وقۋ ورنىنداعى وڭدى ىستەر

وتكەن جۇما كۇنى پرەمەر-ءمينيستردىڭ ورىنباسارى داريعا نازارباەۆا الماتى قالاسىنا جۇمىس ساپارى بارىسىندا Almaty Management University وقۋ ورنىندا بولدى. ساپاردىڭ نەگىزگى ماقساتى «2016-2019 جىلدارعا ارنالعان ءبىلىم بەرۋدى دامىتۋدىڭ مەم­لە­كەتتىك باعدارلاماسىنىڭ» جوباسى بويىنشا ۇسىنىستاردى تال­قىلاۋعا ارنالدى. اتالعان جوعارى وقۋ ور­نى­­نىڭ پرەزيدەنتى اسىلبەك قوجاح­مەتوۆ ۆيتسە-پرەمەرگە قازاق­ستانداعى العاشقى بيزنەس جو­عارى وقۋ ورنى تۋرالى اڭگىمەلەپ, مەملەكەتتىك باعدارلامانىڭ جوباسىنا بايلانىستى ۇسىنىستار ءبىلدىردى. داريعا نازارباەۆاعا جوعارى وقۋ ورنىنىڭ ۆيرتۋالدى مۋزەيى ايرىقشا اسەر قالدىردى. مۇندا ءداستۇرلى مۋزەيلەرگە قاراعاندا ەكسپوناتتار جوق, ونىڭ ەسەسىنە يننوۆاتسيالىق اسپەكتى بار. ۆيتسە-پرەمەر ۇشتۇعىرلى ءتىل نورماعا اينالعان ۋنيۆەر­سيتەتتىڭ تىلدىك ستراتەگياسىنا قىزىعۋشىلىق ءبىلدىردى. العاشقى ەكى جىلدا مۇندا اعىلشىن ءتى­لىن ينتەنسيۆتى تۇردە ەنگىزۋ ءتاجى­ريبەلەنەدى. ال ستۋدەنتتەر مەن قىزمەتكەرلەر اراسىندا قا­زاق ءتىلىن وقىپ-ۇيرەنۋگە ىنتالاندىرۋ جوو-دا 2010 جىلى قۇرىلعان « ۇلىتاۋ» مادەني-لينگۆيستيكالىق لاگەرىنىڭ يننو­ۆاتسيالىق ادىستەمەلەرىنىڭ كومە­گىمەن جۇزەگە اسىرىلادى. جاڭا ءپىشىمدى مەنەدجەر­لەر دايىن­داۋ كەزدەسۋدە تال­قىلانعان ما­ڭىزدى تاقىرىپتاردىڭ ءبىرى بولدى. وسىلايشا, د.نازارباەۆانىڭ ايتۋىنشا, رەستوراندىق جانە قوناق ءۇي بيزنەسى سالاسىندا ەلدە كاسىبي مەنەدجمەنتكە دەگەن وتكىر زارۋلىك بايقالادى. وسى سالاعا اقشا سالعانداردىڭ ءبارى اقىر سوڭىندا شەتەلدىك مەنەدجەرلەردى شاقىرۋعا ءماجبۇر بولادى, دەپ اتاپ ءوتتى ۆيتسە-پرەمەر. د.نازارباەۆانىڭ پايىمداۋىنشا, تاعى ءبىر وتكىر پروبلەما, ول قازاقستاندىقتاردىڭ ءوز ونىمدەرىن ىلگەرىلەتە بىلمەۋى بولىپ تابىلادى. يندۋستريالىق-يننوۆاتسيالىق دامۋدىڭ ال­عاش­قى بەسجىلدىعى ءوتتى. ءبىز كا­سىپ­­ورىندار, زاۋىتتار سالدىق, جۇمىس ورىندارىن قۇردىق. بىراق, ەڭ باستى پروبلەما نەدە؟ ءبىز ءوز وندىرگەندەرىمىزدى ساتا بىلمەيمىز. ماسەلەن, سولتۇستىك قازاقستان وبلىسىندا مال شارۋاشىلىعى وتە جاقسى جولعا قويىلعان, ءبى­راق ەتتى, ءجۇن مەن تەرىنى ساتۋدا ۇنەمى پروبلەمالار تۋىنداپ جاتادى. ناتيجەسىندە, قىتايلار مەن تۇرىكتەر كەلىپ ءبارىن ازداعان تيىن-تەبەنگە ساتىپ الىپ كەتەدى. ءبىز ارنايى ماماندار دايىنداپ جاتساق تا, ءالى كۇنگە ساۋدا جاساپ ۇيرەنگەن جوقپىز. مۇنداي جاعداي بۇكىل قازاقستان بويىنشا ورىن الىپ وتىر, دەدى د.نازارباەۆا. كەزدەسۋدە الماتى قالاسىن دامىتۋ جوسپارى دا تالقىلان­دى. وكىنىشكە قاراي, قالا ەكونو­ميكاسىنداعى جوو-لاردىڭ ءرولى, سول سياقتى, وزگە دە ەكونوميكالىق جانە الەۋمەتتىك ماسەلەلەر اتال­عان قۇجاتتا ەش كورىنىس تاپپاعان. كەزدەسۋ قورىتىندىسىندا د.نازارباەۆاعا ۋنيۆەرسيتەتتىڭ سيمۆولى – حرۋستال الما تابىس ەتىلدى. «ەگەمەن-اقپارات».