وسكەمەن. 19 قاڭتار. قازاقستان قۇراماسىنىڭ ساپىندا الەم چەمپيوناتىندا ونەر كورسەتكەن شىعىسقازاقستاندىق حوككەيشىلەردى جەرلەستەرى ۇلكەن قۇرمەتپەن كۇتىپ الدى. بۇل تۋرالى egemen.kz ءتىلشىسى حابارلادى.
اۆستريادا وتكەن الەمدىك دودادا لايىقتى ونەر كورسەتكەن ءۇشىن 12 حوككەيشىنى ءوڭىر جۇرتى وسكەمەن قالاسىنىڭ تەمىر جول ۆوكزالىنان قۇشاق-قۇشاق گۇلمەن, قوشەمەتپەن قول سوعىپ تۇرىپ قارسى الدى.
اۆستريانىڭ شپيتتال-ان-دەر-دراۋ قالاسىنداعى بىرىنشىلىكتە حوككەيدەن ەلىمىزدىڭ ايەلدەر قۇراماسى قولا مەدالعا قول جەتكىزگەن بولاتىن. سونداي-اق, بيىل ۇلتتىق قۇراما كوماندانىڭ باسىم بولىگىن وسكەمەندىك حوككەي مەكتەبىنىڭ تۇلەكتەرى قۇرادى. كوماندانىڭ باس جاتتىقتىرۋشىسى – حالىقارالىق جانە جوعارى ۇلتتىق دارەجەدەگى تورەشى يرينا موگيلنيكوۆا.
ايتا كەتەيىك, ايەلدەر اراسىنداعى الەم بىرىنشىلىگى (U18) 7-11 قاڭتار ارالىعىندا ءوتتى. قازاقستان قۇراماسى رۋمىنيا, قىتاي, اۆستريا, ۇلىبريتانيادان كەلگەن مىقتى قارسىلاستارىمەن كەزدەسىپ, 4 ويىندا 3 جەڭىسكە قول جەتكىزدى.
دۋمان اناش.
دەرەك, سۋرەت: egemen.kz.
