«بەيبارىس-اتىراۋ» حوككەي كلۋبىنىڭ ديرەكتورى تاعايىندالدى

اتىراۋ. 19 قاڭتار. اتىراۋ وبلىسىنىڭ «بەيبارىس-اتىراۋ» حوككەي كلۋبىنىڭ جاڭا ديرەكتورى بەلگىلى بولدى. بۇل قىزمەتكە وسى كەزگە دەيىن قۇرىلىس سالاسىندا بيزنەسپەن اينالىسقان جەرگىلىكتى كاسىپكەر گەورگي ششەرباكوۆ تاعايىندالدى. بۇل تۋرالى azh.kz سايتىنا سىلتەمە جاساعان egemen.kz ءتىلشىسى حابارلادى. گەورگي ششەرباكوۆتىڭ ءوزى بۇرىن «سۇڭقار» دەپ اتالاتىن اۋەسقوي كوماندادا ويناعان. كەيىن شايبالى حوككەي ويناۋعا قۇمار اۋەسقوي جىگىتتەرمەن بىرگە «لەگيون» كومانداسىن قۇرعان. ونىڭ نەگىزگى كاسىبى قۇرىلىس سالاسىنداعى بيزنەسپەن بايلانىستى ەدى. ەندى بيزنەستەن ءبىرجولاتا قول ءۇزىپ, «بەيبارىس-اتىراۋ» حوككەي كلۋبىنىڭ كاسىبي دەڭگەيىن كوتەرۋگە تۇپكىلىكتى كىرىسۋدى كوزدەپ وتىر. «ەڭ باستى ماسەلە – قارىزداردان قۇتىلۋ قاجەت» دەگەن جاڭا ديرەكتوردىڭ پىكىرىنشە, كلۋبتىڭ ەلەكتر ەنەرگياسى مەن گاز ءۇشىن بەرەجاعى بار. سونىمەن بىرگە, سپورتتىق كيىمدەر مەن قۇرال-سايمانداردى دا قارىزعا العانى بەلگىلى بولىپ وتىر. جولداسبەك شوپەعۇل. دەرەك, سۋرەت: azh.kz.