«ماڭگىلىك ەل» پاتريوتتىق فورۋمى

ەل تاۋەلسىزدىگىنىڭ 25 جىل­دى­عىنا وراي «نۇر وتان» پار­تيا­سىنىڭ وبلىستىق فيليا­لى وبلىستىق قازاقستان حالقى اسسامبلەياسى حاتشىلىعىمەن بىرلەسىپ «ماڭگىلىك ەل» پات­ريوت­تىق فورۋمىن وتكىزدى. مۇنى وسى باعىتتاعى كەشەندى ىستەردىڭ باس­تاۋى, تاۋەلسىزدىكتىڭ تۇعىرىن بەكى­تەتىن ساياسي-مادەني ءىس-شارا­لاردىڭ تۇساۋكەسەرى دەسە دە بول­عانداي. پارتيا مۇشەلەرى مەن جاس­تار قاتىسقان جيىندا «نۇر وتان» پارتياسى وبلىستىق فيليالى توراعاسىنىڭ ءبىرىنشى ورىنباسارى ايبەك ساعيەۆ ءسوز الىپ, ەلباسى جولداۋىندا اي­تىلعان «ماڭگىلىك ەل» يدەياسىنا, ونى جۇزەگە اسىرۋدىڭ تاريحي ماڭىزدىلىعىنا توقتالدى. ىلگەرى كۇنگە ۇلكەن ءۇمىت ارتقان بولاشاقتاعى جارقىن ىستەردىڭ وسى «ماڭگىلىك ەل» يدەياسىنان ارنا تارتاتىنىن جەتكىزدى. مۇ­نىڭ ءوزى دامىعان 30 ەلدىڭ قاتارىنا ەنۋدى مەجەلەپ وتىرعان قازاقستاننىڭ قارقىندى دامۋىنا سەرپىن بەرەتىنىن اتاپ ءوتتى. – وتكەن تاريحقا تاعزىم دا, بۇگىنگى باعىتقا ماقتانىش تا, كەلەشەككە سەنىم دە «ماڭگىلىك ەل» دەگەن ۇعىمعا سىيىپ تۇر. وتان­دى ءسۇيۋ – بابالاردان ميراس بولعان مۇرانى قادىرلەۋ, ونى ساقتاۋ, ءوز ۇلەسىڭدى قوسىپ دامىتۋ, كەيىنگى ۇرپاققا امانات ەتىپ تا­بىس­تاۋ. قازىرگى كۇنى بارشا قازاق­­ستاندىقتىڭ مىندەتى وسى بولۋى ءتيىس, – دەدى ول. شارادا ق.جۇبانوۆ اتىنداعى اقتوبە وڭىرلىك مەملەكەتتىك ۋني­ۆەرسيتەتىنىڭ پروفەسسورى نۇر­تازا ابدوللاەۆ ەلىمىزدىڭ 25 جىل ىشىندە قول جەتكىزگەن جەتىستىگى مەن ەلباسىنىڭ كورەگەن ساياساتىن ساباق­تاستىرا باياندادى. «ماڭگىلىك ەل» باعدارلاماسىنىڭ تاريحي ماڭىزىنىڭ تۇجىرىمدارىن تاراتا اڭگىمەلەدى. بۇل يدەيانىڭ پاتريوتتىق ءمانى مەن تاربيەلىك ماڭىزىنا توقتالدى. «نۇر وتان» پارتياسىنىڭ بەلسەندى مۇشەسى, اقتوبە كولىك, كوممۋنيكاتسيا جانە جاڭا تەحنولوگيالار كوللەدجىنىڭ وقىتۋشىسى بەكزات قاۋمەشەۆ جاستار اتىنان ءسوز الىپ, ەلى­مىز­دىڭ تاۋەلسىزدىگى حاقىندا تۇ­شىم­­دى ويلارىن ورتاعا سالدى. تاۋەلسىزدىك جىلدارىنداعى قول جەت­كەن تابىستار مەن يگى ىزدەنىس­تەردى سالعاستىرا باياندادى. – تاۋەلسىز ەل اتانعان تۇستا ەلباسى الپاۋىت ەلدەردىڭ كەپىل­دىگىن الا وتىرىپ, الەمدە ءبىرىنشى بولىپ يادرولىق قارۋدان باس تارتتى. ەڭ الدىمەن ەلدىڭ شەكاراسىن نىقتاپ الۋعا ۇمتىلدى. نۇرسۇلتان ءابىش ۇلى الەمنىڭ بار­لىق ەلدەرىنەن ينۆەستيتسيا تارتتى. سونىڭ ارقاسىندا ەكونوميكامىز اياعىنان تىك تۇرىپ قانا قويماي, قاۋىپسىزدىگىمىزدى دە نىعايتىپ ال­دىق. ويتكەنى, بىزدە الەمنىڭ «اۋا رايىن» جاسايتىن ەلدەردىڭ ءبارىنىڭ دە بيزنەسى بار. ال قىرۋار قارجى سالىپ وتىرعان ولار ءبىزدىڭ ەلدە تىنىشتىق بولۋىنا ابدەن مۇددەلى, – دەدى ول. ال قازاقستان حالقى اسسام­بلەياسىنىڭ جانىنداعى عى­لى­مي-ساراپتاما توبىنىڭ ءمۇ­شەسى, ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەر­سي­تە­تىنىڭ وقىتۋشىسى دميتري ماتسيۋك ەلىمىزدەگى دوستىق تۋرالى, بۇل باعىتتاعى ەلباسى ۇستا­نىمدارى حاقىندا اسەرلى اڭگى­مەلەدى. مۇعالجار اۋداندىق ءبىلىم ءبولىمىنىڭ تالىمگەرى, جاس اقىن نۇربول ىبىراەۆ تاۋەلسىزدىك تۋرا­لى جالىندى جىر وقىدى. فورۋم سوڭىندا پاتريوتتىق اندەر شىرقالدى. ساتىبالدى ءساۋىرباي, «ەگەمەن قازاقستان». اقتوبە وبلىسى.