مەديتسينا قىزمەتكەرلەرىنىڭ جالاقىسى كوبەيدى

بيىلعى جىلدىڭ 1 قاڭ­تارى­نان باستاپ بيۋدجەت قىزمەت­كەرلەرىنىڭ ايلىعى وسەتىندىگى تۋرالى مەملەكەت باسشىسى وتكەن جىلى قاراشاداعى جولداۋىندا ايتقان بولاتىن. وسىعان وراي, قازىنادان ارنايى 273 ملرد. تەڭگە بولىنگەن. جاڭا جىلداعى وزگەرىستەر بويىنشا دارىگەرلەر مەن ۇستازداردىڭ ەڭبەكاقىسى – 28-29,   ستۋدەنتتەر شاكىرتاقىسى – 25, وزگە سالا قىزمەتكەرلەرىنىڭ جالاقىسى 28-40 پايىزعا كوبەيدى. سونداي-اق, جاڭا كودەكس بويىنشا مەملەكەتتىك قىز­مەت­كەرلەر ەڭبەكاقىسىن تولەۋدىڭ جاڭا جۇيەسى ەنگىزىلمەك. ياعني, مامانداردى ءبىلىمى, بىلىك­تىلىگى, جۇمىس كولەمى مەن جاۋاپ­كەر­شىلىگى بويىنشا 4 توپقا بولەدى. ولار: باسقارۋ جۇيەسى قىز­مەتكەرلەرىنىڭ, نەگىزگى قىز­مەتكەرلەر, اكىمشىلىك قىز­مەت­كەرلەرى, قوسىمشا قىزمەت­كەرلەر بلوكتارى. سونىمەن قاتار, بۇل جاڭا جۇيەدە قوسىمشا ەڭبەك ساعاتىنا سىياقى تاعايىنداۋ جاعى دا قاراستىرىلعان. قازاق ونكولوگيا جانە راديولوگيا عزي ديرەكتورى, پروفەسسور قۋانىش شادىباي ۇلى نۇرعازيەۆتىڭ ايتۋىنشا, بۇل مودەل دارىگەرلەردىڭ جۇمىس ساپاسىنىڭ ارتۋىنا جول اشادى. – ءبىز ۇجىم بولىپ جاڭا ەڭبەك كودەكسىن, ەڭبەكاقى تولەۋدىڭ جاڭا جۇيەسىن تالقىلادىق. دارىگەرلەردىڭ جالاقىسى 28 پايىزعا ارتپاق. بىراق, بۇل كەزەڭ-كەزەڭمەن جۇزەگە اسىرىلاتىن ۇدەرىس. قازىر بىزدە 13,5 پايىزعا دەيىن اقشانى كوتەرۋگە مۇمكىندىك بار. وسىلايشا 28 پايىزعا جەتەتىن بولادى. بۇل وزگەرىس بويىنشا ءبىز قازىر جۇمىس ىستەپ جاتىرمىز. ايتا كەتۋ كەرەك, داعدارىس مەديتسينا سالاسىنا سالقىنىن تيگىزەرى حاق. سول ءۇشىن دە, ۇنەمدەۋ تۋرالى ۇمىتپاۋىمىز كەرەك. دەسەك تە, ءدارى-دارمەككە كەلگەندە ۇنەمدەۋدىڭ رەتى كەلمەس. الداعى ۋاقىتتا بارلىق باعىتتا العاشقى كومەك كورسەتۋ مەن الەۋمەتتىك قولداۋ جالعاسا بەرمەك», – دەيدى ونكوينستيتۋت باسشىسى. ەلباسى جولداۋى مەن ەڭبەك كودەكسىندەگى وزگەرىستەرگە سايكەس, نەگىزگى مامانداردىڭ بىلىكتىلىگىنە بايلانىستى جالاقىسى 7 پايىزعا ارتادى ەكەن. پرە­زيدەنت ن.نازارباەۆ مەم­­قىز­مەت­كەرلەر بىلىكتىلىگىن ارت­­تىرۋ تۋرالى ءجيى ايتادى. بىل­­تىرعى جىلى دەنساۋلىق ساق­تاۋ جانە الەۋمەتتىك دامۋ مي­نيسترلىگى ەلىمىزدىڭ بارلىق ايما­عىندا قازان مەن قاراشا اي­لارىندا مەملەكەتتىك مەكە­مە­لەر­دىڭ ەسەپشىلەرى مەن وزگە قىز­مەتكەرلەرىنىڭ ءبىلىمىن جەتىلدىرۋ بويىنشا ارنايى كۋرستار ۇيىمداستىردى. وعان بارلىعى 9 مىڭنان اسا مامان قاتىستى. گۇلزەينەپ سادىرقىزى, «ەگەمەن قازاقستان». الماتى.