اپات كەزىندە دە ادامدار امان (+ۆيدەو)

قالاتىن ۇشاقتى ۋكراين كونسترۋكتورى ويلاپ تاپتى ۋكراين ونەر­تاپ­­قىشى ۆلاديمير ت­ا­تارەنكو اۋە كەمەسى اپات­قا ۇشىراپ, جەرگە قاراي قۇلديلاعان جاع­دايدا وندا وتىرعان بارلىق جولاۋشىلاردى امان الىپ قالاتىن قۇرىلعى ويلاپ تاپتى. تاپقىر ينجەنەر مۇنى اپات ورىن العان بويدا ۇشاقتان ءبولىنىپ شىعاتىن كاپسۋلانىڭ كومەگىمەن جاساماقشى. ال كاپسۋلانىڭ ىشىندە جولاۋشىلار مەن ولاردىڭ جۇكتەرى بولادى. ونەرتاپقىش لاينەردىڭ ۇشۋعا بەتتەۋى, ۇشۋى جانە قونۋى بارىسىندا بولۋى مۇمكىن اپاتتار كەزىندە وسى كاپسۋلانىڭ جولاۋشىلاردىڭ ومىرلەرىن امان ساقتاپ قالاتىنىن ايتادى. بۇعان قۇرىلعىنىڭ جوعارعى جاعىنان تارتىپ تۇراتىن وتە مىقتى پاراشيۋت كومەكتەسەتىن بولادى. ۇشاقتىڭ سوعان بايلانعان بولىگى جەرگە نەمەسە سۋعا قالىقتاپ كەلىپ قونادى دا, ءارى قاراي باتپاي تۇرىپ قالادى. كونسترۋكتور ءوزىنىڭ بۇل جوباسىن ءۇش جىل دايىنداپتى. وسى ماقساتتا جەرگە كەلىپ قونا الاتىن ۇرلەمەلى كامەرالاردى دا قاراستىرعان. سول سياقتى پاراشيۋت جۇيەسىن كەۆلار مەن كاربون سەكىلدى جەڭىل ماتەريالدارمەن قۇراپ كورگەن. بىراق بۇل جەردە ينجەنەردىڭ ۇشقىشتاردى امان الىپ قالۋدى ۇمىتىپ كەتكەنى انىق اڭعارىلادى. ال جۇرتشىلىق اراسىنا سۇراۋ سالىپ كورگەندە, ولاردىڭ 95 پايىزى قانشا قىمبات بولسا دا, وزدەرىنىڭ قاۋىپسىزدىكتەرى ءۇشىن وسى ۇشاققا بيلەت الۋعا دايىن ەكەندەرىن ءبىلدىرىپتى. مۇرات ايتقوجا. https://www.youtube.com/watch?v=JeSdj7NC7ZE&feature=player_embedded