قازاقستان فەرمەرلەر وداعىنىڭ قازاقستان رەسپۋبليكاسى پارلامەنتىنىڭ ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ مەرزىمىنەن بۇرىن سايلاۋلارىن وتكىزۋ جونىندەگى باستامانى قولداۋ تۋرالى
مالىمدەمەسى
قازاقستان فەرمەرلەر وداعى اتىنان قازاقستان رەسپۋبليكاسى پارلامەنتى ءماجىلىسى جانە بارلىق دەڭگەيدەگى ءماسليحاتتار دەپۋتاتتارىنىڭ مەرزىمىنەن بۇرىن سايلاۋىن وتكىزۋ جونىندەگى باستامانى قولدايمىز. الەمدىك ەكونوميكالىق داعدارىس احۋالى جاعدايىندا ەلىمىزدىڭ اگرارلىق سالاسىنىڭ ەڭبەككەرلەرى ەل ەكونوميكاسىندا تەرەڭ سىلكىنىستەردى بولدىرماۋ جونىندەگى ىقپالدى جانە ءتيىمدى شارالاردى قابىلداۋ ءۇشىن قولدا بار بارلىق مۇمكىندىكتەردى جۇمىلدىرۋعا دەگەن ۇمتىلىستى بارىنشا قولدايدى. ساياسي جانە ەكونوميكالىق تۇراقتىلىقتى قولداي وتىرىپ, فەرمەرلەر وداعى تاۋەلسىز قازاقستاننىڭ جەتىستىكتەرىن ساقتاۋعا جانە دامىتۋعا باعىتتالعان ەلباسىنىڭ ستراتەگيالىق باعىتىن جالعاستىرۋعا دەگەن ۇمتىلىسقا بىرىگۋدى جاقتايدى. بۇگىنگى بۇكىل الەم جانە قازاقستان ءۇشىن كۇردەلى بولىپ وتىرعان جاعدايدا حالىق سەنىمىنىڭ مانداتىن قۋاتتاۋدىڭ جانە داعدارىسقا قارسى شەشۋشى ءىس-قيمىلدارعا كىرىسۋدىڭ ماڭىزى زور. بارلىق قازاقستاندىقتاردى پارلامەنتتىڭ جانە بارلىق دەڭگەيدەگى ءماسليحاتتاردىڭ مەرزىمىنەن بۇرىن سايلاۋىن وتكىزۋ جونىندەگى باستامانى قولداۋعا شاقىرامىز.
