پاۆلودار. 19 قاڭتار. ەۋرازيالىق توپ (ERG) قۇرامىنا كىرەتىن «ەۋروازياتتىق ەنەرگەتيكالىق كورپوراتسياسى» اكتسيونەرلىك قوعامى «شىعىس» كەنىشىنىڭ تەحنيكالىق پاركى Atlas Copco كومپانياسىنىڭ FlexiROC D65 جاڭا بۇرعىلاۋ بەلدىگىمەن تولىقتى. بۇل تۋرالى egemen.kz حابارلادى.
كەنىشتىڭ تەحنيكالىق قىزمەتىنىڭ حابارلاۋىنشا, جاڭا قۇرىلعى مەرزىمى ءوتىپ كەتكەن 5سبش-200 بۇرعىلاۋ بەلدىگىن الماستىرادى. قۇنى 213 ميلليون 755 تەڭگە. ءونىم ونىمدىلىگىن ارتتىرادى. جاڭا قۇرىلعى قاۋىپسىز. حالىقارالىق ستاندارتتارعا ساي. وپەراتوردىڭ ورىندىعى ادامنىڭ بويى مەن سالماعىنا لايىقتالعان. بۇرعىلاۋ كەزىندە اينالانىڭ بارلىعى انىق كورىنەدى. ماشينا كابيناسى جىلى, جارىق ءارى سالقىنداتقىشپەن قامتاماسىز ەتىلگەن, شۋ از. وپەراتوردىڭ تەز شارشاپ, قاتەلىكتەر جىبەرۋىنە جول بەرمەيدى. بەلدىكتىڭ قوزعالتقىشتى جانە كومپرەسسوردى رەتتەۋ-باقىلاۋ جۇيەسى, شاڭباسۋ جانە الدىن الا تازالاۋ جۇيەسى بار.
قازىرگى كەزدە «شىعىس» كەنىشىندە وسىنداي 12 بۇرعىلاۋ بەلدىكتەرى جۇمىس جاسايدى. ولاردىڭ بارلىعى «ەەك» اق «شىعىس» كەنىشىنىڭ قيىن تاۋ-كەن گەولوگيالىق جاعدايلارىندا, بۇرعىلاۋ جۇمىستارىنىڭ جوعارى دەڭگەيدە ورىندالۋىن قامتاماسىز ەتەدى.
ال, وڭىردەگى اقسۋ قالاسىندا ورنالاسقان «ەۋروازياتتىق ەنەرگەتيكالىق كورپوراتسياسى» اكتسيونەرلىك قوعامى (ەەك) ەۋرازيالىق توپتىڭ قۇرامىنا كىرەدى. ەلىمىزدەگى ەلەكتر ەنەرگياسىن جانە كومىردى ءوندىرىپ شىعاراتىن الىپ ءوندىرۋشى كاسىپورىن. ياعني, وندىرىلەتىن ەلەكتر ەنەرگياسىنىڭ 17 پايىزىن, كومىردىڭ 20 پايىزىن وندىرەدى. كورپوراتسيا: «شىعىس» كومىر كەنىشى جانە اقسۋ ەلەكتر ستانتساسىن قۇرايدى. كاسىپورىندا 6 222 ادام ەڭبەك ەتۋدە.
فاريدا بىقاي.
دەرەك, سۋرەت: egemen.kz.
