استانا. 18 قاڭتار. «Astana arlans» سوڭعى بەس ماۋسىمدا ەكى رەت جەڭىمپاز اتاندى. بۇل تۋرالى egemen.kz ءتىلشىسى حابارالادى.
سونىمەن بىرگە كوماندا ءبىر رەت ەكىنشى ورىندى, ەكى رەت ءۇشىنشى ورىندى يەلەندى.
كوماندا بۇكىلالەمدىك بوكس سەرياسىنىڭ وسىعان دەيىن وتكەن بەس ماۋسىمىندا ءۇش رەت العاشقى جەكپە-جەكتەرىن ءوز جەرىندە وتكىزدى. 2010/11 جىلعى ماۋسىمدا «ارلاندار» توپتىق باسەكەنىڭ تۇساۋكەسەر جەكپە-جەگىندە وڭتۇستىك كورەيا كومانداسىن قابىلداپ, قارسىلاستارىن 5:0 ەسەبىمەن جەڭسە, 2013/14 جىلعى ماۋسىمنىڭ العاشقى جەكپە-جەگىندە ازەربايجان بوكسشىلارىنان 4:1 ەسەبىمەن باسىم ءتۇستى. بىلتىر ۆەنەسۋەلا كومانداسىمەن بولعان العاشقى كەزدەسۋدە «ارلاندار» قوناقتاردى 5:0 ەسەبىمەن ويسىراتا ۇتتى.
تومەندە «استانا ارلاندارى» كلۋبىنىڭ ماۋسىماشار جەكپە-جەكتەرى:
2010-11 جىل. «استانا ارلاندارى» – «Pohang Poseidons»(وڭتۇستىك كورەيا) – 5:0.
2011-12 جىل. «Los Angeles Matadors» (اقش) – «استانا ارلاندارى» – 3:2.
2012-13 جىل. «
Ukraine Otamans» (ۋكراينا) – «استانا ارلاندارى» – 2:3.
2013-14 جىل. «استانا ارلاندارى» – «Baku Fires» ء(ازىربايجان) – 4:1.
2015 جىل. «استانا ارلاندارى» - «Veneszuela Caciques»(ۆەنەسۋەلا) – 5:0.
بىلتىرعى ماۋسىمنىڭ قورىتىندىسى بويىنشا «استانا ارلاندارى» كومانداسىندا 91 كيلوعا دەيىنگى سالماق دارەجەسىندە كۇش سىناسقان بوكسشى ۆاسيلي لەۆيت ريو-دە-جانەيرو وليمپياداسىنىڭ جولداماسىن جەڭىپ الدى. ەندى ول ۇلتتىق قۇراما ساپىندا وليمپيا ويىندارىنا قاتىسادى.
بۇكىلالەمدىك بوكس سەرياسى ارقىلى وليمپيا ويىندارىنا جولداما العان تەك ۆاسيلي لەۆيت قانا ەمەس. 81 جانە 91 كيلودان اسا سالماقتاردا جۇدىرىقتاسقان حورۆاتيالىق لەگيونەرلەر حرۆوە سەپ پەن فيليپ حرگوۆيچ تە بىلتىرعى ماۋسىم قورىتىندىسى بويىنشا وليمپيادا جولداماسىن يەلەندى. فيليپ حرگوۆيچ الەمدىك رەيتينگتى ءبىرىنشى ورىنمەن اياقتادى. حرۆوە سەپ بولسا, AIBA باسشىلارىنىڭ تاعايىنداعان قوسىمشا جولداماسىنا يە بولدى.
بيىلعى ماۋسىمدا APB مەن WSB جوبالارىنا قاتىساتىن بوكسشىلار اراسىندا وليمپيادانىڭ 26 جولداماسى ساراپقا سالىنادى. بۇل جارىستارعا «استانا ارلاندارى» قۇرامىنان كىمدەردىڭ قاتىساتىنىن كلۋب جاتتىقتىرۋشىلارى مەن ۇلتتىق قۇراما باپكەرلەرىنىڭ كەڭەسى ءوزارا اقىلداسا وتىرىپ شەشەدى.
بۇكىلالەمدىك بوكس سەرياسىنىڭ تاريحىندا «استانا ارلاندارى» كومانداسى ەڭ كوپ جۇلدە العان ۇجىمداردىڭ ءبىرى. 2010 جىلدان بەرى ۇيىمداستىرىلىپ كەلە جاتقان جوبادا «ارلاندار» ەكى رەت باس جۇلدەنى (2013, 2015) جەڭىپ السا, ءبىر رەت (2011) ەكىنشى ورىندى يەلەندى. 2012 جانە 2014 جىلدارى جارتىلاي فينالعا دەيىن جەتىپ, قولا جۇلدەنى قاناعات تۇتتى.
بۇكىلالەمدىك بوكس سەرياسىندا جۇلدە العان كوماندالار سانى – 9. ولاردىڭ ىشىندە 4 كوماندا عانا اتالمىش جوبانىڭ جەڭىمپازى اتانعان.
|
كوماندا |
2010/11 |
2011/12 |
2012/13 |
2013/2014 |
2015 |
| Astana Arlans |
2-ورىن |
3-ورىن |
1-ورىن |
3-ورىن |
1-ورىن |
| كۋبا قابىلاندارى |
- |
- |
- |
1-ورىن |
2-ورىن |
| Dolce & Gabbana |
- |
1-ورىن |
3-ورىن |
- |
- |
| Paris United |
1-ورىن |
- |
- |
- |
- |
| Baku Fires |
3-ورىن |
3-ورىن |
- |
2-ورىن |
- |
| Russian Boxing Team |
- |
2-ورىن |
- |
3-ورىن |
3-ورىن |
| Ukraine Otamans |
- |
- |
2-ورىن |
- |
- |
| Mexico City Guerreros |
- |
- |
3-ورىن |
- |
3-ورىن |
داستان كەنجالين.
دەرەك, سۋرەت: «Astana arlans» جارتىلاي كاسىپقوي بوكس كلۋبى.
