى جانە مۇقالماۋى – سونىڭ جاقسى ءبىر دالەلى. بەرىك سادىر, «ەگەمەن قازاقستان». استانا.